Osea 2:8 - Ebaibul

⁸ Abu aberu ŋin nyeyenu atemar ayoŋ abu oinak iŋes ŋikinyom, epiini ka akimyet ka arae ayoŋ abu etepetu esilipa ka egolid ŋolo ayaanarete ikes neni a Baal.

Osea 2:8 Iomraidhean Croise

1 Ŋakiro a ŋirwa 29:16

Okoe Ekapolon Akuj kosi, ŋiboro lu daadaŋ ŋulu alalak ŋulu ikilemu isua aŋuna ka adukio Akai ŋina ke ekiro kon a ŋolo asegan, erae ŋulu eponito anakan kon ka erae daadaŋ ŋulu kon.

Yob 19:8

Agoloki Akuj erot kaŋ, ikotere edaun ayoŋ neni etori, ewuak Akuj akiryonut neni sek emaikina ayoŋ oiunor.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Yer. 7:18

Ikeyenete ŋidwe ŋikito, kinokakis atapapa akim, tomunaut ŋaberu ŋakirya akipounio ŋamugati aŋuna a arwosit a ŋina alokidiama ka eyaanarete ŋainakineta ŋuna a ŋimaten neni a ŋakujo a ŋace aŋuna ka akitoŋoya ayoŋ.

Esek. 23:41

Ipotu iyes kiboikinos lokicoloŋ ŋolo ebusan, ŋolo ayai diyete emesa ŋolo epesitae ejok, ŋolo ipotu iyes kiwuakis ekinyate ŋolo arae ŋolo kaŋ ka akimyet ŋina arae ŋina kaŋ.

Dan. 3:1

Abu erwosit Nebukadinesar kitiyau etorube a egolid. Arae aoyau keŋ alokwap tari kidiama ŋimitae ŋatomoniarei ka ŋikanikaarei ka arae alowae ke epei tari ŋoloce ŋimitae ŋiuni. Abu iŋes tosipok etorube ŋol nadipo a Dura a akibois a ŋina ayai nakwap a Babilon.

Dan. 5:23

idau iyoŋ akitopoloor bon anaŋerit Ekapolon ŋolo eyai nakuj. Adaun ayaun ŋiboro ŋulu ka Akai keŋ neni kon, ido isitiyata iyoŋ ka ŋikapolok kon, ŋaberu kon ka ŋaberu kon ŋuna nyiisitae ŋiboro ŋul amasya epiini. Ipur iyoŋ ŋakujo ŋuna itiyaunitae a egolid, a esilipa, a eburonis, a ŋasuwa ka a akitoe ta a amoru, ŋakujo ŋuna nyiteete kori nyepupete, kori nyeyenete ŋakiro; nai nyitopolooro iyoŋ Akuj ŋina ikiinit iyoŋ ekieŋanu, Akuj ŋina ikidarit iyoŋ aloticisyo kon a daadaŋ.

Osea 10:1

Ikwaan ŋituŋa a Isirael ka ekitoe a epiini ŋolo elyaarito ŋaten neni alwanan, ŋolo eraunene ŋaraito ŋuna alalak nooi, ani elalakunete ŋiletok kec, tolalata ŋamuroeta ŋuna edukete ikes. Ani elalauni abaru anakwap kec, kitalalata ikes ŋipirin ŋulu erae ŋakujo kec.

Osea 13:1

Ani paaran sek irworikinete ŋituŋa a Epuraim, abulenene Ŋisirael ŋuluce ka etopoloorito Ŋisirael daadaŋ ikes, nai apotu ŋituŋa a Epuraim toseca aŋuna elipyata neni a Baal, aŋun, etwakete ikes.

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Osea 4:11

Ebala Ekapolon, “Alema epiini ŋoloŋorot, kori ŋolokitete aosou alotuŋa kaŋ.

Osea 8:4

Apotu Ŋisirael toseununut ŋirwosi, nai pa acamakinit ayoŋ, apotu ikes kiwuanakis ŋikepukak, nai pa ayeni ayoŋ. Apotu ikes kitiyaununut ŋitorubei a ŋakujo a esilipa ka egolid, ŋakujo ŋuna apotu yaut amunyaro neni kec.

Abak. 1:16

Aŋun, einanakini iŋes ŋamuronisya neni a ŋiboro keŋ a ŋulujiet, anerae earanakinete ŋiboro ŋul iŋes ibore daadaŋ ŋini ajokan.

Luk. 15:13

Ani eriŋa nyelunyara ŋirwa ŋulu alalak, abu edya ŋol tocunak ŋiboro ŋulu ayakar daadaŋ, towot lobuku ece ŋolo alwanan; kirika iŋes aina ŋiboro keŋ alopite a ŋolo aronon.

Ŋirom. 1:28

Aŋuna aŋeryoto ŋituŋa anatameta kec ayenun Akuj, emyek Akuj ikes iwuapito ŋatameta ŋuna ecamito akitiya ŋuna aronok, ikotere itiyaete ŋuna sek pa etemokino ikes kitiyata.

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

Ŋikat. 9:27

Toloto ŋituŋa a Sekem lomanikorin kec togerut ŋaraito a epiini, tocuut epiini ido kitiyata ŋasuban. Tosodi toloto kai ŋina ka akuj kec kimuja ka tomata, ido kirworo ejamuwarito Abimelek.