Osea 4:15 - Ebaibul

¹⁵ “Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Osea 4:15 Iomraidhean Croise

2 Ŋakiro a ŋirwa 17:4

nai abu kitiyanak Akuj a papa keŋ, kiwuap Ŋakiciketa keŋ, abu nyiwuap ŋuna etiyaete ŋituŋa anakwap a Isirael.

2 Ŋakiro a ŋirwa 21:11

Abu Yeoram toduk ŋaduketa ŋunakilipet ŋakujo nakiboisyo ŋunamukur alo Yudaya. Abu kibata ŋituŋa a Yerusalem kituruwo ŋulu pa ekinyomito Akuj, apotu ŋituŋa a Yudaya toŋero Akuj.

Isa. 48:1

“Kiirasi ŋakiro nu okoe ŋiletok a Yakob ŋulu ikinyaritae a ekiro a Isirael ka ŋulu irae ŋulu anateker a Yuda, iyes ŋulu ikoŋete a ekiro ke Ekapolon ka ŋulu ilipete inyarito Akuj a Isirael, nai pa irworosi ŋuna a kire kori pa iyookino;

Yer. 44:26

Aŋun, kiirasi ŋakiro a Ekapolon iyes Ŋiyudayan daadaŋ ŋulu iboiyete alo Ijipit. Topupokisi alimu Ekapolon ebe, ‘Ekoŋi ayoŋ a ekiro kaŋ a ŋolo apolon nooi atemar nyelimuni nabo ituŋanan a Yudaya idio ekiro kaŋ anakwap a Ijipit a daadaŋ ebala, ikwapei eyarya Ekapolon Akuj.’

Yer. 5:2

Tari kirworosi ikes ebe, “Ikwapei eyarya Ekapolon,” nai ikoŋete ikes alyokonu.

Esek. 20:39

“Okoe Ŋisirael, ŋakiro ŋuna irworo Ekapolon Akuj aŋuna kus ikes nu, ‘Apesi kitiyanakisi ŋakujo kus, iyes ŋulu iya ne tokona ka ŋulu epote momit, erae pa kiwuapa ŋakiro kaŋ, nai, nyirubakinete iyes ijamuwarito ekiro kaŋ ŋolo asegan alotooma ayenen ŋainakineta kus neni a ŋakujo.

Osea 10:5

Ebuli ŋituŋa ŋulu iboiyete alo Samaria aŋuna a etorube a itaok, a etorube a ŋolo eyai Bes-Apen. Igworete ŋituŋa a Samaria aŋuna a etorube a ŋol igworete ikes kaapei ka ŋisacaradotin ŋulu ilipete ka itopoloorito etorube ŋol, elemaryo iŋes aneni kec yaarae nakwap ace.

Osea 10:8

Emunaaryo ŋakiboisyo ŋuna aoyak ŋuna eya Apen, ŋakiboisyo ŋuna aponeta Ŋisirael toseceta. Erupunete ŋinya ka ŋikukwa anamuroeta kec. Etemarete ikes neni a ŋimoru, “Kiwuae isua” ka etemarete ikes neni a ŋikamukumukui, “Toritaunosi neni kosi.”

Osea 11:12

Irworosi ŋituŋa a Epuraim alyokonu neni kaŋ alowaetin a daadaŋ, akamodiyanakinete ŋituŋa a Yudaya ayoŋ alowaetin a daadaŋ. Eriŋa ŋituŋa a Yudaya akaŋerito ayoŋ Akuj ŋina Asegan ŋina ekinyoma.

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 12:11

Eyai asecit lotuŋa a Gilead, kire jik, emunyaryo ikes. Eareneneo ŋimoŋin erae ŋamuronisya alo Gilgal, aŋun, ikwaanikinosi ŋamuroeta kec ka ŋatukon a ŋamoru ŋuna etukitoe lomanikorin.

Osea 12:12

Abu Yakob tosi nakwap ŋina ka Aram, abu kitiya a nen aŋuna ka aryamunia aberu, abu kiyok ŋamesekin aŋuna ka aryamunia aberu.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Osea 5:8

Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Amos 4:4

“Toloto Besel, ido tosecesecata a nen, toloto Gilgal, ido kitalalata ŋasecisya kus, yaununutu a ŋina taparacu ŋamuronisya kus, yaununutu atutubet apei alotooma ŋitomon a ŋiboro kus a ŋinapaki erae ainakinet epete ŋirwauni,

Amos 5:5

nai nyiloto Besel akilip, nyilomasi Gilgal, kori nyituborosi Beeriseba, anerae kire jik, erikoryo ŋituŋa a Gilgal nakwap ŋinagela ka emunaaryo Besel toŋopiya jik.’

Amos 6:10

Ani kebu eyenet a ŋituŋa a akai a ŋin ŋolo enukenene ŋikatwak adakar ekatwan alokai, ido kiŋit eyenet ŋol ituŋanan idio ŋini eriŋa eŋopit alotooma akai tema, ‘Eyai ituŋanan ice irukitotor iyoŋ a?’ Eboŋokini ituŋanan ŋin tema, ‘Mam.’ Eboŋokini nai eyenet ŋol ebe, ‘Okoe, nyemaikina ekiro a Ekapolon tonyarae.’

Amos 8:14

Emunyarosi ka nyeyarete nabo jik ŋituŋa ŋulu ikoŋete enyarito ekiro ŋolo ka Asima a akuj a ŋina a Dan a ŋina eyai Samaria, ido ebasi, kori enyarito ekiro a akuj a ŋina eyai Beeriseba.’ Emunyarosi ŋituŋa ŋul, nyeyarete nabo jik.”

Ŋiep. 5:11

Nyilomanarete nakiro ŋuna koŋinae ŋuna ka akiryonut, nai kisileereutu ikes.

Yos. 5:9

Tolimok Ekapolon Yosua tema, “Adau ayoŋ akoloŋit na alemar aneni kus ŋileec ŋulu sek iraakatar ŋipi alo Ijipit.” Erae ŋakiro ŋuna ka alemar ŋileec iŋes enyaritere nen Giligal tari tokona.

Yos. 7:2

Kiyakiya Yosua alo Yeriko ŋirototin tema, “Toloto torebo akwap ŋina eyai etaun ŋolo anyaritae Ai, ŋolo edunyasi ka neni anyaritae Besapen alo Kide etaun Besel.” Toloto nai ikes torebo Ai.