Osea 7:2 - Ebaibul

² Nai nyeyenete ikes atemar atamunit ayoŋ aronis kec daadaŋ. Irikaunito ŋasecisya kec ikes, ido ileerete ikes aneni kaŋ, anerae eyakasi ikes kiŋaren kaŋ.

Osea 7:2 Iomraidhean Croise

Yob 34:21

Ite Akuj ŋakiro daadaŋ ŋuna itiyaete ŋituŋa ka ite neni daadaŋ elosete ikes.

Ŋikiru. 10:11

Etamete ikes alotai kec ebe, “Nyemitakinit Akuj ŋakiro ŋun, adau akiwua ereet, nyepedori iŋes akiŋolikin ŋakiro ŋun.”

Ŋikiru. 25:7

Tojoŋo atamunit ŋasecisya ŋuna ka asorokanut kaŋ, kori ŋipitesyo kaŋ ŋulu akaŋereneneo ayoŋ iyoŋ; totamunae ayoŋ anamina kon a ŋina nyiryaŋiryaŋa, anerae ijok iyoŋ, okoe ekapolon.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Ŋikiru. 90:8

Ileerete aneni kon ŋasecisya kosi, ite iyoŋ tari ŋasecisya kosi ŋuna ikitiyae isua anakimunono.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Isa. 44:19

Mam ituŋanan etamatamae, kori eyakar aosou, kori epedori ayenut ŋakiro tosodi tolimu ebe, “Abu ayoŋ esitiya atutubet apei a akitoe a ŋin akinokia akim, abu daŋ ayoŋ epou a ŋatotol keŋ ŋamugati, abu ope akiriŋ a nen ka adau akinyam. Emaikina mono tokona ayoŋ etiyau asiilyo aneni idoŋit anakitoe a ŋin a? Emaikina mono ayoŋ oryedik alokiŋaren akitoe a?”

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Yer. 14:10

Irworo Ekapolon ŋakiro nu aŋuna a ŋituŋa a lu ebala, “Kire, eminasi ŋituŋa lu akitwaŋa make, nyeupenene alosenen aneni kaŋ, aŋun, nyecamit Ekapolon ikes, etamuni tokona Ekapolon aronis ŋina itiyato ikes, ido kisican ikes.”

Yer. 16:17

anerae ete ayoŋ daadaŋ ŋuna iwuapito ikes; nyeŋopito ikes aneni ayai ayoŋ, ŋiticisyo kec daŋ ŋulu aronok nyililiŋiyaritae, ayeni ayoŋ.

Yer. 17:1

Igiritae asecit a ŋituŋa a Yudaya ka akalamu a ŋina erae asuwat, igirakinitae lotai kec a akou a akalamu a ŋina erae asuwat ŋina enyaritae diamon ka igirakinitae namomwar a ŋamuroeta kec.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Yer. 4:18

Ayaut ŋakiro ŋuna iwuapito iyes ka ŋuna itiyaete iyes ŋakiro nu neni kus. Akinyasuno kus iŋes ŋin, okoe kepipiliar! Adolu akinyasuno ŋin lotai kus.”

Yer. 44:21

“Ani eruwor ŋainakineta ŋuna ipotu iyes inanakis alotaunio a Yudaya ka alorotin a Yerusalem, iyes kaapei ka atapapaa kus, ŋirwosi kus, ŋikapolok kus ka ŋituŋa ŋulu anakwap kus, pa mono abu Ekapolon totamu ŋainakineta ŋun a? Pa apotu ŋainakineta ŋun potu natameta keŋ a?

Esek. 21:29

Erae ŋakitoodyanakineta ŋuna iteete iyes ŋuna nyiyookino; erae ŋakiro ŋuna edwaryo aŋuna kus amodiyo. Iruworosi iyes ŋulu aronok ŋulu itiyaete aronis, ebunit akoloŋit kus ŋina ikisicanere iyes, ikimunyaryo iyes a ekileŋ.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 4:9

Ikwaanikinosi iyes daadaŋ ŋisacaradotin ka ŋituŋa ŋuluce; ekesicani ayoŋ iyes daadaŋ aŋuna a ŋakiro a ŋuna iwuapito iyes, ekesicani ayoŋ iyes aŋuna a ŋiticisyo kus.

Osea 6:2

Kelunyar ŋirwa ŋiarei, ikitojokukini iŋes iwon nabo, kelunyar ŋirwa ŋiuni ikiteyaruni iŋes iwon ikotere ikiyari alokiŋaren keŋ.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Amos 8:7

Ekoŋ Ekapolon ŋolo iturotor Ŋisirael ebe, ‘Kire jik, nyekemuryakini ayoŋ tari epei a ŋiticisyo a ŋulu aronok a ŋulu itiyaete Ŋisirael.

Yona 1:2

“Tonyou atipei, tolot Ninepe, lotaun ŋol ŋolo apolon nooi, kisera itoroniyarit ŋituŋa keŋ, anerae eŋolik ayoŋ aronis kec.”

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

Luk. 12:2

Emam ibore ŋini erapitae ŋini nyisileereunio ka ŋini imunonitae ŋini nyeyenunio.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

Ŋikis. 32:29

Ani kerae toosok ikes, keyenunito ŋakiro ŋun, keyenunito ŋuna itiyakinosi neni kec ekaku.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.