Osea 7:13 - Ebaibul

¹³ Aca kec, anerae aoliyosi ikes aneni kaŋ! Ŋuna kec amunyaro, anerae akaŋero ikes ayoŋ! Kapedorit ayoŋ alakun ikes, nai irworosi ikes alyokonu eketoroniyarito ayoŋ.

Osea 7:13 Iomraidhean Croise

Neem. 1:10

Erae ikes ŋiketiyak kon ka ŋituŋa kon ŋulu ibu iyoŋ tolaku ka apedor kon a ŋina etiron ka a agogoŋu kon.

Yob 22:17

Apotu ikes temasi neni ka Akuj, ‘Kimyekinae isua make. Anukiro mono epedori Akuj ŋina etiron akitiya aŋuna kosi?’

Ŋikiru. 106:10

Aŋun, abu Akuj toiu ikes anapedor a ŋimoe kec, tolaku ikes anapedor ke emoit kec.

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 30:2

iyes ŋulu ilot itiyarosi Ijipit eriŋa nyiŋita ŋakiro aneni kaŋ, iyes ŋulu ilot akiuryaro aneni a Parao ka aryamun neniŋopet alo Ijipit.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Yer. 14:10

Irworo Ekapolon ŋakiro nu aŋuna a ŋituŋa a lu ebala, “Kire, eminasi ŋituŋa lu akitwaŋa make, nyeupenene alosenen aneni kaŋ, aŋun, nyecamit Ekapolon ikes, etamuni tokona Ekapolon aronis ŋina itiyato ikes, ido kisican ikes.”

Yer. 42:20

ido toyenete atemar ioliyosi iyes ijal akiyar kus, anerae ipotu iyes ŋilopeyek ikiyakiyasi ayoŋ neni ke Ekapolon Akuj kus ibasi, ‘Kilip aŋuna kosi neni ke Ekapolon Akuj kosi, ido ŋakiro daadaŋ ŋuna ikilimokini iyoŋ Ekapolon Akuj kosi, tolimokinae isua ka itiyao isua ŋun.’

Yer. 51:9

Aponi isua kikatakinae akitaŋaleun Babilon, nai nyeŋaleuno iŋes. Emaikina iŋes kimuryakin aneni yok, emaikina iwon oloto, torotok ŋinituŋanan nakwap keŋ, anerae esican Ekapolon Babilon a apedor keŋ a daadaŋ, amunya iŋes ikes jik.

Yer. 7:15

Ekeritari ayoŋ iyes ojoŋo akiterereŋ iyes, lopite ŋolo abunio eritarya ŋiyeneta kus daadaŋ ka ŋiletok a Epuraim daadaŋ.”

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 16:23

“‘Okoe! okoe iyoŋ Yerusalem, tari kidau iyoŋ akitiya aronis kon ŋin daadaŋ,

Esek. 18:2

“Ŋituŋa lu, nyo apolou a akitadapet a ŋina irworosi iyes aŋuna a Ŋisirael ibasi, ‘Adaut ŋikauruunak akinyam ŋaraito a epiini ŋuna edadaŋ ka amunaarosi ŋikyal a ŋidwe kec.’?

Esek. 18:25

“Nai ibasi iyes, ‘Nyiyookino akiwuapit ŋuna ke Ekapolon.’ Kiirasi tokona okoe iyes Ŋisirael: Nyiyookino kire akiwuapit ŋakiro kaŋ a? Meere kire ŋuna iwuapito iyes nyiyookino a?

Esek. 34:6

Apotu ŋamesekin kaŋ kielaros, apotu kitwaŋata alokidiama ŋikamukumukui daadaŋ ka anawaetin a ŋikamukumukui a daadaŋ a ŋulu aoyak, apotu ŋamesekin kielaros nakwap daadaŋ, todaun ituŋanan iwarari, kori iŋitanari neni eya.

Osea 11:12

Irworosi ŋituŋa a Epuraim alyokonu neni kaŋ alowaetin a daadaŋ, akamodiyanakinete ŋituŋa a Yudaya ayoŋ alowaetin a daadaŋ. Eriŋa ŋituŋa a Yudaya akaŋerito ayoŋ Akuj ŋina Asegan ŋina ekinyoma.

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 5:7

Etiyata ikes neni ke Ekapolon emam akikinyomit, anerae aryamununut ikes ŋidwe ŋulu euriyo pa eyenio atapapa kec, emunyaryo ikes itiyaete ŋasuban ŋuna ke elap a ŋolokitete, ikes kaapei ka ŋimanikorin kec.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Osea 7:3

Italakanarete ikes erwosit a ŋakiro aŋuna aronok aŋuna itiyaete ikes ka italakanarete ikes ŋikapolok kec a amodiyo kec.

Osea 9:12

Tari kitopolout ikes ŋidwe kec, eturuwori ayoŋ ikes ŋulu emam ikoku ipei daŋ. Ŋuna kec ŋun, epote ŋican ŋulu apolok neni kec apaki ŋina emyekinia ayoŋ ikes.

Osea 9:17

Aŋuna aŋerioto ikes akiirar ŋakiro a Ekapolon Akuj kaŋ, eŋeri Akuj kaŋ daŋ ikes, eruworosi ikes ŋikerimitok anakwapin.

Yona 1:10

Kitubulo ŋun ŋikilyok nooi kiŋita Yona temasi, “Anukiro nu ŋuna itiya iyoŋ?” Eŋisete ikes ŋun kedaut ayenun atemar eemit Yona aneni ke Ekapolon. Anerae aris sek iŋes kelimoki ikes ŋun.

Yona 1:3

Nai abu Yona tonyou tolot Tarisis erae ŋolo eŋerit ŋuna abala Ekapolon. Aŋun, abu totiyaiyar Yopa, toryamu ameeli ŋina alosi Tarisis, totac ŋisiliŋa ŋuludoket, toloma tooma keŋ, ikotere erukorete Tarisis ka ŋituŋa ŋulu alosete inaa, anerae aŋerit iŋes akiwuap acamit ke Ekapolon.

Mika 6:12

Eryenyaaka ŋikabarak kon, irworosi ŋituŋa ŋulu iboiyete alotooma kon alyokonu, erae daadaŋ ŋuna irworosi ikes alyokonu.

Mika 6:4

Abu ayoŋ okoyau iyes anakwap a Ijipit, okolaku anakwap a ŋina iraakatar ŋipi. Abu ayoŋ eyakiu Moses kaapei ka Aron ta Miriam akirik iyes.

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

1 Yoa. 1:10

Ani kikitema iwon ebe nyikisecit, ikitusubuni iwon Akuj ŋina alyokonon ka emam ŋakiro keŋ alotooma yok.

Akis. 8:13

Ani eŋoliyari ayoŋ, abu eira egole ŋolo apori alokidiama ecela a etoil a ŋolo apolon ebala, “Oitakoi! Oitakoi! Erokyarosi ŋakiro ŋuna eryamunete ŋituŋa ŋulu alokwap apaki ŋina eruunioto ŋarupepe ŋuna eapi ŋimalaikan ŋuluuni akutakin!”