Osea 7:8 - Ebaibul

⁸ Enyalakin ŋituŋa a Epuraim ka ŋituŋa a ŋakwapin ekwaanikin Epuraim ka amugati ŋina nyekonit ewae epei,

Osea 7:8 Iomraidhean Croise

1 Ŋirw. 18:21

Abu nai Eliya toapu lotuŋa tema, “Apaki ŋina etya ai iyaete iyes pa iyenete ŋuna kiwuapa anakiro a nu a ŋaarei? Ani kerae Ekapolon Akuj, kiwuapa iŋes ani robo kerae Baal akuj kiwuapa iŋes.” Mam akirot apotu ŋituŋa toboŋokis Eliya.

Esir 9:1

Kedaun akitiya ŋakiro ŋun daadaŋ apotu ŋikapolokinitok ŋituŋa potu neni kaŋ temasi, “Nyetyakara ŋituŋa a Isirael ka ŋilepi alotuŋa a ŋakwapin ka anakiro kec a ŋuna asiilyanak, nyetyakara ikes aneni a Ŋikanaani, a Ŋiitaiti, a Ŋiperisi, a Ŋiyebusi, a Ŋiamoni, a Ŋimoabi, a Ŋijipitian ka aneni a Ŋiamori,

Esir 9:12

Aŋun, nyipotonosi ŋidwe kus ŋulupesur, alokiitanu neni a ŋidwe kec a ŋulusapa, kori ŋidwe kus ŋulusapa neni a ŋidwe kec a ŋulupesur, irubakinete iyes igogoŋ ka imujete ŋiboro ŋulu ajokak anakwap a ŋin, kimyekis aŋuna a ŋidwe kus erae ibore ŋini eruwor ŋini kec ŋikaru ka ŋikaru.’

Ŋikiru. 106:35

Nai apotu ikes kimorikinos ka ŋituŋa a Kanaan, ido apotu kitiyata ŋuna etiyaete ŋituŋa a Kanaan.

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Osea 5:7

Etiyata ikes neni ke Ekapolon emam akikinyomit, anerae aryamununut ikes ŋidwe ŋulu euriyo pa eyenio atapapa kec, emunyaryo ikes itiyaete ŋasuban ŋuna ke elap a ŋolokitete, ikes kaapei ka ŋimanikorin kec.

Osea 7:9

ademasi ŋigelae ikes agogoŋu kec, nai nyeyenete ikes, amojoŋa ikes apusyaketa ŋakyes kec nai nyeyenete ikes.

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Sepan. 1:5

Amunyari ayoŋ ŋulu edokanerete nakais akilip neni a akoloŋ, a elap ta neni a ŋikacer; amunyari ayoŋ ŋulu eryedikete kikoŋo ekiro ke Ekapolon, nai kikoŋete daŋ ekiro ka akuj a ŋina enyaritae Milikom;

Mal. 2:11

Adaun anupit a lotuŋa a Yudaya, ido etiyae aronis alo Isirael ka alo Yerusalem, anerae ajamuwasi ŋituŋa a Yudaya akibois ŋina asegan ŋina ke Ekapolon, akibois ŋina emina Ekapolon. Adaut ŋikilyok akiitun ŋaberu ŋuna ilipete ŋakujo ŋunagelae.

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.