Osea 13:14 - Ebaibul

¹⁴ Alakuni ayoŋ ikes anapedor a ŋina ka akibois a ŋikatwak nyalakuni ayoŋ ikes anatwanare. Okoe atwanare ai eya ŋakicanicaneta kon? Okoe akibois a ŋikatwak, ai eyai akinyasun kon? Nyesyonikini ayoŋ ŋituŋa lu jik!

Osea 13:14 Iomraidhean Croise

Yob 33:24

ido torimaaniar emalaika ŋol aneni a ituŋanan tema, ‘Toiu kare ca iŋes nyeloma nakibois a ŋikatwak, adau ayoŋ aryamun ibore ŋini elakunia iŋes akiyar keŋ,

Yob 41:22

“Egogoŋ emosiriŋ keŋ, ikitubuli iŋes iŋolikini.

Ŋikiru. 16:10

anerae nyikimyekini iyoŋ ayoŋ anakibois a ŋikatwak, kori nyicamakini iyoŋ eketiyan kon ŋolo seuna ebosi.

Ŋikiru. 30:3

Okoe Ekapolon, ibu iyoŋ nyikimyek ayoŋ olot nakibois a ŋikatwak, nai idau iyoŋ aiun ayoŋ nyaloma nalup.

Ŋikiru. 49:15

Nai elakuni Akuj akiyar kaŋ anapedor a ŋina ka atwanare; anerae akayai iŋes ayoŋ neni eyai iŋes.

Ŋikiru. 49:16

Nyirakaaketa iŋolikinete ŋituŋa ebarete, apaki ŋina iatakinor ebari alokalya kec;

Ŋikiru. 71:20

Ikisiŋolik iyoŋ ayoŋ ŋican ŋulu alalak ŋulu apipilak; ikisimukekini iyoŋ ayoŋ nabo; ikiuryari iyoŋ ayoŋ ikotere nyatwana.

Ŋikiru. 86:13

anerae epol nooi aŋuna kaŋ amina kon ŋina nyiryaŋiryaŋa; idau iyoŋ alakun ayoŋ anakibois a ŋikatwak.

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 26:19

Eyarunete ŋituŋa kus ŋulu apotu totwaka, eyarununete ŋawat kec. Okoe iyes ŋulu ikinukitae nalup, tonyoutu, toeikisi aŋuna ka alelyanu. Ikwaanikin ayarun kus ka ŋakopi ŋuna ekilikilete taparacu, ipuduni akwap ŋulu elomarito nalup.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 20:16

Elipi kikwaanikin ekile ŋol ka ŋitaunio ŋulu abu Ekapolon kinyas emam akisyon, elipi kiira iŋes akigworo iwalari akwap ka eli kidiŋ apaaran,

Yer. 31:35

Ŋae iwuakinit akoloŋ ikotere ecai naparan? Ŋae iwuakinit elap ka ŋikacer neni eya, ikotere ecayete nakwaare? Ŋae iguryakini ŋakipi a anam, ikotere togirokis ŋikaguragurae a ŋakipi? Erae ekiro keŋ Ekapolon ŋolo a ŋajoresyo.

Esek. 37:9

Abu nai Ekapolon okolimok ayoŋ tema, “Lokoku a ituŋanan, todwar aŋuna eakieŋanu, tolimok ekieŋanu atemar ikilimok iyoŋ Ekapolon Akuj abunore alotooma ŋolowae daadaŋ, toloma nakoyo ŋunaatwak nu, ikotere kituruwo ikes nabo ŋuna eyarete.”

Osea 6:2

Kelunyar ŋirwa ŋiarei, ikitojokukini iŋes iwon nabo, kelunyar ŋirwa ŋiuni ikiteyaruni iŋes iwon ikotere ikiyari alokiŋaren keŋ.

Osea 7:10

Elimorit akituro a ŋituŋa a Isirael ŋuna etubokinere ikes, nai nyemisito ikes aboŋun neni ke Ekapolon Akuj kec, kori daŋ nyiwarito ikes Ekapolon aŋuna a ŋakiro a ŋun a daadaŋ.

Mal. 3:6

Arae ayoŋ Ekapolon ŋolo nyeloconokin; a ŋun, iyes ŋiletok a Yakob, eriŋa iyes nyemunyara.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ŋirom. 11:15

Anerae ŋina aŋerere ikes, aponi kituruworoe akwap ekone ŋolo ka Akuj. Ikokini nai ai apaki ŋina ecamunia Akuj Ŋiyudayan? Eyarunete ŋikatwak!

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

2 Ŋikor. 5:4

Anerae, ani eriŋa iwon ikiya loeema lo, ŋolo ka akwap a na, ikirurumae ka ikiridakinitae; meere aŋuna ikicamitor alemar ekuwane lo ŋolo ka akwap, nai ikicamit iwon onapa ŋawat ŋuna nyesalunete, ikotere kiliko akiyar ŋina nyesaluni akuwan ŋina esaluni.

Ŋipil. 3:21

Ilocokini iŋes ŋawat yok ŋuna palag ka ŋuna etwakete, kituruwo ikes ŋuna ikwaan ka akuwan keŋ ŋina ka apolou a ŋina anakuj. Isitiyae iŋes apedor ŋina epedoritor akiwuakin ŋiboro daadaŋ Napukan keŋ.

1 Ŋites. 4:14

Ikinupit iwon atemar abu Yesu totwan ka abu toyaru, ikwaŋinapei, iteyaruni Akuj ŋikatwak ŋulu sek anupito Yesu, ido ya ikes kaapei ka Kristo neni keŋ.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Akis. 20:13

Toleku anam ŋikatwak ŋulu ayakasi tooma keŋ. Tolekut Atwanare ka Akibois ŋina a ŋikatwak daŋ ŋikatwak ŋulu ayakasi neni kec. Aponi totubokinae ikes daadaŋ ikwaŋina kitiyatotor ikes.

Akis. 21:4

Emyetari iŋes ŋakiyo daadaŋ anakonyen kec, nyeyakaun nabo atwanare, nyeyakaun nabo akiyaloloŋ kori akigworo kori aryeba. Aŋopiyasi ŋiboro ŋulu ŋorok.”

Akis. 6:8

Ani eŋoliyari, oanyuwa aŋole ŋina nyaŋaliban; anyaritae ekiro ke ekameton aŋole ŋin Atwanare, totupite akwap ŋina a ŋikatwak iŋes. Aponi inakinae ikes apedor ŋinakipukaet atutubet ŋina a ŋaomwon ŋina ka akwap, akiar alotooma ejiye ka eron ka edeke ka ŋityaŋ ŋulu adedeŋak.

1 Sam. 15:29

Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”