Osea 13:8 - Ebaibul

⁸ Agirakin ayoŋ ikes lopite ŋolo egirakinor etyaŋ ŋolo adedeŋan ituŋanan, kori etyaŋ ece ŋolo ecamit ademar iŋes ŋitak keŋ ka apunori ayoŋ ŋakookyes kec, erikari ayoŋ ikes lopite ŋolo irikarya eŋatuny etyaŋ ŋolo eari, kori lopite ŋolo enyilinyiliyarya etyaŋ ŋolo adedeŋan ityaŋ ŋini earit.

Osea 13:8 Iomraidhean Croise

2 Sam. 17:8

Torubak Usai irworo tema, “Iyeni robo ca iyoŋ atemar ejioko papa kon ka ŋikilyok ŋulu erukitotor. Ededeŋ ikes ikote aŋatuny anariet ŋina edemaritae ŋitak keŋ. Nabo daŋ, eyeni papa kon ejie nooi; nyeperi iŋes neni epereneneete ŋasigarya keŋ.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋikiru. 80:13

Ipudaete ka icakuraete tokona ikes akwap ŋin lopite ŋolo icakuraata ŋiputiro akwap, ido inyasete ikes akwap ŋin lopite ŋolo inyasata ŋityaŋ ŋulu ka ariet.

Ŋakit. 17:12

Ejok ajiore ka ityaŋ ŋini adedeŋan ŋini ikibenyuni aŋuna edemaritere iŋes ŋitak keŋ, akilo ajiore ka ibaŋaanot aŋuna ka abaŋao keŋ.

Isa. 5:29

Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Isa. 56:9

“Potu iyes daadaŋ ŋityaŋ ŋulu ka ariet, potu tomunyasi ŋituŋa lu iyes ŋityaŋ ŋulu ka amoni daadaŋ.

Yer. 12:9

Ikwaan ŋituŋa kaŋ ka ikenyit ŋini irimokinito ŋigolei kidiŋ ecamito akikamun iŋes. Potu, tonyarautu ŋityaŋ ŋulu ka ariet, yautu ikes, tomunyasi ŋituŋa lu.

Yer. 25:38

Emyek Ekapolon akibois keŋ, lopite ŋolo imyekinia eŋatuny adui keŋ, anerae aruwor akwap a ŋituŋa keŋ acaryoit aŋuna a aryenyeo a ŋituŋa a ŋulu amunyasi ŋituŋa keŋ ka aŋuna a aŋoit keŋ a ŋina aryenyaanan.

Osea 2:12

Amunaari ayoŋ ŋikito keŋ ŋulu ke epiini ka ŋiboboryo ŋulu einakinito iŋes akirworo ebe, “Erae lu etacit kaŋ ŋolo akainakinete ayoŋ ŋikilyok kaŋ ŋulu amina ayoŋ.” Eturuwori ayoŋ ŋikito ŋul amoni ka irikarete ŋityaŋ ŋulu ka ariet ikes.

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.