Osea 5:7 - Ebaibul

⁷ Etiyata ikes neni ke Ekapolon emam akikinyomit, anerae aryamununut ikes ŋidwe ŋulu euriyo pa eyenio atapapa kec, emunyaryo ikes itiyaete ŋasuban ŋuna ke elap a ŋolokitete, ikes kaapei ka ŋimanikorin kec.

Osea 5:7 Iomraidhean Croise

Ŋikiru. 144:11

Toiunae ayoŋ anaryenyeo a ŋimoe kaŋ, tolakunae ayoŋ anapedor a ŋituŋa a ŋulugelaanotin, a ŋulu irworosi alyokonu, a ŋulu ikoŋete alyokonu.

Ŋikiru. 144:7

Bua alokidiama neni kaŋ; tolakunae ayoŋ, toiunae ayoŋ anakipi a ŋuna ileleba neni ecukul, tolakunae ayoŋ anapedor a ŋituŋa a ŋulugelaanotin,

Isa. 1:14

Eŋerit etau kaŋ ŋasuban kus ŋuna a ŋilapyo a ŋulukitet ka ŋasuban kus ŋuna emaikina iyes itiyaete, eketuupa ikes ayoŋ, ekesyaasi ikes ayoŋ nyapedori akidaŋidaŋ.

Isa. 48:8

Pa iirarito iyes ŋun ekiŋaren, pa iyenunito iyes ŋun ekiŋaren, ŋinapei koloŋ agolol ŋaki kus. Etiyae ayoŋ ŋun, anerae ayeni ayoŋ atemar iruwor iyes ŋulu nyikikinyomitae ka ŋikaŋerok ŋinapei anakoloŋit a ŋina ikidounere.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Yer. 3:20

Nai, lopite ŋolo eesikinia aberu ŋina nyikinyoma ekile keŋ, ipotu iyes daŋ toruwor ŋulu nyikinyoma aneni kaŋ okoe ŋituŋa a Isirael.’ ”

Yer. 5:11

Itiyakinio ŋun, anerae emam akikinyoma aneni a ŋituŋa a Isirael ka aneni a ŋituŋa a Yudaya.

Esek. 12:28

Aŋun, tolimok ikes atemar ŋakiro ŋuna irworo Ekapolon Akuj ikes nu, ‘Emam nabo alotooma ŋakiro ŋuna alimu ayoŋ ŋuna itididiyo, ŋakiro daadaŋ ŋuna alimu ayoŋ, isiyookinio.’ ”

Osea 2:11

Etasaluni ayoŋ alelyanu keŋ, ŋasuban keŋ ŋuna a ŋolokaru, ŋasuban keŋ ŋuna a elap a ŋolokitete, ŋasuban keŋ ŋuna a ŋirwa a ŋulu a Sabato ka ŋasuban keŋ daadaŋ ŋuna emaikina iŋes kitiya.

Osea 2:4

Nyesyoni ayoŋ tari ŋidwe keŋ, anerae erae ikes ŋidwe ŋulu auruunio anamalao.

Osea 6:7

Nai apotu ikes toŋero Acamunet kaŋ alo Adam, apotu ikes kitiyata neni kaŋ a nen emam akikinyoma.

Osea 7:13

Aca kec, anerae aoliyosi ikes aneni kaŋ! Ŋuna kec amunyaro, anerae akaŋero ikes ayoŋ! Kapedorit ayoŋ alakun ikes, nai irworosi ikes alyokonu eketoroniyarito ayoŋ.

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.