Osea 14:2 - Ebaibul

² Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Osea 14:2 Iomraidhean Croise

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

Yob 7:21

Kaanukiro nyikisyonio iyoŋ ayoŋ aŋuna abilya ŋikisila, ido tolema asecit kaŋ? Alotooma apaki ŋina euruwuana, alomari ayoŋ nalup, ikiwari iyoŋ ayoŋ, nai nyarubakini arae ituŋanan.”

Ŋikiru. 119:108

Tocamu, okoe Ekapolon akipuro kaŋ ŋina ekepuror ayoŋ iyoŋ ka acamit, kitatamae ayoŋ ŋakiro ŋuna itubunit iyoŋ.

Ŋikiru. 50:14

Inakisi Akuj ŋamuronisya ŋuna ka alakara neni keŋ, ido kisiyookisi ŋuna ipotu iyes kikoŋo neni ka Akuj a ŋina alokidiama nooi.

Ŋikiru. 51:16

Nyilakara iyoŋ aŋuna a ŋamuronisya, ani kerae tolakara, kayau ayoŋ ikes; nyilakara iyoŋ aŋuna a ŋainakineta a ŋuna epeyo.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 6:7

Abu esubuna ŋol totap a aridet akituk kaŋ tema, “Ikwapei atapya aridet na ŋipon kon, nyeriŋa iyoŋ iyakar ekaile ka ikimookun iyoŋ anasecit kon.”

Yer. 3:12

Tolot kiserak ŋituŋa ŋulu alowae a ŋolo alo kuju ŋakiro nu atemar; toboŋutu, iyes ŋituŋa a Isirael ŋulu emam anupit, nyarubakini ayoŋ ekete iyes akaŋoikinit, anerae arae ayoŋ ŋolo esyonion, nyarubakini ayoŋ aŋoit ŋikaru ka ŋikaru.

Osea 12:7

Ikwaan ŋituŋa a Isirael ka ikecurutan ŋini isitiyaete ŋakipimeta ŋuna nyiyookino, emina iŋes akiimakinit ŋuluce.

Osea 5:5

Elimorit akituro a ŋituŋa a Isirael ŋuna etubokinere ikes. Emarani Epuraim alokaile a ŋolo ka asecit keŋ, emarani Yuda daŋ kaapei ka Epuraim.

Osea 6:6

anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Yoel 2:17

Emaikina ŋisacaradotin ŋulu itiyaete alokiŋaren Ekapolon, kigworo alokidiŋ ebarasan ŋolo ka Akai ka Akuj ka Namuroet. Emaikina ikes temasi, “Kisyoni ŋituŋa kon, okoe Ekapolon. Nyituruwo ŋituŋa kon ke elope ŋulu ejamuwaritae, ŋulu irworore anakwapin. Kaanukiro emaikina ŋakwapin iŋitasi ebe, ‘Ai mono eyai Akuj kec?’ ”

Yona 2:9

Nai ke etoil a ŋolo ikitalakarit iyoŋ, akainakini ayoŋ iyoŋ amuronot; esiyookini ayoŋ ŋuna adau akikoŋ. Anerae Ekapolon bon eyai apedor aiun ayoŋ.”

Sakar 3:4

Tolimok emalaika ŋituŋa ŋulu awuasi alokiŋaren Yosua tema, “Tolacasi ŋilowi keŋ ŋul.” Tema nai neni a Yosua, “Kiŋolik, alema ayoŋ asecit kon, ido eketanapikini ayoŋ iyoŋ ŋilowi ŋulu a ŋasuban.”

Mat. 7:11

Ani kipedorete nai iyes ŋulu iroko ainakin ŋidwe kus ŋiboro ŋulu ajokak, nyepedori nai Papa kus ŋolo anakuj ŋolo ejok ainakin ŋiboro ŋulu ajokak neni a ŋulu iŋitasi a?

Luk. 11:13

Kipedorete nai iyes ŋulu iroko ainakin ŋidwe kus ibore ŋini ajokan, nyepedori nai Papa kus ŋolo anakuj ŋolo ejok nooi akilo iyes ainakin Etau ŋolo Asegan neni a ŋulu iŋitasi a?”

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Ŋirom. 11:27

Ebala Akuj ebe, “Ikicamun ayoŋ ka ikes anakiro a nu apaki ŋina alemarya ayoŋ ŋasecisya kec.”

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

Ŋibur. 13:15

Aŋun, oinakisi nai akipuro neni ka Akuj jwi jwi erae amuronot yok alotooma Yesu, ainakinet ŋina erae akituk irworo, itopoloorit Yesu erae Ekapolon.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 3:5

Iyenete iyes atemar atakanuni Yesu alemar ŋasecisya ka emam asecit aneni keŋ.