Osea 2:21 - Ebaibul

²¹ Ebala Ekapolon, “Akoloŋit ŋin aboŋokini ayoŋ ŋakilipasinei a Ŋisirael, emyekini ayoŋ akiru kilim nakwap.

Osea 2:21 Iomraidhean Croise

Isa. 55:10

Ikwapei edounio akiru ka ŋakako alokidiama, ido nyeboŋosi kidiama mati mono kitapalala akwap, kituruput alokwap ŋicok a ŋinya ka ŋikito, inakis ŋicok apenare naturot, ido inakis eketan akimuj ŋina imuji,

Isa. 62:4

Nyeriŋa nabo etemaryo iyes irae ŋulu ikiesikinitae ka nyeriŋa nabo akwap kus erae ŋina asilon. Nai ikinyarao iyes ŋituŋa ŋulu elakara Akuj aŋuna kec ka ikwaanikin akwap kus ka aberu ŋina iisitae, anerae elakara Ekapolon aŋuna kus ka ikwaanikin akwap kus ka aberu ŋina iisitae.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Esek. 36:29

Akaiuni ayoŋ iyes alopitesyo a daadaŋ a ŋulu nyijoketa iyes aneni kaŋ. Alimuni ayoŋ akirot neni a ŋikinyom ŋina italalauni ikes nooi, ikotere iyes nyiryamut eron ece jik.

Osea 14:7

Eboŋokinete nabo ikes akiboi alokwap etolim kaŋ, ikwaanikin ikes ka emanikor ŋolo erupunito ŋikinyom ejok, eturokinete ikes ikwa ŋikito a epiini, ikwaanikin eure kec ŋolo abobon ka eure a epiini a Lebanon.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Sakar 8:12

Itaete ikes ŋikinyom kec anakinapakina. Eraete ŋikito ke epiini, itokoni akwap ŋikinyom, ido eyakaun akiru ŋina alalan. Ainakini ayoŋ ŋarereŋisyo ŋun daadaŋ lotuŋa ŋulu ka akwap kaŋ ŋulu apiyanun.

Sakar 8:8

Enyakuni ayoŋ ikes kiboikinos Yerusalem; toruwor ŋituŋa kaŋ, ido aruwor ayoŋ ŋolo ekinyoma ka eyookino aneni kec ikwapei Akuj kec.

Mal. 3:10

Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Mal. 3:11

Euryari ayoŋ ŋiboorei ŋulu enyamete ŋikinyom nyenyam ŋikinyom kus, ido ŋimanikorin kus ŋulu ke epiini ebwaŋete epiini nooi.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?