Osea 4:4 - Ebaibul

⁴ Kikote neni daŋ nyemaikina idiotuŋanan yau asitan, nyisitak idiotuŋanan ŋinice, anerae ekesitakinit ayoŋ iyes, okoe ŋisacaradotin.

Osea 4:4 Iomraidhean Croise

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Esek. 3:26

Emiidikini ayoŋ aŋajep kon nakituk kon alokidiama, ikotere iyoŋ ililiŋi todaun alimokinet ikes acoikin ŋuna aronok ŋuna itiyaete, anerae erae ikes ekal ŋolo aŋeron.

Osea 4:17

“Emorikinosi Epuraim ka ŋakujo, kimyekisi iŋes bon.

Amos 5:10

Iyes ŋulu itidiŋito ituŋanan ŋini isitakini ekasecan, iyes ŋulu iŋerito ituŋanan ŋini irworo ŋakiro ŋuna a kire,

Amos 5:13

Ŋakiro ŋun iŋes ililiŋiata ŋituŋa ŋulu aosok, ŋulu itidiŋito iyes, anerae erae apaki na ŋina ka aronis.

Amos 6:10

Ani kebu eyenet a ŋituŋa a akai a ŋin ŋolo enukenene ŋikatwak adakar ekatwan alokai, ido kiŋit eyenet ŋol ituŋanan idio ŋini eriŋa eŋopit alotooma akai tema, ‘Eyai ituŋanan ice irukitotor iyoŋ a?’ Eboŋokini ituŋanan ŋin tema, ‘Mam.’ Eboŋokini nai eyenet ŋol ebe, ‘Okoe, nyemaikina ekiro a Ekapolon tonyarae.’

Ŋikis. 17:12

Ani ŋini nyecamuni akitiya ŋuna etubuni esacaradoti ŋolo eseunitae akitiya neni ke Ekapolon a Akuj kus, kori ŋuna a ekatubon ŋakiro, emaikina ituŋanan ŋin toarae. Aŋun, ilemarete iyes aronis alo Isirael.