Osea 7:9 - Ebaibul

⁹ ademasi ŋigelae ikes agogoŋu kec, nai nyeyenete ikes, amojoŋa ikes apusyaketa ŋakyes kec nai nyeyenete ikes.

Osea 7:9 Iomraidhean Croise

2 Ŋirw. 13:22

Ŋirwa daadaŋ ŋulu epukator Yeowas, arukaunito Ŋisirael ŋican aneni ka Asael a ŋolo arae erwosit ka Aram.

2 Ŋirw. 15:19

Bu erwosit Pul ŋolo ka Asiriya torem akwap a Ŋisirael. Inak Menaem ŋolo arae erwosit a Isirael ŋitalantae aliput ŋulu a esilipa neni a Pul, ikotere kiŋarakinia Pul iŋes, torubak ipukat.

Ŋakit. 23:35

Itemari iyoŋ ebe, “Aponi ekedici ayoŋ, nai mam nyawanan ayoŋ; aponi ekebuŋae ayoŋ, abu nyakanomo ayoŋ. Ori mono emaikina ayoŋ okyenyunia? Acamit ayoŋ akimat ŋagwe ŋace.”

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 57:1

Ani etwakete ŋituŋa ŋulu iyookino, emam ituŋanan emisit atamatam alotau keŋ. Ani earyo ŋituŋa ŋulu enupito nooi, emam ituŋanan eyeni ŋakiro ŋuna aarere ikes. Elemanaryo ŋituŋa ŋulu iyookino, anerae nyecamitae ikes toryamut ŋican,

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.