Osea 14:6 - Ebaibul

⁶ Epetarete ŋaten keŋ lowaetin, ikwaanikin akibuses keŋ ka ŋina a ekitoe a ŋolo ka Olipa ka ikwaanikin eure keŋ ŋolo abobon ka eure a Lebanon.

Osea 14:6 Iomraidhean Croise

Akisy. 27:27

Toapu nai Yakob neni a papa keŋ tonu iŋes; kiŋu Isaka eure a ŋilowi ke Esau, tosodi kiterereŋ Yakob tema, “Kire, ikoni eure alokoku kaŋ ŋolo a emanikor a ŋolo iterereŋit Ekapolon.

Ŋikiru. 128:3

Alore kon, iryamuni iyoŋ ŋidwe ŋulu alalak aneni ka aberu kon; alomesa kon, elalaketa ŋidwe kon irikaunito emesa.

Ŋikiru. 52:8

Nai aiuna ayoŋ alo Kai; ka Akuj ekoni ekitoe ŋolo ka Olipa ŋolo erubi ejok; ekinyomit ayoŋ amina ka Akuj ŋina nyiryaŋiryaŋa ŋikaru ka ŋikaru.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 66:14

“Iŋolikinete iyes ka elelyanete ŋitai kus, etumete ŋawat kus totulejejeta ikwa ŋinya, ido eyenunio atemar eyai apedor a Ekapolon neni a ŋiketiyak keŋ ka eŋoikinit iŋes ŋimoe keŋ.”

Yer. 11:16

Ikinyarit koloŋ Ekapolon iyes ebe, “Ekitoe ka Olipa ŋolo aliban, ekitoe ŋolo ibus ŋolo eyakar ŋaraito ŋuna ajokak. Nai anaŋoit keŋ a ŋina apolon, ikimunyari iŋes iyes, lopite ŋolo enomya akim ekitoe tonomiya ŋaten keŋ daadaŋ.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mat. 13:31

Tolimok Yesu ikes akitadapet ace tema, “Ikoni Apukan ŋina anakuj icokit ŋini ikoni ŋini ke ebobore, ŋini abu ituŋanan todupak lomanikor keŋ.

Yoa. 15:1

“Arae Ayoŋ ekitoe ŋolo ke epiini ŋolo a kire, Papa kaŋ iŋes erae eketan.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.