Osea 8:1 - Ebaibul

¹ Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Osea 8:1 Iomraidhean Croise

2 Ŋirw. 18:27

Nai abu ekapolokiniton ejie a ŋasigarya ka Asiriya tolimu tema, “Pa sek ekeyakuunit ekapolon kaŋ ayoŋ neni ke erwosit kus ka neni kus make alimokin ŋakiro ŋun, nai arae tari neni a ŋulu edukito ŋakais kec narwatata alotooma, ŋulu elosyo kaapei ka iyes akitanyam ŋacin ka akimat ŋakul kus pei.”

Isa. 18:3

Iyes ŋituŋa daadaŋ ŋulu iyakasi nakwap, iyes ŋulu iboiyete anakwap, ani ikyaaryo abendera alokidiama emoru, emaikina iyes kiŋolikis ani ekutakinio amomwara a emesek, emaikina iyes topupokis!

Isa. 24:5

Amunaasi ŋituŋa ŋulu iboiyete anakwap akwap, anerae abila ikes ŋikisila, nyiwuapa ŋakiro ŋuna atubunitoe ka nyiwuapa acamunet ŋina a ŋikaru ka ŋikaru.

Isa. 58:1

Alimu Ekapolon ebe, “Tocelutu nooi, nyililiŋiyasi! Tocelutu a ŋitoilon a ŋulu apolok esibit arupepe erwo. Tolimokisi ŋituŋa kaŋ ŋakiro ŋuna akaŋeryoto ayoŋ, tolimokisi ŋiletok a Yakob ŋasecisya kec.

Yer. 31:32

Nyikwaanikin acamunet ŋin ka ŋina ikicamunor ayoŋ ka atapapaa kec apaki ŋina arikunio ayoŋ ikes a akan kaŋ anakwap a Ijipit, acamunet ŋina apotu ikes toŋero tari ŋina araakar ayoŋ Ekapolon kec.

Yer. 34:18

Ani eruwor ŋulu apotu toŋero acamunet kaŋ ka nyiwuapa ŋakiro ŋuna ka acamunet a ŋina apotu ikes tocamunotor alokiŋaren kaŋ, esikwaanikini ayoŋ ikes ka itaok ŋini etubete ikes alokidiŋ, ido kitoro ikes kidiŋ ŋatutubeta a etaok a ŋin,

Yer. 4:13

Topupokisi! Ebunit Ekapolon lopite ŋolo eponiata ŋidouwon, eponito ŋagaari keŋ ekerete ikwa ekuwuam ŋolo ipiripiri ekusi, epiraka ŋaŋolei keŋ akilo ŋigolei. Utukui iwon! Enyasunoi iwon!

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 48:40

Alimu Ekapolon ŋakiro nu ebe, “Kiirasi, emotun egole Moab, emotun iŋes epetarit ŋabebenuk keŋ, imanit ŋituŋa a Moab.

Yer. 49:22

Ipumakin ŋimoe akirem Bosira lopite ŋolo ipumakinor egole ibore epetarit ŋabebenuk keŋ. Akoloŋit ŋin ebuli ŋikajiok a Edom lopite ŋolo ebulyo aberu ŋina eryeba aŋuna ka akidoun.”

Yer. 51:27

Kikiasi abendera anakwap, tokutakisi amomwara a amesek alokidiŋ ŋakwapin, kitemokisi ŋituŋa a ŋakwapin aŋuna ka akitijikin Babilon, tonyarautu aŋuna keŋ ŋituŋa a ŋapukasinei a nu: Ararat, Mini ka Asikenas. Toseutu aŋuna keŋ ekarikon a ŋajorei; tocunutu aŋuna keŋ ŋaŋolei ŋuna alalak ŋuna etya emaase.

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Esek. 11:4

Aŋun, todwar itoroniyarit ikes, iyoŋ lokoku a ituŋanan, todwar.”

