Osea 7:7 - Ebaibul

⁷ Emwaka ikes daadaŋ lopite ŋolo emwania ekeno, amunyasi ikes ŋikepukak kec. Aari ŋirwosi kec daadaŋ, nai mam ituŋanan ebuni akilip neni kaŋ aŋuna ka akiŋarakino.

Osea 7:7 Iomraidhean Croise

1 Ŋirw. 15:28

Aari Baasa Nadab alokaru a ŋolo a ŋiuni ipukat Asa Yudaya, ido abu Baasa kilunyokin lokicoloŋ a Nadab kipuka Isirael.

1 Ŋirw. 16:18

Ani eanyuni Simiri atemar ekamar etaun, tolot kai ke erwosit neni aoya alokidiama, kicunyak akai ke erwosit tonom akim iŋes a nen totwan.

1 Ŋirw. 16:22

Nai apotu ŋituŋa ŋulu ariito ka Omiri toreut ŋulu ariito ka Tibini lokoku a Ginas. Aŋun, aponi toarae Tibini ido, abu Omiri toruwor erwosit a Isirael.

2 Ŋirw. 10:14

Tolimok Yeu ŋirukitos keŋ tema, “Kikamutu ikes.” Apotu ŋirukitos keŋ kikamut ikes toarakis nakipany ŋina ayai nen. Arae ekimar kec ŋituŋa ŋatomoniomwon ka ŋiarei, nai aponi nyimyekin tari ipei daŋ toyar.

2 Ŋirw. 10:7

Ani edoli abaruwa neni kec, apotu ikes yaasi ŋidwe a erwosit ŋulusapa ŋulutomonikanikaarei akiar. Kiwuanakis ŋakyes kec tooma ŋibukito yaasi Yesireel neni a Yeu.

2 Ŋirw. 15:10

Tosodi Salum lokoku a Yabes totuk toar iŋes alokidiŋ ebuku kilunyokin lokicoloŋ keŋ akipuka Isirael.

2 Ŋirw. 15:14

Abu nabo Menaem lokoku a Gadi a ŋolo alo Tirisa bu Samaria toar Salum, kilunyokin iŋes lokicoloŋ keŋ akipuka Isirael.

2 Ŋirw. 15:25

Abu epei a ŋulu apolokinito ŋasigarya a Pekaia ŋolo anyaritae Peka, lokoku a Remalia, totuk akiar Pekaia, ya ŋikilyok ŋatomonikan ŋulu a Gilead toloto toara Pekaia kaapei ka Arigob ta Ariel anaduketait a akai ka apukan aŋina ayai Samaria. Ani kedau Peka akiar Pekaia, abu kilunyokin lokicoloŋ keŋ kipuka Isirael.

2 Ŋirw. 15:30

Tosodi Osea lokoku a Ela totuk akiar Peka lokoku a Remalia, toar, kilunyokin lokicoloŋ keŋ akipuka Isirael. Atakanunete ŋun alokaru a ŋolo a ŋatomoniarei ipukat Yosam lokoku a Usia Yudaya.

2 Ŋirw. 9:24

Tosodi Yeu kiketak nooi akau ŋina a ŋikaleŋeleŋe, togum Yoram popire akau, kiporo ekaleŋeleŋet todol loliŋa, totwanik Yoram tooma agaari keŋ.

2 Ŋirw. 9:33

Tolimok Yeu ikes tema, “Kimasutu iŋes kwap!” Kimasut ikes Yesebel kwap, kiterakin ŋaokot keŋ narwatata ŋina ka akai ka naŋolei a Yeu ŋuna aponi tomearae kipudaasi akuwan keŋ.

Yob 36:13

“Erubakinete ŋulu nyikinyomito Akuj alotai kec eyakatar aŋoit, nyigworonokinete ikes Akuj kiŋarak ikes apaki ŋina itukya Akuj ikes.

Ŋikiru. 14:4

Emam mono ŋakiro eyenete ŋituŋa daadaŋ ŋulu itiyaete aronis, ŋulu erikasi ŋituŋa kaŋ lopite ŋolo irikaryata ŋamugati, ido nyemisito akilip neni a Ekapolon a?

Isa. 43:22

“Kikote neni daŋ, okoe ŋiletok a Yakob, ipotu iyes nyikinyarata ayoŋ; nai okoe ŋiletok a Isirael, abu ikiup iyes akiwuapit ŋakiro kaŋ.

Isa. 64:4

Ŋinapei koloŋ mam ituŋanan eira, mam ituŋanan ayenu, mam ituŋanan eŋolik akuj ace, iyoŋ bon ikiŋolikin, Akuj ŋina itiyae aŋuna a ŋulu idarito iŋes.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Isa. 9:13

Tari ŋina esicania Ekapolon ŋituŋa a Isirael nyekiwa ikes ka nyeboŋoro neni a ŋolo abu kisican ikes, kori nyiwara Ŋisirael Ekapolon ŋolo a ŋajoresyo.

Esek. 22:30

Abu ayoŋ ewar aneni kec ituŋanan ŋini epedori adukokin nabo arwatata, ido towo anakiboisyo a ŋuna aritaanara anarwatata, toji aŋuna ka akwap keŋ alokiŋaren kaŋ, ikotere nai ayoŋ nyamunya akwap keŋ. Nai mam aneni kec ituŋanan abu ayoŋ oryamu.

Dan. 9:13

Lopite ŋolo igiritere lokisila a Moses, apotu ŋican lu daadaŋ neni kosi, nai nyemitakina isua akiwar ajokis ŋina ke Ekapolon Akuj kosi anakiŋer ŋasecisya kosi ka akiwuap ŋakiro keŋ ŋuna a kire.

Osea 13:10

Ai bo tokona eyai erwosit kus ikotere ikiuni iyes? Ai eya ŋikapolok alotaunio kus a daadaŋ, ŋulu sek ibasi iyes ayoŋ, “Inakinae isua erwosit ka ŋikepukak.”

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Osea 7:10

Elimorit akituro a ŋituŋa a Isirael ŋuna etubokinere ikes, nai nyemisito ikes aboŋun neni ke Ekapolon Akuj kec, kori daŋ nyiwarito ikes Ekapolon aŋuna a ŋakiro a ŋun a daadaŋ.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Osea 8:4

Apotu Ŋisirael toseununut ŋirwosi, nai pa acamakinit ayoŋ, apotu ikes kiwuanakis ŋikepukak, nai pa ayeni ayoŋ. Apotu ikes kitiyaununut ŋitorubei a ŋakujo a esilipa ka egolid, ŋakujo ŋuna apotu yaut amunyaro neni kec.

Mika 2:1

Ekaŋ iyes ŋulu itukete akitiya ŋuna aronok, iyes ŋulu iyeete akitiya aronis apaki ŋina iperyoto! Ani iwalari akwap itiyakinete ikes ŋuna apotu totukut nakwaare akitiya, anerae ebasi ikes eya ŋakiro daadaŋ napedor kec.