Osea 2:18 - Ebaibul

¹⁸ Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Osea 2:18 Iomraidhean Croise

Yob 5:22

Anapakio a ŋuna a ŋican ka akoro irubakini ilakara, nyikeri tari ŋityaŋ ŋulu adedeŋak ŋulu ka ariet.

Yob 5:23

Emamukaun ŋamoru alomanikorin a ŋulu itae, iboiyete emam ŋace ka ŋityaŋ ŋulu ka ariet.

Ŋikiru. 148:10

iyes ŋityaŋ ŋulu ka ariet ka ŋibaren daadaŋ, ŋisubuna ŋulu alyatok ka ŋikyeny.

Ŋikiru. 23:2

Ekemyekini iŋes ayoŋ eeŋu a lonya a ŋulu alibak; eketenari iŋes ayoŋ neni eya ŋakipi ŋuna aliwak nooi.

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 2:17

Itiditeunio apolou a ŋituŋa a daadaŋ a ŋulu itopolooro ka ejamuwaryo akituro a ŋulu iturosi. Tosodi Ekapolon bon itopolooryo akoloŋit ŋin.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 26:1

Akoloŋit ŋin, eeikinio eete lo anakwap a Yudaya: Ikiyakar isua etaun ŋolo agogoŋon, Akuj ikiinanakini isua akiloun, lopite ŋolo ikiinakinia arwatata, kori aduketait ŋinajiet.

Isa. 32:18

Erubakinete ŋituŋa kaŋ eyakasi nakibois ŋina eyai ekisil, iboiyete ikes anakiboisyo a ŋuna eiunotor ka neni epedoryata ikes akieŋunia emam ŋace.

Isa. 54:5

Ikiŋarakini iyes Ekapolon lopite ŋolo iŋarakinitor ekile aberu keŋ, erae ekiro keŋ Ekapolon ŋolo a ŋajoresyo. Akuj ŋina asegan ŋina a Isirael iŋes erae Ekalakunan kus, enyaritae iŋes Akuj a akwap a daadaŋ.

Isa. 65:25

Eryamunete epeot ka ikale akimuj anakibois kaapei, enyami eŋatuny ŋinya ikwa emoŋ, nai eruwor akimuj a emun apuwa. Nyewanio ikes, kori nyemunyaryo ikes alomoru kaŋ a ŋolo asegan.”

Yer. 23:6

Alorwa keŋ eiunio ŋituŋa a Yudaya ka iboikinosi ŋituŋa a Isirael emam ŋace. Enyarao iŋes a ekiro a lo, ‘Ekapolon iŋes erae akiyookino yok.’ ”

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Yer. 33:16

Alorwa a ŋul eiunio ŋituŋa a Yudaya ka iboiyete ŋituŋa a Yerusalem emam ŋace. Erae lo ekiro ŋolo enyaraere etaun, ‘Erae Ekapolon akiyookino kosi!’

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 39:1

Abu Ekapolon Akuj kirwor neni kaŋ tema, “Lokoku a ituŋanan, todwar itoroniyarit Gog, tolimok iŋes atemar alimu Ekapolon Akuj ebe, ‘Okoe Gog, ekemanit ayoŋ iyoŋ, iyoŋ ekepukan ŋolo ipolokinit Mesek ka Tubal.

Sakar 14:4

Akoloŋit ŋin ewoi Ekapolon alomukura a ŋolo a ŋikito ka olipa, alo Kide Yerusalem, etyaka emukura ŋol ŋaarei, akisyakin alo Kide tari To, min nen akadipaalat ŋina apolon nooi, iyotori atyaketait apei Kuju iyotori ŋinace Kwap.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Sakar 2:11

Epote ŋakwapin ŋuna alalak akoloŋit ŋin neni ke Ekapolon, eruwor ikes ŋituŋa keŋ, iboikin Ekapolon kaapei ka ikes. Iyenunete nai iyes atemar Ekapolon ŋolo Etiron iŋes ekeyakuunit ayoŋ neni kus.

Sakar 3:10

Akoloŋit ŋin, ebuni ŋinituŋanan alokidiŋ kus anyarare ikidunyet keŋ akiboikin ka iŋes lotolim ke epiini keŋ ka ŋolo ke ebobore keŋ.’”

Sakar 9:10

Ebala Ekapolon ebe, “Alemari ayoŋ ŋagaari ŋuna ke ejie alo Epuraim, alemari ayoŋ ŋaŋolei ŋuna ke ejie alo Yerusalem, amunaari ayoŋ ŋiboro ŋulu isitiyao alojiesyo. Eyauni erwosit kus ekisil nakwapin; ipukae iŋes ameun ananam tari nanam, ameun anaŋolol Eupurate tari nakisalet ka akwap.