Osea 7:11 - Ebaibul

¹¹ Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.

Osea 7:11 Iomraidhean Croise

2 Ŋirw. 15:19

Bu erwosit Pul ŋolo ka Asiriya torem akwap a Ŋisirael. Inak Menaem ŋolo arae erwosit a Isirael ŋitalantae aliput ŋulu a esilipa neni a Pul, ikotere kiŋarakinia Pul iŋes, torubak ipukat.

2 Ŋirw. 16:7

Abu erwosit Aas kiyakiya ŋituŋa neni ke erwosit Tigilaspilese a ŋolo ka Asiriya alimokin ebe, “Iyoŋ irae ekapolon kaŋ ka papa kaŋ. Bua toiunae ayoŋ aneni a ŋirwosi a ŋiarei a ŋulu ekeŋarunito akitijiore. Ŋirwosi ŋul; ikes Resin ŋolo ka Aram ka Peka ŋolo a Isirael.”

Ŋakit. 15:32

Ituŋanan ŋini nyiiranari ŋakiro ŋuna elimonokinio iŋes atemar toesik, ejamuwara bon, nai ituŋanan ŋini eesyanakini ŋakiro ŋuna elimokinio iŋes atemar toesik, eryamuni ayenut.

Ŋakit. 17:16

Erae aneni a ibaŋaanot atacar ŋisiliŋa aryamunia aosou akicanican ŋisiliŋa, anerae ebaŋaana iŋes nyeyeni ajokis ŋina ka akisyom.

Ŋakit. 6:32

Ebaŋaana ituŋanan ŋini elosi akilom aberu a ŋinice, ituŋanan ŋini itiyae ŋun, eaunit atwanare nakuwan keŋ.

Yer. 2:18

Nyo itamete iyes atemar iryamunete analosit Ijipit akimat ŋakipi ŋuna ka aŋolol Nile? Kori nyo iryamunete iyes analosit Asiriya akimat ŋakipi ŋuna ka aŋolol Eupurate?

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Osea 11:11

Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 14:3

Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Osea 4:11

Ebala Ekapolon, “Alema epiini ŋoloŋorot, kori ŋolokitete aosou alotuŋa kaŋ.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Osea 5:4

Nyepedorete ŋiticisyo kec akitoboŋor ikes neni ka Akuj kec, anerae ileleba neni kec etau ŋolo ka amalao ka nyeyenete ikes Ekapolon.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Osea 9:6

Tari kebucarosi ikes anamunyaro, ecunarete Ŋijipitian ikes ka enukio ikes Mempis. Erupunete ŋinya aneni sek ayai abaru kec ŋina a esilipa, erupunete ŋikukwa alorerya kec.

Obad. 1:7

“Adaut ŋituŋa daadaŋ ŋulu iponiata iyoŋ tocamunotor akiritar iyoŋ anakwap kon; ikimodikis iyoŋ ŋituŋa ŋulu iponiata iyoŋ kisilyata, ido adaut akiloun iyoŋ. Adaut ŋulu apotu kimuja aneni kon alokakin aloc aŋuna kon; ebasi ikes, ‘Mam ŋuna eyeni iŋes.’ ”

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.