Osea 4:1 - Ebaibul

¹ Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Osea 4:1 Iomraidhean Croise

1 Ŋirw. 22:19

Tema nai Mikaia neni keŋ, “Kiira ŋakiro ke Ekapolon nu, abu ayoŋ eŋolik Ekapolon iboi alokicoloŋ keŋ a ŋolo ka apedor, ewuasi ŋimalaikan ŋulu anakuj daadaŋ irimokinito iŋes kidiŋ aloteten ka alokedyeny keŋ.

Ŋikiru. 81:9

Nyiyakaunotor akuj ŋina egelaana kidiŋ kus; nyemaikina iyes toryediko, kilipa neni ka akuj a ŋina egelaana.

Isa. 1:10

Kiirasi ŋakiro ŋuna irworo Ekapolon, iyes ŋikepukak a Sodoma! Topupokisi ŋakiro ŋuna itatami Akuj kosi, iyes ŋituŋa a Gomora!

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 28:14

Aŋun, kiirasi ŋakiro a Ekapolon iyes ŋulu ijamuwarito ŋakiro a Ekapolon, iyes ŋulu ipukato ŋituŋa lu alo Yerusalem;

Isa. 34:1

Okoe ŋituŋa a ŋakwapin, toapuutu kiirasi, okoe ŋituŋa topupokisi! Emaikina akwap kiira ka ŋinibore daadaŋ eyai nakwap; emaikina akwap kiira ka ŋinibore daadaŋ ŋini elomununui alokwap.

Isa. 34:8

Eyakar Ekapolon akoloŋit ŋina inyaŋia ŋuna itiyato ŋituŋa, eyakar Ekapolon ekaru ŋolo itiyaa ŋakiro iyookino aŋuna a ŋituŋa a Sion.

Isa. 5:3

Iyes ŋituŋa ŋulu iboiyete alo Yerusalem ka iyes ŋituŋa a Yudaya, totyakutu ŋuna a kire ŋuna abu ayoŋ etiya, kori ŋuna abu emanikor kaŋ kitiya.

Isa. 59:4

Nyisitanakinosi ŋituŋa anakiyookino; nyetubio ŋakiro erae ŋuna a kire iwuapitae ŋikisila. Iwuapito ikes ŋipegeta koŋin, ido irworosi alyokonu, aŋun, idyasete ikes ŋican ŋulu eyaunete aronis;

Isa. 59:8

Nyeyenete ikes ŋuna ke ekisil ka emam akiyookino alorotin kec, nyejokak ŋakiro aneni itorete ikes, ituŋanan ŋini iwuapi ikes nyeyenuni ŋuna a ekisil.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Yer. 19:3

Tolimok ŋituŋa ebe, “Okoe ŋirwosi a Yudaya ka ŋituŋa ŋulu iboiyete alo Yerusalem, kiirasi ŋakiro a Ekapolon, irworo Ekapolon ŋolo a ŋajoresyo Akuj a Ŋisirael atemar ayauni ayoŋ nakibois na ŋican ŋulu ani iirari ituŋanan toryaŋakin kijik ŋaki,

Yer. 2:4

Kiirasi ŋakiro a Ekapolon, iyes ŋituŋa a ekal a Yakob ka iyes ŋituŋa a ŋikalya a daadaŋ a Ŋisirael.

Yer. 2:9

Aŋun, ekesitakini nabo ayoŋ iyes, esitakini ayoŋ ŋipapae kus.

