Osea 6:6 - Ebaibul

⁶ anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Osea 6:6 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Ŋikiru. 50:8

Meere aŋuna a ŋamuronisya kus eketoŋoitor ayoŋ iyes, kori aŋuna a ŋainakineta kus a ŋuna epeyo a ŋuna iyaunenete iyes kiŋaren kaŋ jwi jwi.

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Ekal. 5:1

Toceikinite epite daadaŋ ŋolo ilosyononoo iyoŋ Kai ŋina ka Akuj. Ape kai ŋin akiirar ŋakiro ka Akuj akilo alosit ainakin ŋamuronisya ŋuna eayeneneete ŋibaŋaanotin nen; anerae nyeyenete ikes epite ŋolo eŋeryoto akitiya aronis.

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Yer. 22:16

Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Yer. 7:22

anerae akoloŋit ŋina ayaunia ayoŋ atapapaa kus anakwap a Ijipit, nyelimokina ayoŋ ikes, kori nyicikakina ayoŋ ikes ŋakiro ŋadi ŋuna a ŋainakineta a ŋuna epeyo ka ŋuna a ŋamuronisya.

Dan. 4:27

Aŋun, okoe erwosit, kiwuap ŋuna akalimok ayoŋ iyoŋ; toŋer ŋasecisya kon, kitiya ŋuna iyookino ka toŋer aronis kon, kitiya irimaana aneni a ŋulu iteryamunitae ŋican. Ani kitiya iyoŋ ŋun, acepaki irubakini iyoŋ itiyae ŋinibore ejok.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Osea 2:20

Akayai ayoŋ iyoŋ toruwor aberu kaŋ anakikinyoma, tosodi iyenuni iyoŋ Ekapolon.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Amos 5:21

Aŋerit ka ajamuwarit ayoŋ ŋasuban kus, nyalakara ayoŋ apaki ŋina icunanakinotor iyes akinumunum ŋasuban kus.

Mika 6:6

“Nyo emaikina ayoŋ oyau neni ke Ekapolon a Akuj a ŋina alokidiama, apaki ŋina abunio akilip neni keŋ? Emaikina mono ayoŋ oyau ŋainakineta ŋuna epeyo, kaapei ka ŋitak ŋulu erae apolou kec ekaru epei a?

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mat. 12:7

Kerae ca toyenunito iyes apolou a ŋakiro a nu, ebala Akuj, ‘Acamit ayoŋ akisyon, meere amuronot,’ pa kitubonokinito iyes ŋulu nyesecito.

Mat. 5:7

Erereŋ ŋulu isyoniyeneneete ŋuluce; isyoniyo ikes.

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 12:33

ka aminakin iŋes a etau a daadaŋ ka a ŋatameta a daadaŋ, ta a agogoŋu a daadaŋ; nabo ka aminakin ekidunyet ikwaŋina eminar ituŋanan akeekuwan, iloit ŋipeyosinei ka ŋamuronisya daadaŋ.”

Yos. 5:5

Eleŋeritae sek ŋikilyok daadaŋ eriŋa ikes nyerotokino alo Ijipit, nai ŋulu auruunio kerotokis ikes alo Ijipit apaki ŋina awosyata ikes analoŋisat, pa eleŋeritae.

1 Yoa. 2:3

Ikianyuni iwon kire atemar, ikiyeni iwon Akuj, erae kikiricak iwon Ŋakiciketa keŋ.

1 Yoa. 3:6

Ituŋanan daadaŋ ŋini iboi alotooma Kristo, nyesecenene; ituŋanan daadaŋ ŋini esecenene, nyeanyuna iŋes Kristo kori nyeyenuna iŋes.

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,