Osea 14:4 - Ebaibul

⁴ Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Osea 14:4 Iomraidhean Croise

Ŋikiru. 10:14

Nai ite iyoŋ! Kire iyeni iyoŋ ŋican ka aryeba a ŋituŋa, ido itenit iyoŋ aŋuna ka akiŋarakin, einakina ŋulu epalag neni kon, iyoŋ iŋarakini ŋikokyok a ŋinapaki.

Ŋikiru. 20:8

Ekakariyarosi ikes kibusokin aŋuna elounere, nai ikinyouni isua owua etiirata aŋuna ikilounia.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Isa. 12:1

Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Isa. 57:18

Eŋolik ayoŋ ŋuna ewuapito ikes, nai etaŋaleuni ayoŋ ikes. Ariki ayoŋ ikes enyakak neni kec akiboi ka alakara, ainakini ŋulu igworosi aŋuna kec toeoto.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Esek. 33:14

Nabo, tari kalimokinit ayoŋ ŋulu aronok atemar etwakete kire jik ikes, ani ca keŋero ikes asecit kec, kitiyata ŋuna ecamakinitae ka ŋuna iyookino,

Esek. 36:36

Eyenunete nai ŋituŋa a ŋakwapin a daadaŋ a ŋuna idunyatar iyoŋ a ŋuna idoŋito atemar ayoŋ Ekapolon adukok nabo ŋakiboisyo ŋuna aponi tomunaarae ka adupak nabo ŋikinyom neni aponi kitisiilunoe. Ayoŋ Ekapolon alimu ŋun ka etiyakini ayoŋ ŋun.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 2:19

Akayai ayoŋ iyoŋ toruwor aberu kaŋ ŋikaru ka ŋikaru, iruwor iyoŋ aberu kaŋ anakiyookino, anacamit ka anamina a ŋina nyiryaŋiryaŋa ta anakisyon.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Ekim. 25:11

“Alema Pineas lokoku ka Eleasar a ŋolo erae lokoku ka Aron a esacaradoti aŋoit kaŋ neni a Ŋisirael, aŋuna ainakina keŋ neni kaŋ alokiŋaren Ŋisirael, aŋun abu ayoŋ analilit kaŋ nyamunya Ŋisirael.

Ekim. 25:4

Tolimok Ekapolon Moses tema, “Tocunak ŋikarikok a ŋituŋa daadaŋ, toar ikes daadaŋ naparan alokiŋaren Ekapolon, ikotere ejoŋoe Ekapolon aŋoikinit Ŋisirael.”

Ŋirom. 3:24

Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

Tito 3:4

Nai ŋina etoodiunere lotuŋa arimao ka amina ŋina ka Akuj Akaiunan yok,