Esek. 16:59

Ŋakiro ŋuna irworo Ekapolon Akuj ikes nu, “Ekesicani ayoŋ iyoŋ lopite ŋolo itiyator iyoŋ, anerae anakimyekin iyoŋ akiwuap acamunet kaŋ ka iyoŋ, ijamuwa iyoŋ ŋuna abu ayoŋ ekoŋ.

Esek. 17:3

Tema iyoŋ neni kec, ‘Alimu Ekapolon Akuj atemar, ayai egole ŋolo apolon nooi ŋolo ayakar ŋabebenuk ŋuna apolok nooi, ayakar iŋes ŋakopir ŋuna aoyak, ŋuna agelegelya ŋiraŋgi. Abu egole ŋol toporo lomoru ŋulu a Lebanon, tobilibilaa ŋakyes a ŋikito a ŋulu enyaritae Cedar,

Esek. 7:14

Adaut ŋituŋa akutakin amomwara, adaut ŋituŋa akitemokin ŋiboro daadaŋ aŋuna ke ejie; nai mam ŋini alot lojie, anerae eyai anyunyura kaŋ neni a ŋinituŋanan.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Osea 5:8

Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Osea 6:7

Nai apotu ikes toŋero Acamunet kaŋ alo Adam, apotu ikes kitiyata neni kaŋ a nen emam akikinyoma.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:15

Tokutakisi arupepe alo Sion, tolimosi akiredakin akiron kus erae ŋina asegan, tonyarautu atukot ŋina italeuno.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Amos 8:3

Akoloŋit ŋin, iwololoete ŋituŋa eeosi alo kai a ŋina ilipyata; ilelebun ŋawat a ŋituŋa ŋiwaetin daadaŋ ŋulu ka akwap, imasaryo ŋawat a ŋituŋa kiŋa ekililiŋat.”

Amos 9:1

Tema Amos, “Abu ayoŋ eŋolik Ekapolon ewoi alodiyete Namuroet.” Okolimok iŋes ayoŋ tema, “Toram nooi ŋakyes a ŋipirin a ŋulu a Akai a ŋina ka Akuj, ikotere tomaranikis ŋalapatui ŋuna a Akai a ŋina ka Akuj; ido ŋulu ebucarosi, aari ayoŋ ke ekileŋ, mam ikes ipei daŋ ŋini eemi, mam ikes ipei daŋ ŋini ebucar.

Abak. 1:8

Epiraka nooi ŋaŋolei kec akilo ŋirisae, ededeŋ nooi akilo neni ededeŋiata ŋipeei ŋisaae ŋulu ka ataboŋ, icurosi ŋaŋolei kec ipudaete akwap nooi. Eponeneete ŋikametok ŋaŋolei kec anakwapin a ŋuna alwanak. Iuwaunun ikwa egole ecamit akinyam ibore.

Sepan. 1:16

akoloŋit ŋina ituruunere arupepe ka ŋina eramakinere eli ŋolo itijikinere ŋitaunio ŋulu edukuk nooi ka ŋituŋa ŋulu eya naduketa ŋuna aoyak nooi, ŋuna ejiere.”

Sakar 11:1

Iyes ŋituŋa a Lebanon, toŋaasi ŋipukei a akwap kus, ikotere akim tonom ŋikito kus ŋulu enyaritae Cedar.

Sakar 9:14

“Etakanuni Ekapolon eyai kidiama ŋituŋa keŋ; egumuni iŋes ŋikaleŋeleŋe keŋ ikwaan ka akimilyaunet. Ekutakini Ekapolon ŋolo Etiron arupepe; ebuni iŋes alokuwuamin a ŋulu alo Kwap a ŋulu ipiripirete.

Mat. 24:28

Neni eyai ibore ŋini atwan, iŋes iudakin ŋataruk.

Ŋikis. 28:49

Eyauni Ekapolon ŋituŋa ŋulu ikitijikinete iyes ŋulu ka akwap a ŋina alwanan a ŋina eyai lokisal a akwap, eyauni Ekapolon ŋituŋa ŋulu nyipupete iyes aŋajep kec, iuwaun ikes neni kus lopite ŋolo iuwaunor egole kwap.