Osea 2:3 - Ebaibul

³ Ani pa kitiya iŋes ŋun, alacari ayoŋ ŋilowi aneni keŋ, emyek iŋes eleri lopite ŋolo aleryo akoloŋit ŋina edounere iŋes, emyekini ayoŋ iŋes toler, kikwaanikin ka aloŋisat ŋina emam ŋikito, esikwaanikini ayoŋ iŋes ka akwap ŋina eonit, ido emyek akure toar iŋes.

Osea 2:3 Iomraidhean Croise

Awos. 17:3

Tonyam akure ŋituŋa a nen nooi, kiŋuruŋura neni a Moses. Kiŋita Moses temasi, “Kaanukiro ikitipeunio iyoŋ isua alo Ijipit akitaar isua ka ŋidwe kosi ta ŋibaren kosi akure?”

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 47:3

Ilerokinete iyes alokiŋaren ŋituŋa ka iŋolikinete ŋituŋa ŋileec kus. Alosi ayoŋ akinyaŋar, tosodi mam ituŋanan aesikini ayoŋ.

Isa. 64:10

Aruworosi ŋitaunio kon ŋulu asegak ŋaloŋisae, aruwor Sion aloŋisat, aruwor Yerusalem ereŋorot.

Yer. 12:10

Amunaasi ŋikeyokok ŋulu alalak emanikor kaŋ ŋolo a ŋikito a epiini, epudakis ikes emanikor kaŋ kwap, eturuwosi ikes akwap kaŋ ŋina amina ayoŋ aloŋisat ka ereŋorot.

Yer. 13:22

Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Yer. 13:26

Ayoŋ elope alacari ŋilowi kus ekemyek iyes ilerete kiŋolikis ŋituŋa ŋileec kus.

Yer. 14:3

Iyakiyanarete ŋikapolok keŋ ŋiketiyak kec aokun ŋakipi, elosete ŋiketiyak ŋul nakarei toryamut emam ŋakipi, ido toboŋosi eororete ŋiboro kec. Irumito ikes ŋileec ka ekadakinit, ido imukito ŋakyes kec.

Yer. 17:6

Ikwaanikinosi ikes ka ikitoe ŋini erupunit analoŋisat, nyeanyunete ikes apaki ŋina ebunio akiŋarakino kec. Epote ikes akiboi anakiboisyo a ŋuna aonok analoŋisat, epote ikes akiboi anakwap a ŋina emam ituŋanan eyai, a ŋina esasam.

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 22:6

Irworo Ekapolon ŋakiro nu aŋuna a akai a apukan a erwosit a Yudaya ebala, “Ikwaan iyoŋ aneni kaŋ ka Gilead, ikwaan iyoŋ ka aita a emoru Lebanon. Nai, ekoŋi ayoŋ atemar eketuruwori ayoŋ iyoŋ aloŋisat, etaun ŋolo emam ŋituŋa iboiyoto.

Yer. 4:26

Abu nabo ayoŋ oŋoleŋolek, okoe eŋolik akwap ŋina sek ajok keruwor aloŋisat, eŋolik ŋitaunio keŋ daadaŋ keruworosi ŋulu inyasuna aŋuna ka aŋoit a Ekapolon a ŋina a dedeŋan.

Yer. 51:43

Aruwor ŋitaunio keŋ ŋulu itubulete ŋituŋa iŋolikinete, aruwor Babilon akwap ŋina eonit ka aloŋisat, akwap ŋina emam ituŋanan iboiyo ka neni emam ituŋanan itorenene.

Yer. 51:5

Nyimyekina Akuj kec Ekapolon ŋolo a ŋajoresyo ŋituŋa a Isirael ka ŋituŋa a Yudaya. Tari kelalak anakwap kec ŋasecisya alokiŋaren ŋolo asegan ŋolo a Isirael.

Esek. 16:22

Alotooma ŋiticisyo kon ŋulu ka asiilyo ŋulu itiya iyoŋ daadaŋ ka anamalao kon, ibu iyoŋ nyitamu ŋirwa ŋulu ka asoroko kon, ŋulu ileryo iyoŋ ka amamukar ibore iyakatar, ŋirwa ŋulu ipetipetar anaokot kon.

Esek. 19:13

Adupar tokona ekitoe ŋol naloŋisat naonite ka nakwap ŋina emam ŋakipi.

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Osea 2:10

Tokona, esileereuni ayoŋ aleeco keŋ alokiŋaren ŋikilyok ŋulu emina iŋes, mam ituŋanan epedori aiun iŋes anapedor kaŋ.

Akis. 17:16

Ŋamomwar ŋatomon ŋuna ibu iyoŋ toanyuwa, eremokinosi ikes kaapei ka etyaŋ eŋerete amalaat; elemarete ikes ibore daadaŋ ŋini eyakar iŋes, kimyekis eleri, irikarete ikes iŋes ka kicunyasi.

Ŋikat. 15:18

Apaki ŋin anyamit akure Samuson nooi, kilip iŋes neni ke Ekapolon tema, “Ikiinak iyoŋ ayoŋ akiloun ŋina apolon na anapedor kaŋ a eketiyan kon. Emaikina mono tokona ayoŋ okoar akure ekekamasi ŋituŋa ŋulu nyileŋeritae lu a?”