Osea 9:1 - Ebaibul

¹ Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Osea 9:1 Iomraidhean Croise

Ŋikiru. 73:27

Kire jik, edaunosi ŋulu ikiŋerito iyoŋ, imunyari iyoŋ ŋulu nyiwuapito ŋakiro kon.

Isa. 17:11

tari kituruput iyes ŋinyomen ŋul akoloŋit ŋina idupakiniata ka toturout ataparacu ŋinapei edupakinere, kire eruwor akilem akoŋinait akoloŋit ŋina a ŋican ka aryeba ŋina nyiŋaleunio.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Aum. 4:21

Tolelyana ka tolakaros iyes ŋituŋa ke Edom ka ŋituŋa ŋulu iboiyete alo Us. Imerakinosi iyes, ilosete ilerete iteriterosi.

Esek. 16:15

“‘Nai ibu iyoŋ Yerusalem kikinyom akibuses kon ka ibu kisitiya arwonu kon aruworor amalaat ŋina irukito ka ŋinituŋanan daadaŋ itoruni neni kon.

Esek. 16:30

“‘Iŋita Akuj ŋakiro nu atemar, okoe etya adyaka ŋina eyai lotau kon ai? Anerae itiya iyoŋ ŋakiro ŋun daadaŋ irae ŋolo ikwaan ka amalaat ŋina nyirumeneneete ŋileec ŋulu ka amalao keŋ.

Esek. 20:32

“Nyitiyakinosi jik ŋakiro ŋuna itamete iyes ebe, ‘Ecamitae isua kikwaanikinetei ka ŋakwapin ŋunace, ecamitae kikwaanikinetei ka ŋikabilae a ŋakwapin a ŋunace, ŋulu ilipete neni a ŋakito ka ŋamoru. ’”

Esek. 21:10

epenar ekileŋ aŋuna ka aarya, apwasi, ipareo ikwa akimilyaunet! Alipite ikiryamunia iwon alelyanu? Idaut iyes ŋituŋa kaŋ ajamuwar ekepukan ka daadaŋ ŋuna ikilimokinitae iyes akiwuap.

Osea 10:5

Ebuli ŋituŋa ŋulu iboiyete alo Samaria aŋuna a etorube a itaok, a etorube a ŋolo eyai Bes-Apen. Igworete ŋituŋa a Samaria aŋuna a etorube a ŋol igworete ikes kaapei ka ŋisacaradotin ŋulu ilipete ka itopoloorito etorube ŋol, elemaryo iŋes aneni kec yaarae nakwap ace.

Osea 2:12

Amunaari ayoŋ ŋikito keŋ ŋulu ke epiini ka ŋiboboryo ŋulu einakinito iŋes akirworo ebe, “Erae lu etacit kaŋ ŋolo akainakinete ayoŋ ŋikilyok kaŋ ŋulu amina ayoŋ.” Eturuwori ayoŋ ŋikito ŋul amoni ka irikarete ŋityaŋ ŋulu ka ariet ikes.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Osea 5:4

Nyepedorete ŋiticisyo kec akitoboŋor ikes neni ka Akuj kec, anerae ileleba neni kec etau ŋolo ka amalao ka nyeyenete ikes Ekapolon.

Osea 5:7

Etiyata ikes neni ke Ekapolon emam akikinyomit, anerae aryamununut ikes ŋidwe ŋulu euriyo pa eyenio atapapa kec, emunyaryo ikes itiyaete ŋasuban ŋuna ke elap a ŋolokitete, ikes kaapei ka ŋimanikorin kec.

Amos 3:2

Alimu Ekapolon ŋakiro nu ebe, ‘Iyes bon abu ayoŋ okoyenu ka ekeric alokidiŋ ŋituŋa a ŋakwapin a daadaŋ, aŋun, ekesicani ayoŋ iyes aŋuna a ŋasecisya kus.’

Amos 4:5

Yautu anacamit kus ainakinet ŋina a ŋamugati a ŋuna emam ŋakinyalet, tolimonosi iturosi ŋainakineta kus ŋuna iinanakinete iyes anacamit kus, anerae ŋuna iminasi iyes akitiya ŋun, okoe ŋituŋa a Isirael.”

Amos 6:13

ilelyanete iyes aŋuna ikamaryata etaun Lodebar, ido ibasi, ‘Erae agogoŋu kosi bon iŋes ekamarere isua etaun Karanim.’

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Yak. 4:16

Nai tokona iturosi ka isupasi iyes; akisupa ŋin daadaŋ erae aronis.

Yak. 5:1

Topupokisi tokona ŋakiro kaŋ, iyes ŋikabarak! Kigworo ka kiwololoto aŋuna a ŋican a ŋulu eponito neni kus!