Osea 14:1 - Ebaibul

¹ Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 14:1 Iomraidhean Croise

2 Ŋirw. 8:12

Kiŋit Asael iŋes tema, “Kaanukiro igworor iyoŋ Ekapolon?” Toboŋok Elisa iŋes tema, “Egworo ayoŋ anerae ayeni aronis ŋina ilosi iyoŋ akitiyakin Ŋisirael: Icunyakini iyoŋ ŋitaunio kec, iari ka atum ŋisorok kec, iryedanari ŋiŋwea kec, tosodi topuununu ŋidwe anakokyes a ŋaberu a ŋuna epotiyete.”

Isa. 19:22

Isicani Ekapolon Ejipit, isicani ka kitaŋaleu; eboŋunete ikes neni ke Ekapolon ka iirari Ekapolon adyekanot kec, ido kitaŋaleu ikes.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Aum. 5:16

Adaun ibore daadaŋ ŋini sek ikituror isua. Aponi isua tosecae, ido tokona ikiryamunit isua ŋican.

Esek. 16:46

Arae Samaria nakaato kon ŋina apolon, ŋina eboi alo Kuju kon eyakar ŋirerya keŋ; arae Sodoma nakaato kon ŋina cici, ŋina eboi alo Kwap kon eyakar ŋirerya keŋ.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 33:14

Nabo, tari kalimokinit ayoŋ ŋulu aronok atemar etwakete kire jik ikes, ani ca keŋero ikes asecit kec, kitiyata ŋuna ecamakinitae ka ŋuna iyookino,

Osea 10:12

Kitiyata aŋuna kus ŋiticisyo ŋulu ka akiyookino, toyakaunotor amina ŋina nyiryaŋiryaŋa. Kikukorikisi ŋimanikorin kus ŋulu idaut iyes akitare, anerae adol apaki ŋina emaikina iyes kiwaryata Ekapolon, ikotere iŋes ebuni ainakin iyes ŋarereŋisyo ŋuna ka akiyookino.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Osea 12:8

Alimu Epuraim ebe, “Aa! Abar ayoŋ, aryamu ayoŋ abaru aŋuna kaŋ a elope, aloboro a daadaŋ a ŋulu aryamu ayoŋ, mam aronis adio erukaun aneni kaŋ ŋina asecitor ayoŋ.”

Osea 13:9

Okoe ŋituŋa a Isirael, akamunyari ayoŋ iyes, ŋae nai ikiuni iyes?

Osea 4:8

Imujakis iyes nasecesya a ŋituŋa kaŋ, aŋun, icamito iyes ikes eseceneneete jik.

Osea 5:5

Elimorit akituro a ŋituŋa a Isirael ŋuna etubokinere ikes. Emarani Epuraim alokaile a ŋolo ka asecit keŋ, emarani Yuda daŋ kaapei ka Epuraim.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Osea 9:13

Ete paaran ayoŋ ŋituŋa a Epuraim ejokak ŋawat, ikwaan ka idukanit ŋini edupakinitae nakadipaalat ŋina ajokan. Nai tokona erikorete ŋituŋa a Epuraim ŋidwe kec nakibois ŋina eŋolere ŋidwe kec.

Osea 9:7

Adolut ŋirwa ŋulu ka akisicanio, adolut ŋirwa ŋulu a ŋinyaŋ, igworosi ŋituŋa a Isirael ebasi, “Erae ekadwaran ebaŋ, irumito ŋikerep ituŋanan ŋini eyakar etau ŋolo ka Akuj.” Aŋuna a ŋasecisya kus a ŋuna alalak, elalak daŋ ŋiminan kus.

Amos 1:13

Alimu Ekapolon ŋakiro nu ebe, “Aŋuna arubakiniata Ŋiamoni itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes apaki ŋina enyasyata akwap kec topunonosi ŋakookyes a ŋaberu a ŋuna apotiyete alo Gilead, aŋuna ka akiyatakin akwap kec.