Osea 7:16 - Ebaibul

¹⁶ Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.

Osea 7:16 Iomraidhean Croise

Ŋikiru. 12:3

Elipi Ekapolon kisililiŋ ŋakituka ŋuna itobobotoi ŋun, kisililiŋ ŋaŋajepa ŋuna iturosi nooi ŋun

Ŋikiru. 12:4

ŋuna ebasi “Eiunoi isua a ŋakituka kosi, erae ŋakituka kosi ŋuna kosi a ŋilopeyek, ŋae erae ekapolon kosi?”

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 17:10

Emam akisyon alotai kec; iturosi ikes irworosi.

Ŋikiru. 52:2

Ituki iyoŋ ŋakiro ŋuna ka amunyar ŋuluce; ikwaan ŋakiro kon ka ebanyet ŋolo ipenitae ejok, itamatamae akitiya ŋuna aronok bon.

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Ŋikiru. 73:9

Irworosi ikes ŋakiro ŋuna aronok neni ka Akuj a ŋina eyai nakuj, ido irworosi ŋakiro ŋuna ka akituro kec neni a ŋituŋa.

Ŋikiru. 78:37

amam pa etopoloorito ikes Akuj alotai kec, amam pa ericito Acamunet kec ka Akuj.

Ŋikiru. 78:57

Apotu ikes nyitopoloosi Akuj ka nyenupa neni ka Akuj ikwapei atapapaa kec, apotu ikes toruwor ŋulu pa ekinyomit Akuj kikokis akau a ŋikaleŋeleŋe ŋina emagul.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 3:10

Kikote neni daŋ apotu ŋituŋa a Yudaya nyeboŋut neni kaŋ a ŋitai kec a daadaŋ, nai anakitusubuna ŋulu kaŋ nyerae bo.”

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Esek. 23:32

Alimu Ekapolon Akuj atemar, iryamuni iyoŋ ŋican ŋulu abu nakaato kon toryamu, epete ŋul tooma kon ka nawaetin kon ikiinakinete iyoŋ ŋican ŋul ajala bon ka ajamuwaro bon, anerae erae ŋican ŋulu epipil nooi.

Esek. 36:20

Nai apotu ikes tojamuwasi ekiro kaŋ ŋolo asegan aneni daadaŋ apotu ikes toloto anakwapin, anerae abasi ŋituŋa ikes, ‘Erae lu ŋituŋa ŋulu ke Ekapolon, nai eritar ikes anakwap a Ekapolon.’

Dan. 7:25

Irwori iŋes eremokino Akuj ŋina alokidiama nooi, enipori iŋes ŋituŋa ŋulu ka Akuj a ŋina alokidiama nooi, ikatakini iŋes akilocokin ŋapakio ŋuna a ŋasuban ka ŋikisila. Einakinio ŋituŋa ŋulu ka Akuj napedor keŋ ekaru epei, ŋikaru ŋiarei, atutubet a ekaru.

Osea 11:5

Eboŋorete ikes nakwap a Ijipit ka ipukae ikes erwosit ŋolo ka Asiriya, anerae awout ikes aboŋun neni kaŋ.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”

Osea 7:13

Aca kec, anerae aoliyosi ikes aneni kaŋ! Ŋuna kec amunyaro, anerae akaŋero ikes ayoŋ! Kapedorit ayoŋ alakun ikes, nai irworosi ikes alyokonu eketoroniyarito ayoŋ.

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Osea 9:4

Nyepedorete ikes ainakin ŋainakineta ŋuna a epiini neni ke Ekapolon, nyitalakarete ŋamuronisya kec iŋes, ikwaanikin ŋamuronisya ŋun aneni kec ka akiriŋ ŋina ka apunyas, ŋituŋa daadaŋ ŋulu enyamete akiriŋ a ŋamuronisya a ŋun itoroniyaryo ikes, anerae eruwor akimuj ŋin ŋina kec, nyemaikina yaunae Kai ke Ekapolon.

Osea 9:6

Tari kebucarosi ikes anamunyaro, ecunarete Ŋijipitian ikes ka enukio ikes Mempis. Erupunete ŋinya aneni sek ayai abaru kec ŋina a esilipa, erupunete ŋikukwa alorerya kec.

Mal. 3:13

Ebala Ekapolon ebe, “Idaut iyes akirworo ŋakiro ŋuna apipilak neni kaŋ.” Nai iŋitasi ibasi, “Anukiro ŋuna apipilak ŋuna ikirworo isua neni kon?”

Mal. 3:14

Idaut iyes alimun ebe, “Mam ajokis ikitiyanakini Akuj. Alipoida ikiryamuni iwon anakiwuapit ŋakiciketa ka Akuj, kori ikirubakinit ikigworonokini Ekapolon ŋolo etiron?

Mat. 12:36

“Akalimokini ayoŋ iyes atemar, Akoloŋit ŋina ka atubokino itatamuni ŋinituŋanan ŋakiro daadaŋ ŋuna kelimunit iŋes, ŋuna pa kitemokino iŋes tolimu.

Luk. 8:13

Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Yak. 3:5

Aŋajep daŋ erae ekiner ŋolo edit anakuwan, nai epedori iŋes akituro aŋuna a ŋakiro a ŋuna apolok. Totamunito atemar, akim ŋina edit epedori anomiar amoni daadaŋ etya neni etya!

2 Pet. 2:8

Eboi Lot ŋolo ewuapit epite ŋolo ecamit Akuj ka ikes, nai eyaloloŋi iŋes a ŋinakoloŋit a ŋakiro a ŋuna aronok, a ŋuna ete ka topupi itiyaete ikes.

Akis. 13:5

Aponi tocamakinae etyaŋ ŋol akirwor ŋakiro ŋuna ka akituro ka ŋuna ka akiyany Akuj ka aponi tocamakinae iŋes ayakau napolou ŋilapyo ŋatomoniomwon ka ŋiarei.