Osea 4:13 - Ebaibul

¹³ Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Osea 4:13 Iomraidhean Croise

2 Ŋirw. 17:7

Apotu ŋun kitiyakinos, anerae asecito Ŋisirael aneni ke Ekapolon Akuj kec a ŋina ayauni ikes tolomunia anakwap a Ijipit, yau ikes anapedor a Parao a ŋolo epukat Ijipit. Kepotu Ŋisirael tolomakis akilip neni a ŋakujo,

2 Ŋirw. 23:7

Kituwono iŋes ŋakais ŋuna a ŋikilyok a ŋulu erae ŋimalaae, eboiyete alo Kai ka Akuj. Arae tooma ŋakais ŋun adonyoto ŋaberu ŋilowi ŋulu elipere neni ka Asera.

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Isa. 57:5

Ilipete iyes neni a ŋakujo aneni eya ŋikuyono, ilipete neni a ŋakujo alokwap ŋikito daadaŋ ŋulu alibak, iŋoleneneete iyes ŋidwe kus anakadipaalae ka alokwap ŋatabab ŋunasulut.

Isa. 57:7

Aruwor ŋakiboisyo ŋuna aoyak ka lokamukumukui ŋulu aoyak ilosenenete iyes; ilot iyes nen ainanakin ŋakujo ŋamuronisya.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 3:6

Abu Ekapolon kirwor neni kaŋ alorwa a ŋulu epukator erwosit Yosia tema, “Iŋolik iyoŋ ŋuna adaut ŋituŋa a Isirael ŋulu emam anupit ŋul akitiya, epite ŋolo alosyoto ikes akilip lokamukumukui daadaŋ ka lokito daadaŋ ŋulu alibak akitiya ŋuna ka amalao a nen a?

Yer. 44:8

Kaanukiro ikitoŋoeta iyes ayoŋ a ŋiticisyo a ŋulu itiyaete iyes a ŋakan kus, inanakinete ŋainanakineta neni a ŋakujo a ŋace anakwap a Ijipit aneni ipotu iyes akiboi? Icamito iyes ikimunyar, ido toruworos ŋituŋa ŋulu icenere ŋuluce ka inyasere ŋituŋa ŋulu a ŋakwapin a daadaŋ a?

Esek. 16:16

Ibu iyoŋ tolemu ŋilowi kon ŋice, kisibusya ŋakiboisyo ŋunakilipet ŋuna eyakasi neni emukur, ŋakiboisyo ŋun, ikes ibunio iyoŋ kitiyaa amalao. Nyetakanuna ŋakiro ŋuna ikote ŋun ŋinapeikoloŋ ka nyemaikina totakanut tari alorwa a ŋulu eponito.

Esek. 16:25

Ibu iyoŋ toduk ŋakiboisyo ŋunakilipet neni isalakini ŋolorot a etaun daadaŋ ka ibu kisirum akibuses kon ŋileec, ibu toruwor amalaat aneni a ŋinituŋanan ca daadaŋ itoruni neni kon kitalala amalao kon.

Esek. 6:13

Eyenunete nai ikes atemar arae ayoŋ Ekapolon apaki ŋin ŋina iŋolikiniata ikes ŋalyalin a ŋituŋa kec eperete alokidiŋ ŋakujo kec, alodiyete ŋamuroeta kec, alokidiama ŋikamukumukui ŋulu aoyak daadaŋ, alokidiama ŋimoru daadaŋ, alokwap ŋikito ŋulu alibak daadaŋ ka alokwap ŋolokuyon eya ŋakuii daadaŋ, nakiboisyo ca daadaŋ ŋuna apeyoto ikes neni a ŋakujo ŋainakineta ŋuna ebob eure icunyo neni a ŋakujo kec.

Osea 10:8

Emunaaryo ŋakiboisyo ŋuna aoyak ŋuna eya Apen, ŋakiboisyo ŋuna aponeta Ŋisirael toseceta. Erupunete ŋinya ka ŋikukwa anamuroeta kec. Etemarete ikes neni a ŋimoru, “Kiwuae isua” ka etemarete ikes neni a ŋikamukumukui, “Toritaunosi neni kosi.”

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Amos 7:17

Aŋun, alimu Ekapolon ŋakiro nu ebe, ‘Eruwor aberu kon amalaat alotaun, ido earyo ŋidwe kon ŋulusapa ka ŋulupesur, ido tokorakinae akwap kon neni a ŋituŋa a ŋulugelae, itwani iyoŋ anakwap a ŋituŋa a ŋulu nyenupito Akuj, kire erikoryo Ŋisirael nakwap ŋinagela.’ ”