Osea 14:3 - Ebaibul

³ Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Osea 14:3 Iomraidhean Croise

2 Ŋakiro a ŋirwa 16:7

Apaki ŋin, abu eketeyenikinan ŋolo anyaritae Anani tolot neni ke erwosit Asa tema, “Aŋuna ibunio iyoŋ toyarikinia neni ke erwosit ka Aram, meere neni ke Ekapolon Akuj kon, asiwa ŋasigarya ka Aram aneni kon.

Ŋikiru. 10:14

Nai ite iyoŋ! Kire iyeni iyoŋ ŋican ka aryeba a ŋituŋa, ido itenit iyoŋ aŋuna ka akiŋarakin, einakina ŋulu epalag neni kon, iyoŋ iŋarakini ŋikokyok a ŋinapaki.

Ŋikiru. 146:3

Nyiwuakis akikinyoma kus neni a ŋikepukak, neni a ŋituŋa a ŋulu nyikiŋarakinete.

Ŋikiru. 146:9

Iyokit Ekapolon ŋigelaanotin iŋaranakini ŋikokyok ka ŋapuseru, nai emunaanari ŋiticisyo a ŋulu aronok.

Ŋikiru. 33:17

Acaryoit akigeno atemar iun alojie a aŋole, tari kegogoŋ aŋole nooi, nyepedori aiun.

Ŋikiru. 68:5

Akuj ŋina iboi anakibois keŋ a ŋina asegan, iŋes erae papa a ŋikokyok, ekeuryaran a ŋapuseru.

Isa. 1:29

Eroketa aneni kus ŋakiriketa ŋuna sek ilipyata iyes ka erokeata aneni kus ŋimanikorin ŋulu sek iseunito iyes.

Isa. 2:20

Akoloŋit ŋin, imasarete ŋituŋa neni a ŋisolimae ka neni a ŋimenwae ŋitorubei a ŋakujo kec ŋulu itiyaunitae a esilipa ka egolid, ŋitorubei a ŋakujo ŋulu sek etiyaunete ikes aŋuna ka akilip neni kec.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 30:16

ido tolimut temasi, “Mam, nyikiemi isua ikidokit ŋaŋolei.” Aŋun iemete iyes! ido temasi nabo, “Ikiemi isua edokitae ŋaŋolei ŋuna apiranak.” Aŋun, ikiwuapete iyes ŋimoe kus ekerete akilo iyes!

Isa. 30:2

iyes ŋulu ilot itiyarosi Ijipit eriŋa nyiŋita ŋakiro aneni kaŋ, iyes ŋulu ilot akiuryaro aneni a Parao ka aryamun neniŋopet alo Ijipit.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 31:3

Erae Ŋijipitian ŋituŋa, meere Akuj; erae ŋaŋolei kec akiriŋ koŋin; meere ŋitai. Ani egeuni Ekapolon ayaun ŋican nakwap adio, ekuryaketa ŋituŋa ŋulu elosito akiŋarakin ŋuluce ka mam ibore itiyakinete ŋulu iŋarakinitae, ido emunyari ikes daadaŋ kaapei.

Isa. 36:8

Bua tokona, kirworiutu ka ekapolon kaŋ erwosit ka Asiriya. Akainakini ayoŋ iyoŋ ŋaŋolei ŋalipyo ŋaarei kipedori iyoŋ elope aryamun ŋulu emeete ŋaŋolei ŋun.

Yer. 49:11

Kimyekisi ŋikokyok kus, ete ayoŋ ikes toyara ka kimyekisi ŋapuseru kus ekekinyoma ayoŋ.”

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Esek. 37:23

Nyemunaarete nabo ikes ŋawat kec a ŋakujo kec ka anamuja aŋuna nyenyamio, kori anasecit kec ka adio. Aiuni ayoŋ ikes anasecit a daadaŋ a ŋina emyekiniata ikes akitiya ŋuna alimokinitae, etaleuni ayoŋ ikes. Eruwor nai ikes ŋituŋa kaŋ ka aruwor ayoŋ Akuj kec.

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Osea 14:8

Okoe Epuraim, ŋikai kaŋ ŋitorubei a ŋakujo? Erae ayoŋ akaboŋokini iyoŋ ka ekeyoki iyoŋ, ikikwaanikin ayoŋ ka ekitoe ŋolo a Cipres ŋolo elibit jik, ebunit akikinyoma kon aneni kaŋ.

Osea 2:17

Alemari ayoŋ ŋirorwa ata Baal anakituk keŋ, ido nyenyarao nabo jik ata Baal a ŋirorwa.

Osea 4:12

Eloseneneete ŋituŋa kaŋ akiŋita ŋakiro aneni ka akuj a ŋina erae akitoe, elimonokini ikes ebela ŋolo ke etal ŋakiro ŋuna emaikina kitiyata, anerae etooliyo ikes etau ŋolo ka amalao, etiyata ikes ŋuna ka amalao emyekis akikinyomit Akuj kec.

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Osea 7:11

Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.

Osea 8:6

Arae Esiraelit ŋolo eyeni akitiya ŋiboro iŋes etiyauni etorube a itaok ŋol, meere etorube a Akuj nai etorube koŋin. Ebwaŋabwaŋaaryo etorube a itaok a ŋituŋa a Samaria, toruwor ŋakanyilinyili.

Osea 8:9

anerae apotu ikes kitipeiyosi Asiriya, ekwaanikin ikes ka esigirya ŋolo itiaŋaara, ka adaut akitac ŋakwapin ŋunace ikotere iŋarakinete ikes.

Yona 2:10

Tosodi Ekapolon tolimok ekolya alyakar Yona lokipetot, tolyakak nai ekolya Yona neni aonon.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Yoa. 14:18

“Nyakaesikini ayoŋ iyes make ikokiyanito, aboŋuni ayoŋ neni kus.

Ŋikis. 17:16

Kikote neni daŋ, nyemaikina iŋes toryamu aŋuna keŋ ŋaŋolei ŋuna alalak, kori kinyaka ŋituŋa Ijipit aŋuna ka aryamun ŋaŋolei ŋace, anerae ikilimok iyes Ekapolon ebe, “Nyiboyosi nabo inaa.”