Osea 14:5 - Ebaibul

⁵ Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Osea 14:5 Iomraidhean Croise

2 Sam. 23:4

ikwaan ituŋanan ŋin ka akica ŋina elomunia akoloŋ, ikwaan ka akica ŋina ecai taparacu emam ŋidouwon, ikwaan ka akica ŋina ecauni kedau akiru akilim, akica ŋina itolomuni ŋinya analup.’

2 Ŋirw. 19:30

Epitunete ŋituŋa a Yudaya ŋulupiya, edupakin ikwa ŋataagor alokwap ekitoe ka elalaketa ikwa ŋaraito alokidiama ekitoe.

Yob 29:19

Ayari ayoŋ apaki ŋin asibit ekitoe ŋolo edupakinitae diyete akalele a ŋakipi ŋolo itapalalete ŋakopi ŋaten keŋ nakwaare.

Ŋikiru. 133:3

Ikwaanikin ka ŋakopi ŋuna alomoru a ŋolo enyaritae Erimon, ŋuna eleleuneneete lomukur ŋulu a Sion, anerae nen iŋes adau Ekapolon akiikin ŋarereŋisyo keŋ, adau iŋes akiikin nen akiyar ŋina a ŋikaru ka ŋikaru.

Ŋikiru. 72:16

Elipi tolalata nooi ŋikinyom anakwap keŋ, elipi kigoonoto ŋaraito alokamukumukui elipi kikokis ŋaraito ka akwap keŋ ŋuna ka akwap a Lebanon; elipi tolalata ŋituŋa alotaunio ka akwap keŋ, lopite ŋolo elalaata ŋinya anariet

Ŋikiru. 72:6

Elipi inak erwosit ajokis anapukan keŋ, ŋina ikoni ŋina einakini akiru ŋikinyom ŋulu elomete elipi kikok iŋes akiru ŋina itojoki akwap.

Ŋikiru. 80:9

Ibu iyoŋ kitemonok akwap aŋuna a Ŋisirael, ido apotu Ŋisirael toloma nakwap ŋin kilelebun nakwap ŋin daadaŋ.

Ŋikiru. 92:12

Epitunete ŋulu iyookino lopite ŋolo episyata ŋikito a ŋiŋolya epoloete emam ŋace lopite ŋolo epolooto ŋikito a Cedar ŋulu eya Lebanon.

Ŋikiru. 92:13

Ikwaanikin ikes ibusak eya Kai ke Ekapolon ka ŋikito ŋulu edupitae diyete Akai a Ekapolon, ŋulu ibusak analapatui aŋuna alo Kai ka Akuj yok.

Ŋakit. 19:12

Ikoni aŋoit a erwosit neni irurumaa eŋatuny, nai ikoni ajokis keŋ ŋakopi alonya.

Eete a Ŋie. 2:16

Erae ŋolominat kaŋ ŋolo kaŋ ka arae ayoŋ ŋina keŋ; iyoki iŋes ŋamesekin keŋ lonya ŋulu eya neni eya ŋicomocomo,

Eete a Ŋie. 4:5

Ikwaan ŋikisin kon ka ŋitak ŋiarei ŋulu ka agete, ikwaan ka ŋimuu a atili ŋulu edakasi neni eya ŋicomocomo.

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 18:4

Ŋakiro ŋuna akalimoki ayoŋ Ekapolon ikes nu, “Eŋoliuni ayoŋ ekililiŋat anakibois kaŋ, lopite ŋolo emwanunia akoloŋ ekililiŋat, lopite ŋolo emwanunia nakwaare kikopik akwap apaki ŋina elemere.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Isa. 27:6

Alorwa a ŋulu eponito, edupakinosi ŋiletok a Yakob, epitunete ŋituŋa a Isirael touryata, ido ilelebikinete ikes ŋiletok kec nakwap.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Isa. 57:19

Eyakaun ekisil neni a ŋulu eapiyete ka ŋulu elwaka, etaŋaleuni ayoŋ ikes.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mika 5:7

Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Mat. 6:28

Nabo, nyo iyaloloŋioto iyes aŋuna a ŋilowi? Kiŋolikisi iyes epite ŋolo epolooto ŋatur ŋuna ka ariet; nyitiyaete kori nyedonyete ŋilowi.

Luk. 12:27

Kiŋolikisi epite ŋolo erupyata ŋatur ka epolooto anariet: emam nyedonyete ikes kori nyesonyete ŋilowi. Nai akalimokini ayoŋ iyes atemar, tari erwosit Solomon ŋolo asirit nooi, amamukar ŋilowi ŋulu ebusak ŋulu ikote ŋatur ŋun.

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

Ŋikis. 32:2

Elipi ayoŋ pena ŋakiro kaŋ lotuŋa lopite ŋolo ilimya akiru, pena lotai a ŋituŋa lopite ŋolo epeniata ŋakopi lonya, lopite ŋolo edoo elimilim lonya lopite ŋolo edoo elimilim lonya ŋulu alibunak;