Osea 4:9 - Ebaibul

⁹ Ikwaanikinosi iyes daadaŋ ŋisacaradotin ka ŋituŋa ŋuluce; ekesicani ayoŋ iyes daadaŋ aŋuna a ŋakiro a ŋuna iwuapito iyes, ekesicani ayoŋ iyes aŋuna a ŋiticisyo kus.

Osea 4:9 Iomraidhean Croise

Ŋakit. 11:31

Einanakinio ŋulu iyookino eropit kec a ne alokwap, aŋun, ipedori iyoŋ ayenun kire jik atemar isicanio ŋulu aronok ka ŋikasecak.

Ŋakit. 12:14

Eryamuni ituŋanan ŋiboro ŋulu ajokak anakiro a ŋuna irworo iŋes, lopite ŋolo itiyaunere a ŋakan ibore ŋini ecamitae aryamun.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Isa. 24:2

Itiyakin ŋakiro ŋun neni a ŋituŋa lopite ŋolo itiyakinotor neni a esacaradoti, neni a apito lopite ŋolo itiyakinotor neni a ekapolon keŋ neni a aketiyan lopite ŋolo itiyakinotor neni a akapolon keŋ, neni a ekagyelan lopite ŋolo itiyakinotor neni a ekagyelaran, neni a ekepotoron lopite ŋolo itiyakinotor neni a ekeliparan, neni a ekedeniyoron lopite ŋolo itiyakinotor neni a ekedenikinon.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Esek. 44:10

Nai esicani ŋilepi ŋulu apotu kaapei ka ŋituŋa kec Ŋisirael ekemyekis ayoŋ, kilipa neni a ŋakujo.

Esek. 44:12

Nai aŋuna aponiata ŋilepi kitiyata etic aŋuna a ŋituŋa alokiŋaren ŋakujo kec, torikosi Ŋisirael nasecit, aŋun adau ayoŋ Ekapolon Akuj akikoŋ ekyaarit akan kaŋ atemar emaikina ikes kisicanae aŋuna ka asecit kec.

Osea 1:4

Tolimok Ekapolon Osea tema, “Tolimok ikoku kon ŋin ekiro Yesireel, anerae alotooma apaki ŋina euruwuana, esicani ayoŋ ŋituŋa a ekal a Yeu aŋuna aaryata ŋituŋa alo Yesireel, emyekini ayoŋ todaun apukan ŋina a Isirael.

Osea 10:10

Abuni ayoŋ akisican ikes apaki ŋina acamitor, ecunakinosi ŋituŋa a ŋakwapin akitijikin ikes, eenete ŋimoe kec ikes aŋuna a ŋasecisya kec a ŋunaarei.

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 12:3

Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Osea 7:2

Nai nyeyenete ikes atemar atamunit ayoŋ aronis kec daadaŋ. Irikaunito ŋasecisya kec ikes, ido ileerete ikes aneni kaŋ, anerae eyakasi ikes kiŋaren kaŋ.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Sakar 1:6

Ani bo ŋakiro kaŋ ka ŋikisila kaŋ, ŋulu abu ayoŋ olimok ŋikadwarak kaŋ, ŋulu arae ŋiketiyak kaŋ, pa mono apotu ŋun kiduposi atapapaa kus toryamut ŋican aŋun a? Aŋun, apotu ikes tokiwa temasi, ‘Adau Ekapolon ŋolo Etiron akitiya neni yok ŋuna emaikina iwon oryamutu aŋuna ka aronis yok ka aŋuna a ŋiticisyo yok a ŋulu aronok. Etiya iŋes ŋun lopite ŋolo sek ayeunitor akitiyakin.’ ”

Mat. 15:14

Kimyekisi ikes make. Erae ikes ŋikarikok ŋulu emudukaka alokidiŋ ŋimudukanotin ŋuluce. Ani kerik ituŋanan ŋini emudukana emudukanot, imasakinosi ikes daadaŋ nauwuat.”