Osea 6:8 - Ebaibul

⁸ Erae Gilead etaun ŋolo a ŋituŋa a ŋulu itiyaete aronis, erae etaun ŋolo a ŋikaarak.

Osea 6:8 Iomraidhean Croise

2 Sam. 20:8

Ani edolete ikes nataaba ŋina apolon nooi ŋina eyai Gibeon, bu Amasa kisiryam ikes. Apaki ŋin, anapit Yoab elou keŋ ŋolo ka aryaŋ, tonapite anacir arokoba alokidiama elou ŋol. Aenikinitae ekileŋ narokoba ŋin toyai nakuraro; ani ikomaari Yoab kiŋaren, tocakun ekileŋ anakuraro.

2 Sam. 3:27

Ani eboŋuni Abiner Eburon, toriko Yoab iŋes nawae, lopuke akirworikin ka iŋes make a ŋuluarei. A nen, abu Yoab totamu akinyaŋar Asael lokaato keŋ, ido abu kicum Abiner nakook toar.

1 Ŋirw. 2:5

“Nabo daŋ iyeni iyoŋ ŋakiro ŋuna abu Yoab lokoku Aseruya kitiya neni kaŋ, epite ŋolo abunio iŋes kisicania ŋikarikok ŋuluarei, ŋulu a ajore a Ŋisirael. Ikes Abiner lokoku a Ner ka Amasa lokoku a Yeser, ŋulu abu iŋes toar. Abu iŋes tobuko ŋoakot kec ŋirwa ŋulu esilitere, aŋuna ka akinyaŋia ŋoakot ŋuna aris kebukor apaki ŋina ajiere ido abu kitereŋ a ŋaokot a ŋun arokoba ŋina anapit iŋes anacir ka ŋamuk ŋuna anapit iŋes.

Ŋikiru. 10:8

Iboiyonokin ikes iwadio alorerya adapit ŋuluce, earete ikes a nen ŋituŋa ŋulu emam ŋakiro itiyato, eŋoleŋoleete ikes a nen imukekinito aryamun ŋulu epalag.

Ŋikiru. 141:4

Nyicamak etau kaŋ iwarit akitiya aronis, nyicamak itiyae ŋuna aronok ŋuna itiyaete ŋulu aronok; nyikicamak ayoŋ ayakaun nasuban a ŋulu itiyaete ŋuna aronok.

Ŋikiru. 59:2

Tolakunae ayoŋ aneni a ŋulu itiyaete aronis toiunae ayoŋ aneni a ŋulu ebobokinit akiar ŋituŋa.

Isa. 59:6

Mam ajokis eyai nakiro ŋuna eyeete ikes, ecaryooko ŋiticisyo kec ikwaan ka elou ŋolo edonyunitoe alonyaa a asimokok, nyeiunosi ikes anakiro a ŋuna eyeete akitiya. Erae ŋiticisyo kec daadaŋ ŋulu ka asecit ka itiyaete ikes ŋiticisyo ŋulu ka aryenyeo bon.

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Osea 12:11

Eyai asecit lotuŋa a Gilead, kire jik, emunyaryo ikes. Eareneneo ŋimoŋin erae ŋamuronisya alo Gilgal, aŋun, ikwaanikinosi ŋamuroeta kec ka ŋatukon a ŋamoru ŋuna etukitoe lomanikorin.

Osea 12:12

Abu Yakob tosi nakwap ŋina ka Aram, abu kitiya a nen aŋuna ka aryamunia aberu, abu kiyok ŋamesekin aŋuna ka aryamunia aberu.

Osea 4:2

Ŋuna eya nakwap ikes nu: Akikoŋ ŋuna nyiwuapitae, alyokonu, akiar, akoko, elomi ka a ŋinapaki daadaŋ eyai abukonor ŋaokot.

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Ŋitic. 25:3

akitiya ŋuna etalakarito ikes, acamakin Paulo yaunae Yerusalem. Aris ikes ketukut akiar iŋes alorot.

Yos. 21:38

Anakwap a ŋina a ekabila a Gad, aponi inakinae Ramos alo Gilead, arae Ramos etaun ŋolo adoonokinete ŋituŋa ŋulu ebucakin akiar ŋuluce, Manaim,