Osea 14:9 - Ebaibul

⁹ Emaikina ŋituŋa ŋulu aosok toyenut ŋakiro nu, emaikina ŋituŋa ŋulu epiiryaka toyenut ŋakiro nu, anerae iyookino ŋirotin ŋulu ke Ekapolon, iwuapito ŋulu iyookino ŋirotin ŋul, nai ibusonokinosi ŋulu nyitiyaete ŋuna iyookino alorotin a ŋulu ke Ekapolon.

Osea 14:9 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Ŋikiru. 107:43

Emaikina ituŋanan daadaŋ ŋini eos topupok ŋakiro ŋun, totamatama ŋuna ka amina; ke Ekapolon a ŋina nyiryaŋiryaŋa.

Ŋikiru. 119:128

Kire jik, ewuapit ayoŋ ŋakiciketa kon daadaŋ; aŋerit ayoŋ ŋipitesyo a ŋulu aronok daadaŋ.

Ŋikiru. 119:75

Okoe Ekapolon, ayeni ayoŋ atemar itubi iyoŋ ŋakiro anakiyookino, ido anakikinyoma kon, ikisican iyoŋ ayoŋ.

Ŋikiru. 84:5

Elakara ŋulu eryamunito agogoŋ kec aneni ke Ekapolon, ŋulu iburit nooi ŋitai kec alosit Sion.

Ŋikiru. 84:7

Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

Ŋakit. 10:29

Erae agogoŋu aneni a ŋulu iyookino akiwuapit ŋuna a Ekapolon, nai erae amunyaro ŋina a ŋulu itiyaete ŋuna aronok.

Ŋakit. 16:21

Ebookoi ituŋanan ŋini eos ŋini eyeni ŋuna itiyae erae ŋini eyakar ayenut, ido ituŋanan ŋini irworo ŋakiro ŋuna ajokak, epedori akisupun ŋituŋa neni keŋ.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Isa. 1:28

Nai emunyaryo ŋikaŋerok ka ŋikasecak kaapei, ido etwakete ŋulu aesikis Ekapolon.

Isa. 17:8

Nyikinyomete nabo ŋamuroeta kec ka ŋiticisyo ŋulu a ŋakan kec, ido nyiŋolikinete ikes ŋitorubei ŋulu apotu ikes kitiyaut, nyiŋolikinete ŋipirin ŋulu a ŋitalyo, kori ŋamuroeta ŋuna ecunyere ekinyate.

Isa. 26:7

Esulut erot a ŋituŋa a ŋulu iyookino. Okoe Ekapolon ŋolo iyookino, itusulutut iyoŋ erot a ŋulu iyookino.

Yer. 29:12

Tosodi, ani ikinyaraete iyes ayoŋ, ido potu akilip neni kaŋ, ekeirari ayoŋ iyes.

Yer. 9:12

Ŋae eyakar aosou ŋina itemokino, ikotere eyenunia ŋakiro nu? Ŋae alimoki Ekapolon ŋakiro keŋ, ikotere elimoryo? Kaanukiro enyasunor akwap ka aruworor ekasile ikwa aloŋisat, ido emam ibore itorenene nen?

Esek. 11:18

Ani ŋina eboŋunito Ŋisirael ne, elemarete alo Isirael ibore ŋini nyenyamio daadaŋ ka ŋakujo alo Isirael daadaŋ.

Esek. 18:25

“Nai ibasi iyes, ‘Nyiyookino akiwuapit ŋuna ke Ekapolon.’ Kiirasi tokona okoe iyes Ŋisirael: Nyiyookino kire akiwuapit ŋakiro kaŋ a? Meere kire ŋuna iwuapito iyes nyiyookino a?

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Sepan. 3:5

Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Sakar 10:6

“Eturuwori ayoŋ ŋituŋa a Yuda ŋulu egogoŋ, aiuni ayoŋ ŋituŋa a Isirael. Esyoni ayoŋ ikes, ido enyaku ikes daadaŋ nakwap kec; ikwaanikin ikes ka ŋituŋa ŋulu sek pa aŋerit ayoŋ. Arae ayoŋ Ekapolon Akuj kec; aboŋokini ayoŋ ŋuna iŋitasi ikes.

Mat. 11:19

Abu Lokoku a Ituŋanan, imuji ka emasi, ebasi ŋituŋa, ‘Kiŋolikisi ekadakan ka ekameran, ekone a ŋikerirak ocur ka ŋikasecak!’ Nai aosou ŋina ka Akuj itoodiunitae erae ŋina a kire aloticisyo keŋ.”

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 7:23

Erereŋ nooi ituŋanan ŋini nyejamakini anupit keŋ aŋuna kaŋ!”

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

Yoa. 18:37

Kiŋit Pilato iŋes tema, “Iŋes atemar irae iyoŋ erwosit a?” Toboŋok Yesu iŋes tema, “Iyoŋ ilimu atemar arae ayoŋ erwosit. Aponi ekedoun ayoŋ ka abunit ayoŋ nakwap na aŋuna a ipeibore: akiteyenun ŋuna a kire. Ituŋanan daadaŋ ŋini eyai tooma ŋuna a kire, epupi ŋakiro kaŋ.”

Yoa. 8:47

Ŋini ebunit aneni ka Akuj epupi ŋakiro ŋuna ka Akuj; nai nyiponito iyes aneni ka Akuj, iŋes nyipupyoto ŋakiro ŋun.”

Yoa. 9:39

Tolimu nai Yesu tema, “Abunit ayoŋ nakwap atubonokin, ikotere ŋulu sek emudukaka ekienyunete, ido ŋulu sek ekienyete tomudukakyata.”

Ŋitic. 13:10

tolimu tema, “Iyoŋ lokoku a Satan! Iyoŋ emoit ŋolo ka akiyookino a daadaŋ! Ileleba iyoŋ ŋamodyanakineta ŋuna egelegelya ka aronis! Nyijoŋoenene mono iyoŋ akilocenen ŋakiro ŋuna ke Ekapolon ŋuna a kire, kituruwo alyokonu a?

Ŋirom. 7:12

Aŋun, nyerae Ŋikisila asecit, nai eponito aneni ka Akuj ka eponito ŋakiciketa kec daŋ aneni ka Akuj, nabo iyookino ka ejokak.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!