Osea 13:5 - Ebaibul

⁵ Arae ayoŋ etani ikes analoŋisat, anakibois a ŋina aonon.

Osea 13:5 Iomraidhean Croise

Akisy. 31:40

Ekote ŋakiro ne aneni kaŋ: Abu akoloŋ okonomenenee ayoŋ naparan, okonyamenenee akaterot nakwaare ka adaunun ŋajo anakonyen kaŋ.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 142:3

Ani apapanuni ayoŋ, iyoŋ Ekapolon iyeni ŋuna emaikina ayoŋ etiya. Adaut ŋikaronok ayeun epite ŋolo akaaryata ayoŋ alorot a ŋolo amyat ayoŋ.

Ŋikiru. 31:7

Alakar ayoŋ ka alelyani aŋuna ka amina kon a ŋina nyiryaŋiryaŋa, anerae ibu iyoŋ kiŋolik ŋican kaŋ ka ibu ikiŋarak ayoŋ anaryeba.

Ŋikiru. 63:1

Okoe Akuj, irae iyoŋ Akuj kaŋ, ekeitanit ayoŋ iyoŋ, ekeburit ayoŋ nooi aanyun iyoŋ, alilimiyo akuwan kaŋ aŋuna ka akiitanit iyoŋ, alilimiyo lopite ŋolo iyakar nakwap ŋina aonon ka ŋina acaryoonon ŋina emam ŋakipi.

Awos. 2:25

Abu Akuj kiŋolik epite ŋolo abolyare Ŋisirael, ido tonomosi iŋes ŋakiro ŋun.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Osea 5:3

Ayeni ayoŋ Epuraim, nyeŋopit Isirael aneni kaŋ; anerae tokona, okoe Epuraim, itiya iyoŋ ŋuna ka amalao, nyeriŋa Isirael eyakar asegis.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Naum 1:7

Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

1 Ŋikor. 8:3

Nai ituŋanan ŋini emina Akuj, eyeni Akuj iŋes.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 32:10

Abu kitan ikes analoŋisat a ŋina asilon ka a ŋinacaryoit, abu toiu ikes ka kidar ikes, lopite ŋolo iyokitor iŋes ecopot a akoŋu keŋ.

Ŋikis. 8:15

nyikimuryak Ekapolon ŋolo abu ikirik iyes analoŋisat a ŋina apolon nooi ka a ŋina a ŋican a ŋulu apolok a ŋina eleleba ŋimuno ka ŋitwania ŋulu aarak. Abu Ekapolon kiteleleu ŋakipi aŋuna kus anataaba a ŋinasulut