Osea 13:10 - Ebaibul

¹⁰ Ai bo tokona eyai erwosit kus ikotere ikiuni iyes? Ai eya ŋikapolok alotaunio kus a daadaŋ, ŋulu sek ibasi iyes ayoŋ, “Inakinae isua erwosit ka ŋikepukak.”

Osea 13:10 Iomraidhean Croise

1 Ŋirw. 12:20

Ani iirarete Ŋisirael daadaŋ atemar aboŋu Yeroboam Isirael, kiyakiyasi ituŋanan anyaraun iŋes natukot a ŋituŋa ido kituruwosi iŋes erwosit ŋolo a Isirael a daadaŋ. Mam ituŋanan abu toriwo ke ekal a Daudi, mati ŋituŋa ke ekabila a Yuda make.

2 Ŋirw. 17:4

Nai abu erwosit ŋolo ka Asiriya toripu atemar etuko Osea aŋuna kebunio kiyakiya ŋituŋa neni a So a ŋolo arae erwosit a Ijipit, ido towou akitac ocur neni ke erwosit ka Asiriya a ŋolo sek aris iŋes ketacanaki ocur a ŋolokaru. Aŋun abu erwosit ka Asiriya kikama iŋes kiwuak mabus.

Ŋikiru. 10:16

Erae Ekapolon erwosit ŋolo a ŋikaru ka ŋikaru, isunyarosi ŋituŋa a ŋakwapin anakwap keŋ alo Isirael.

Ŋikiru. 149:2

Emaikina Ŋisirael tolelyana neni ke ekasuban kec; emaikina ŋituŋa a Sion tolakar neni ke erwosit kec.

Ŋikiru. 44:4

Irae iyoŋ erwosit kaŋ ka Akuj kaŋ, iinanakini iyoŋ ŋituŋa kon akiloun ŋimoe kec.

Ŋikiru. 74:12

Torae bo iyoŋ Akuj erwosit kaŋ ŋinapei koloŋ, idau iyoŋ akiŋarakin isua akiloun ŋimoe kosi anakwap kosi.

Ŋikiru. 89:18

anerae neni kon Ekapolon eryamunere isua aiuno. Iyoŋ Akuj ŋina asegan, ŋina a Ŋisirael irae erwosit kosi.

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 43:15

Arae ayoŋ Ekapolon, Akuj kus ŋina asegan, ekasuban a Ŋisirael ka arae erwosit kus.”

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Aum. 4:20

Apotu ikes kikamasi erwosit kosi ŋolo amecitae isua neni keŋ, ŋolo arae Ekapolon abu toseu aruwor erwosit. Erwosit ŋolo sek ekinyomitae isua atemar ikiuni iŋes isua alomoe a daadaŋ.

Osea 10:3

Etemarete nai ikes, “Emam isua erwosit, anerae nyikitopoloorit isua Ekapolon. Ani mono kerae toyakare isua erwosit, kepedo mono iŋes akitiyakin nyo aŋuna kosi?”

Osea 13:4

Nai arubakinit ayoŋ arae Ekapolon Akuj kec, ageun ŋinapei anakwap a Ijipit, mam ŋakujo ŋace eyenete ikes mati ayoŋ bon, emam ekaiunan ece mati ayoŋ bon.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Osea 7:7

Emwaka ikes daadaŋ lopite ŋolo emwania ekeno, amunyasi ikes ŋikepukak kec. Aari ŋirwosi kec daadaŋ, nai mam ituŋanan ebuni akilip neni kaŋ aŋuna ka akiŋarakino.

Osea 8:4

Apotu Ŋisirael toseununut ŋirwosi, nai pa acamakinit ayoŋ, apotu ikes kiwuanakis ŋikepukak, nai pa ayeni ayoŋ. Apotu ikes kitiyaununut ŋitorubei a ŋakujo a esilipa ka egolid, ŋakujo ŋuna apotu yaut amunyaro neni kec.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Yoa. 1:49

Toboŋok Nasaniel tema, “Eketataman, irae iyoŋ Lokoku ka Akuj ka irae Erwosit ŋolo a Isirael.”

1 Sam. 8:7

Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.