Osea 8:8 - Ebaibul

⁸ Ekwaanikin Isirael ka ŋakwapin ŋunace, aruworosi daadaŋ ŋacaryo,

Osea 8:8 Iomraidhean Croise

2 Ŋirw. 18:11

Kikama erwosit ŋolo ka Asiriya Ŋisirael torik ya Asiriya. Abu kitolomu ikes ŋice lotaun ŋolo enyaritae Ala, ŋice diyete aŋolol Abor, anakwap a Gosan ka ŋice lotaunio a Media.

Isa. 30:14

Ikwaanikin abwaŋabwaŋar a arwatata a ŋin ka neni ebwaŋar amot ŋina ebwaŋio ka anyunyura, ŋina nyepedoryo aryamun tari itabok ŋini ekurorere akim, kori aokunio ŋakipi alokare.”

Yer. 22:28

Ikwaan mono Konia ka amot ŋina ebwaŋa, eborosit ŋolo erae ecaryoit ŋolo emam ituŋanan ecamit a? Kaanukiro ayaarere iŋes ka ŋiletok keŋ kiŋa akwap kec, emasarere ikes nakwap ŋina nyeyenete ikes?

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Yer. 48:38

Iwololoete ŋituŋa alokidiama ŋakais ka analapatui a etaun a Moab, anerae eela ayoŋ Moab lopite ŋolo ebwaŋarere amot ŋina emam ituŋanan ecamit.

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Aum. 2:16

Ikikyenatar iyes ŋimoe kus daadaŋ; ikijuutiyanarete iyes ka ikimwanakinete ebasi, “Adaun ro iwon amunaar iŋes! Okoe, arae ro akoloŋit edaritae iwon na, etemokin tokona, ikiŋolik iwon!”

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Aum. 2:5

Ekwaanikin Ekapolon aneni yok ka ŋimoe; amunya iŋes Ŋisirael; amunya ŋakais daadaŋ ŋuna iboiyoto ŋirwosi a Isirael, aritaki kwap ka eturuwo ŋaduketa kec ŋunajiet ŋireŋoroto, etalal nooi akigworo ka aumonokin alotuŋa a Yudaya.

Aum. 4:2

Ekwaan ŋisorok a Sion ejokak aneni kosi ka egolid, nai tokona etiŋitae ikes pa itojokitae nooi, etiŋitae ikes esibit ŋamoti ŋuna epatana abwaŋa.

Aum. 5:2

Aruwor akwap kosi ŋina a ŋigelaanotin, aruwor ŋirerya kosi ŋulu a ŋituŋa a ŋakwapin a ŋace.

Esek. 36:3

Todwar tokona tolimok ŋituŋa ŋulu eyakasi lokamukumukui a Isirael atemar alimu Ekapolon Akuj ebe, ‘Aŋuna aponiata ŋimoe kon ikitisilut iyoŋ kire ka ikinyasut iyoŋ alowaetin a daadaŋ, toruwor iyoŋ akwap a ŋituŋa a ŋakwapin a ŋunace ka aŋuna ibunio iyoŋ toruwor ŋina ikirworotor ka ikiyanyete ŋituŋa a ŋakwapin,’

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.