Osea 13:1 - Ebaibul

¹ Ani paaran sek irworikinete ŋituŋa a Epuraim, abulenene Ŋisirael ŋuluce ka etopoloorito Ŋisirael daadaŋ ikes, nai apotu ŋituŋa a Epuraim toseca aŋuna elipyata neni a Baal, aŋun, etwakete ikes.

Osea 13:1 Iomraidhean Croise

Akisy. 2:17

nai ŋuna a Ekitoe a ŋolo ka ayenut ajokis ka aronis, nyitemokino iyoŋ akinyam, anerae akoloŋit ŋina inyamia iyoŋ ikes, itwani iyoŋ kire jik.”

1 Ŋirw. 12:25

Abu Yeroboam toduk etaun Sekem, nakwap a Epuraim ŋina a ŋikamukumukui, toruwor neni eboiyo iŋes nen, kedau akiduk nen, abu tolot toduk Penuel.

Yob 29:21

“Apupete ŋituŋa ŋakiro ŋuna alimuni ayoŋ apuponokinete ililiŋete cek ŋakiro ŋuna alimokini ayoŋ ikes,

Yob 29:22

pa apeganakinete ŋituŋa ŋakiro kaŋ kadau ayoŋ akirwor, eiranarete ikes ŋakiro kaŋ erae ŋuna ajokak nooi,

Ŋakit. 18:12

Ani eriŋa ituŋanan nyemunaara, ileleba akituro lotau keŋ, nai akitiditeuna mono emaikina eyakar ituŋanan eriŋa nyitopolooro.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 7:8

anerae etaun ka Aram ŋolo apolon iŋes Damasko ka ekapolon a Damasko iŋes erwosit Resin, alotooma ŋikaru ŋatomonikanikapei ka ŋikan, ielaryo ŋituŋa a Epuraim tojoŋoto araakau ŋulu ka akwap a apei.

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 2:10

Tokona, esileereuni ayoŋ aleeco keŋ alokiŋaren ŋikilyok ŋulu emina iŋes, mam ituŋanan epedori aiun iŋes anapedor kaŋ.

Osea 2:8

Abu aberu ŋin nyeyenu atemar ayoŋ abu oinak iŋes ŋikinyom, epiini ka akimyet ka arae ayoŋ abu etepetu esilipa ka egolid ŋolo ayaanarete ikes neni a Baal.

Osea 8:4

Apotu Ŋisirael toseununut ŋirwosi, nai pa acamakinit ayoŋ, apotu ikes kiwuanakis ŋikepukak, nai pa ayeni ayoŋ. Apotu ikes kitiyaununut ŋitorubei a ŋakujo a esilipa ka egolid, ŋakujo ŋuna apotu yaut amunyaro neni kec.

Ekim. 10:22

Ekaku kiwuapakis ŋatuketa a ŋituŋa a ŋulu apolokinit ekabila a Epuraim, towotokis ŋulu daŋ a ŋatuketa kec. Arae Elisama lokoku ka Amiud iŋes arikit ŋatuketa ŋun,

Ekim. 13:16

Erae ŋul ŋirorwa a ŋikilyok a ŋulu abu Moses kiyakiya akireb akwap a Kanaan, abu Moses kilocok ekiro ka Osea alokoku a Nun toruwor Yosua.

Ekim. 13:8

alokabila a Epuraim kiyakiyarae Osea lokoku a Nun,

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Ŋirom. 5:12

Abu asecit bu nakwap alotooma ipeituŋanan ka anerae abu iŋes tosec, etemokino iŋes totwan ka aŋun, akeikin atwanare lotuŋa daadaŋ, anerae aseca daadaŋ.

2 Ŋikor. 5:14

Amina ŋina a Kristo iŋes ikipukat isua, anerae ikiyeni isua atemar abu ituŋanan ipei totwan aŋuna a daadaŋ, iŋes atemar emorete daadaŋ atwanare keŋ.

Yos. 3:7

Kirwor nai Ekapolon neni a Yosua tema, “Akoloŋit na, esyakini ayoŋ akitopoloor iyoŋ alokiŋaren Ŋisirael daadaŋ, ikotere toyenuniata ikes atemar ikiruki ayoŋ ka iyoŋ lopite ŋolo abunio orukioto ka Moses.

Ŋikat. 12:1

Apotu ŋituŋa a Epuraim kitemokinos aŋuna ke ejie, todokasi Sapon ekekwaye Yorodan, kiŋita Yepesa temasi, “Kaanukiro ibunio iyoŋ todoka ekekwaye akitijiore Ŋiamoni, ido nyikinyar isua daŋ alosit kaapei ka iyoŋ? Icunyakinio isua akai kon iyai iyoŋ tooma!”

Ŋikat. 8:1

Apotu nai ŋituŋa a ekabila a Epuraim tolimokis Gideon temasi, “Anukiro nu ŋuna itiya iyoŋ neni kosi? Kaanukiro pa ikinyaraa iyoŋ isua apaki ŋina ilosyo iyoŋ akitijikin Ŋimidian?” Apotu ikes kisiburata Gideon nooi.

1 Sam. 15:17

Tema Samuel, “Tari kimenen iyoŋ bon, meere mono iyoŋ irae ekarikon a ŋikabilae a Ŋisirael a? Abu Ekapolon ikiosak iyoŋ akimyet toruwor erwosit a Isirael.