Yer. 25:31

Iiraryo ecelet a Ekapolon alowaetin a daadaŋ a ŋulu ka akwap, anerae eyakar Ekapolon akisitakinet neni a ŋituŋa a ŋakwapin. Ebunit iŋes akitub ŋakiro a ŋituŋa a daadaŋ, ido totubok atwanare neni a ŋulu iilit aŋuna itiyatotor aronis.’ ”

Yer. 34:4

Kikote neni daŋ, okoe erwosit Sedekia ŋolo a Yudaya, kiira ŋakiro ŋuna ke Ekapolon! Alimu Ekapolon ŋakiro nu aŋuna kon atemar, nyikiaryo iyoŋ a ekileŋ,

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 4:28

Aŋuna a ŋakiro a ŋun, igworete ŋituŋa anakwap ka iryoniar kidiama, anerae adau ayoŋ akirwor ka acamit ayoŋ akitiyakin ŋun, eriŋa ayoŋ alosikinit akitiya ŋun, nyemyekini ayoŋ akitiyakin ŋun.”

Yer. 5:4

Abu nai ayoŋ otema, “Erae lu ŋikulyak make, emamukatar ikes ŋatameta, anerae nyeyenete ikes ŋuna iitanit Ekapolon aneni kec, nyeyenete ikes ŋikisila ŋulu ka Akuj kec.

Yer. 51:5

Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Yer. 7:28

Ilimokini iyoŋ ikes atemar, erae lu ŋituŋa ŋulu apotu nyiwuapa ŋakiro ŋuna alimunit Ekapolon Akuj kec, apotu daŋ toŋero akitatamun tojokyata, aŋopiyasi ŋakiro ŋuna a kire, mam ŋakiro ŋun anakituka kec.

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Esek. 16:35

“‘Aŋun nai, okoe amalaat, kiira ŋakiro nu ŋuna irworo Ekapolon,

Osea 12:2

Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 12:3

Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Osea 5:1

“Kiirasi ŋakiro nu, iyes ŋisacaradotin! Topupokisi, okoe ŋituŋa a Isirael! Kiirasi, okoe ŋituŋa a erwosit! Ebunit atubokino neni kus; anerae iruworosi iyes aloc alo Misipa ka atibait ŋina elokitae lomoru Tabor

Osea 5:4

Nyepedorete ŋiticisyo kec akitoboŋor ikes neni ka Akuj kec, anerae ileleba neni kec etau ŋolo ka amalao ka nyeyenete ikes Ekapolon.

Yoel 1:2

Ŋikasikou, kiirasi ŋakiro nu, kiirasi iyes ŋituŋa daadaŋ ŋulu iboiyete anakwap a na. Atakanunito mono ŋakiro nu neni kus ŋinapei a? Kori alorwa atapapaa kus a?

Amos 3:1

Tema Amos, “Kiirasi ŋakiro nu ŋuna irworo Ekapolon neni kus ikitoroniyarit iyes ŋituŋa a Isirael, iyes ŋituŋa daadaŋ ŋulu abu Ekapolon ikiyau anakwap a ŋina a Ijipit.

Amos 7:16

Aŋun, tokona kiira akirot ke Ekapolon, ibala iyoŋ ebe ‘Nyidwar aŋuna a Ŋisirael ŋakiro ŋuna itoroniarito ikes ka nyilimonok ŋakiro ŋuna itoroniarito ŋituŋa ŋulu ka ekal a Isaka.’

Mika 6:2

Kiirasi iyes ŋimoru ŋakiro ŋuna isitar Ekapolon, topupokisi iyes ŋawoeta ŋuna ka akwap ŋuna a ŋikaru ka ŋikaru, eyakar Ekapolon asitan lotuŋa keŋ, isitakinit iŋes Ŋisirael.

Yoa. 8:55

Nyiyenete iyes iŋes; ayoŋ bon ayeni iŋes. Kerae otema ayoŋ nyayeni iŋes, karuwor ayoŋ ŋolo alyokonon ikwa iyes. Nai ayeni ayoŋ iŋes, ka ericakinit ŋakiro keŋ.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

1 Ŋikor. 15:34

Itemokino tokyenyut, tojoŋoto asecesec, anerae nyeyenete ŋice alokidiŋ kus Akuj. Alimunit ayoŋ ŋun akisirum iyes ŋileec.

Akis. 2:11

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, nyeari atwanare ŋina a ŋaarei iŋes.

Akis. 2:29

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.