Osea 5:8 - Ebaibul

⁸ Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Osea 5:8 Iomraidhean Croise

2 Sam. 21:6

inakinae isua ŋidwe keŋ ŋulusapa ŋikanikaarei toarae alokiŋaren Ekapolon alo Gibeon, alomukura a ŋolo ke Ekapolon.” Abu erwosit tema, “Akainakini ayoŋ iyes ŋidwe a Saul a ŋulusapa ŋikanikaarei.”

1 Ŋirw. 12:29

Kiwuak iŋes ŋakujo ŋun apei Besel ka ŋinace kiwuak Dan.

Isa. 10:29

Atuborosi iŋes ka ŋasigarya keŋ alorot, aperiyosi Geba. Abul ŋituŋa ŋulu iboiyete alotaun Rama, aema ŋituŋa ŋulu eboiyete alo Gibea a ŋina a Saul.

Yer. 4:5

Tolimosi alo Yudaya ka kiserautu alo Yerusalem ebe, “Tokutakisi amomwara a emesek anakwap a daadaŋ, kiworoutu ke ecelet a ŋolo apolon ibasi, ‘Ocunakinos iwapei, oloto lotaunio ŋulu eya ŋaduketa ŋunajiet!’

Yer. 6:1

Okoe ŋituŋa a Benjamin toema ikotere iunosi, toema alotooma Yerusalem! Tokutakisi amomwara a emesek alo Tekoa ka kikyaasi alo Bes-Akerem ibore ŋini itoodikini ŋituŋa atemar totena, anerae ebunit aronis alo Kuju ileere nooi, ebunit akinyasuno ŋina apolon nooi.

Osea 10:5

Ebuli ŋituŋa ŋulu iboiyete alo Samaria aŋuna a etorube a itaok, a etorube a ŋolo eyai Bes-Apen. Igworete ŋituŋa a Samaria aŋuna a etorube a ŋol igworete ikes kaapei ka ŋisacaradotin ŋulu ilipete ka itopoloorito etorube ŋol, elemaryo iŋes aneni kec yaarae nakwap ace.

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Osea 8:1

Iyes ŋulu iyokiyete ŋituŋa a Ekapolon, tokutakisi ŋabureryaŋae. Abu emoit lotuŋa ŋulu ke Ekapolon iuwuauna esibit egole, anerae nyiwuapa ikes Acamunet kaŋ ka ikes, ka abila ŋikisila kaŋ.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:15

Tokutakisi arupepe alo Sion, tolimosi akiredakin akiron kus erae ŋina asegan, tonyarautu atukot ŋina italeuno.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Yos. 7:2

Kiyakiya Yosua alo Yeriko ŋirototin tema, “Toloto torebo akwap ŋina eyai etaun ŋolo anyaritae Ai, ŋolo edunyasi ka neni anyaritae Besapen alo Kide etaun Besel.” Toloto nai ikes torebo Ai.

Ŋikat. 5:14

Apotu ikes torotokis alo Epuraim totiyaar nakadipaalat, apotu ŋituŋa a ekabila a Benjamin kaapei ka ŋiyeneta kec kiŋarenikis ikes, apotu ŋikarikok ŋajorei potu alo Makir, ido apotu ŋikapolok potu alo Sebulon,

1 Sam. 15:34

Tonyou nai Samuel a nen tolot Rama; ido tonyou Saul a nen kitipeiyo lore keŋ Gibea nakibois ŋina a Saul.

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.

1 Sam. 8:4

Apotu nai ŋikasikou daadaŋ tocunakinos toloto Rama neni a Samuel,