Osea 13:9 - Ebaibul

⁹ Okoe ŋituŋa a Isirael, akamunyari ayoŋ iyes, ŋae nai ikiuni iyes?

Osea 13:9 Iomraidhean Croise

2 Ŋakiro a ŋirwa 28:23

Abu inak ŋamuronisya neni a ŋakujo a Damasko a ŋuna apotu kilout iŋes, ido abu tema, “Aŋuna aponiata ŋakujo a ŋirwosi ka Aram ka Asiriya kiŋarakis ŋirwosi ka Aram, ainakini ayoŋ ikes ŋamuronisya, ikotere ekeŋarakis ayoŋ.” Nai apotu ŋakiro ŋun yaut ŋican neni ka Aas ka neni a ŋituŋa keŋ daadaŋ.

Ŋikiru. 146:5

Elakara ŋulu iŋarakinit Akuj a Yakob, ŋulu eyai akigeno kec neni ke Ekapolon Akuj kec,

Ŋikiru. 33:20

Ikidarit isua anakigeno Ekapolon, iŋes erae akiŋarakino kosi ka aiuno kosi.

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Ŋakit. 6:32

Ebaŋaana ituŋanan ŋini elosi akilom aberu a ŋinice, ituŋanan ŋini itiyae ŋun, eaunit atwanare nakuwan keŋ.

Ŋakit. 8:36

Nai ŋulu nyakaryamunete ayoŋ, ewanawanasi make, ŋulu daadaŋ akaremokino ayoŋ, itojokito atwanare.”

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 3:9

Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 4:18

Ayaut ŋakiro ŋuna iwuapito iyes ka ŋuna itiyaete iyes ŋakiro nu neni kus. Akinyasuno kus iŋes ŋin, okoe kepipiliar! Adolu akinyasuno ŋin lotai kus.”

Yer. 5:25

Eriwo ŋasecisya kus ajokis ŋin aneni kus, alemasi ŋasecisya kus ajokis ŋin aneni kus,

Osea 13:4

Nai arubakinit ayoŋ arae Ekapolon Akuj kec, ageun ŋinapei anakwap a Ijipit, mam ŋakujo ŋace eyenete ikes mati ayoŋ bon, emam ekaiunan ece mati ayoŋ bon.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 7:14

Nyekegworokinete ikes ayoŋ a ŋitai kec, nai iwololoete alokitaadae kec, ecunakin ikes iitanito ŋikinyom ka epiini, akaŋero ikes ayoŋ.

Osea 7:15

Arae ayoŋ etatami ikes eturuwo ŋulu egogoŋ, nai eyeete ikes akitiya ŋuna aronok neni kaŋ.

Mal. 1:12

Nai iyanyete iyes ekiro kaŋ apaki ŋina irworotor atemar erae Namuroet ke Ekapolon acaryoit ka apaki ŋina iyauniata iyes nen ŋamuja ŋuna ijamuwarito iyes.

Mal. 1:13

Ibasi iyes, ‘Ikiup isua akitiya ŋun!’ Nabo iwunyonorete iyes ŋikumes kus kidiama ikijamuwarito ayoŋ. Iyaununete iyes neni kaŋ ŋibaren ŋulu ikokounito, kori ŋulu aŋwalak, kori ŋulu edyakasi. Itamete iyes atemar acamuni ayoŋ ŋul aneni kus a?

Mal. 1:9

Iyes ŋisacaradotin, kikatakisi mono iyes akimaima Ekapolon tojokyar a ŋuna yok. Nyeboŋokini iŋes akilip kus, ido erae ŋun nakyes kus.”

Ŋikis. 33:26

Okoe Ŋisirael, mam ice ikwaan ka Akuj kus, Akuj ŋina ebunit alokidiama aiun iyes, eyai iŋes anailiil keŋ lodouwon.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.