Osea 12:8 - Ebaibul

⁸ Alimu Epuraim ebe, “Aa! Abar ayoŋ, aryamu ayoŋ abaru aŋuna kaŋ a elope, aloboro a daadaŋ a ŋulu aryamu ayoŋ, mam aronis adio erukaun aneni kaŋ ŋina asecitor ayoŋ.”

Osea 12:8 Iomraidhean Croise

Ŋikiru. 49:6

ŋulu ikinyomito ebari kec, ido kituros aŋuna ka alalau ke ebari kec?

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋakit. 11:1

Erae asiilyo aneni a Ekapolon akisitiya akipimet ŋina emodyanakinere ŋituŋa, nai elakara Ekapolon erae kisitiyae ituŋanan akipimet ŋina nyemodyanakinere ŋituŋa.

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Ŋakit. 30:20

Erae lu ŋipitesyo ŋulu ka akaloman: Ani imuji iŋes, eninae akituk jik ido ebala, ‘Mam ibore ŋini aronon ŋini etiyat ayoŋ.’

Yer. 2:23

Kaanukiro irworotor iyes ibasi, ‘Nyikimunaara isua, nyeloto isua akilip neni a Baal?’ Kiŋolikisi epite ŋolo ayakatar ŋipitesyo kus anakadipaalat; toyenutu ŋuna ipotu iyes kitiyata. Ipotu iyes kikubakinos nooi ikwa akaal ŋina adwarunan, toema ama ka ama;

Yer. 2:35

irworosi iyes ibasi, ‘Mam ŋakiro ikisecit isua; kire jik, nyikiŋoikinit Akuj iyes.’ Tokona, ekesicani ayoŋ iyes aŋuna irworotor ibasi, ‘nyikisecit isua.’

Yer. 5:27

Ileleba nakais kec ŋiboro ŋulu ekokounitae, lopite ŋolo ilelebatar ŋikyeny neni idyasyo ikes. aŋun, aruworosi ikes ŋarwonita ka ŋikabarak,

Esek. 28:5

Anaosou kon a ŋina apolon a ŋina ka amucuruso, idau iyoŋ akiyatakin ebari kon, iturokin iyoŋ alotau kon aŋuna a ebari kon.

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 4:8

Imujakis iyes nasecesya a ŋituŋa kaŋ, aŋun, icamito iyes ikes eseceneneete jik.

Amos 8:5

ibasi iyes “Ori kareca edaunotor ŋasuban elap lo, ikotere ogyelanasi ŋikinyom? Ori edaunor akoloŋit ŋina a Sabato, ikotere ogyelanasi ŋaganoi? Itiditeunio iwon akipimet, ikotere oryamutu ŋicekelya ŋulu elalak, ido omodyanakisi ŋituŋa a ŋakipimeta a ŋuna nyiyookino,

Abak. 1:16

Aŋun, einanakini iŋes ŋamuronisya neni a ŋiboro keŋ a ŋulujiet, anerae earanakinete ŋiboro ŋul iŋes ibore daadaŋ ŋini ajokan.

Sakar 11:5

Ŋituŋa ŋulu egyelununeete ŋamesekin ŋun, eŋolete, ido kimyekinitetei nyisicana; tobasi ŋulu egyelanarete akiriŋ a ŋamesekin a ŋun ebe, ‘Kipuroe Ekapolon, anerae abar ayoŋ.’ Emam akisyon eyakatar tari ŋikeyokok neni a ŋamesekin kec.

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Mal. 3:13

Ebala Ekapolon ebe, “Idaut iyes akirworo ŋakiro ŋuna apipilak neni kaŋ.” Nai iŋitasi ibasi, “Anukiro ŋuna apipilak ŋuna ikirworo isua neni kon?”

Luk. 10:29

Nai ikwapei acamitor iŋes akitojoka, abu iŋes kiŋit Yesu tema, “Ŋae erae ekaakidunyet?”

Luk. 12:19

Ani erikakini otema alotau kaŋ, ee roca ekaatau! Iyakar tokona iyoŋ ibore ŋini ajokan daadaŋ ŋini ikiteyari iyoŋ ŋikaru ŋulu alalak. Kiboikin jik kieŋa, kimuj, tomat ka kileile!’

Luk. 16:13

“Emam eketiyan epedori akitiya ŋiticisyo ŋulu a ŋikapolok a ŋiarei; eŋeri epei, tosodi tominak ŋoloce, kori imiidikin neni ke epei, tosodi tojamuwa ŋoloce. Nyipedorete iyes akikicarikin akitiyanakin Akuj ka ebari.”

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.