Osea 12:6 - Ebaibul

⁶ Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Osea 12:6 Iomraidhean Croise

Akisy. 49:18

Akuj, edarit ayoŋ aiuno aneni kon,

Ŋikiru. 123:2

Lopite ŋolo eyarikinitotor ŋiketiyak neni ke ekapolon kec, lopite ŋolo eyarikinitor aketiyan neni ka akapolon keŋ, ikirubakini isua ikiŋoliunit neni kon, okoe Ekapolon Akuj kosi, akitodol ŋina ikisyonio iyoŋ isua.

Ŋikiru. 27:14

Kidar Ekapolon! Togogoŋ ka kimyek etau kon tomukyaan, kidar Ekapolon!

Ŋikiru. 37:7

Nyiŋayaŋayata anakikinyomit Ekapolon, kidara iŋes alotooma atitinyikinit ikiŋarak iyes; tocoito nyenepu ekibure aneni kus, iŋolikinete ŋituŋa ebarete anakitiya ŋuna aronok; nyenepu ekibure aneni kus iŋolikinete ŋituŋa itiyaete ŋuna aronok ŋuna eyeto ikes akitiya.

Awos. 3:15

Tema nabo Akuj neni a Moses, “Tolimok iyoŋ Ŋisirael ebe, ‘ekeyakuu ayoŋ neni kus Ekapolon Akuj atapapaa kus, Akuj ka Aburaam, Akuj a Isaka ka Akuj a Yakob.’ ” Ekiro kaŋ ŋol ŋikaru ka ŋikaru. Akanyaraete ayoŋ ŋanyameta daadaŋ a ekiro a ŋol.

Ŋakit. 1:23

Tocamutu akimyekin ŋuna abala ayoŋ iyes kimyekisi; akabukokini ayoŋ iyes ŋatameta kaŋ; eketuruwori ayoŋ iyes ŋulu iyenunete ŋakiro kaŋ.

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Isa. 1:16

Tomookunos, kitesegunos, tojoŋoto akitiya ŋuna aronok alokiŋaren kaŋ, tojoŋoto akitiya ŋuna aronok,

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 31:6

“Okoe ŋituŋa a Isirael, toboŋosi neni a Akuj a ŋina ipotu iyes tolukis nooi.

Isa. 40:31

nai ŋulu idarito Ekapolon, isikiteteunete agogoŋu kec, epororete kidiama a ŋabebenuk ikwa ŋigolei, ekerete, ido nyeupi, elosete, ido nyilelenyi.”

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Isa. 8:17

Edarit ayoŋ Ekapolon ŋolo iwuait ereet keŋ aneni a ŋituŋa a Yakob ka egenokin ayoŋ neni keŋ.

Yer. 22:15

Irae mono iyoŋ erwosit aŋuna idukio a ŋakito a Cedar a? Pa mono abu papa kon kimuj ka tomat ka totubi ŋakiro ka akiyookino ka kitiya ŋuna ka akiyookino a? Aŋun, amam ŋace aneni keŋ.

Esek. 18:30

“Aŋun, okoe Ŋisirael, akatubokini ayoŋ iyes daadaŋ anakiro a ŋuna iwuapito iyes. Tokiwa! Toŋero aronis daadaŋ ŋina itiyaete iyes, ani kemam ikimunyari iyes asecit.

Osea 10:12

Kitiyata aŋuna kus ŋiticisyo ŋulu ka akiyookino, toyakaunotor amina ŋina nyiryaŋiryaŋa. Kikukorikisi ŋimanikorin kus ŋulu idaut iyes akitare, anerae adol apaki ŋina emaikina iyes kiwaryata Ekapolon, ikotere iŋes ebuni ainakin iyes ŋarereŋisyo ŋuna ka akiyookino.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Amos 4:13

“‘Kiirasi mono iyes iŋes ŋolo abu tosub ŋimoru ka ekuwuam, iŋes ŋolo isileerekini ŋituŋa ŋatameta keŋ ka iloconokini akuwar toruwor apaaran, iŋes ŋolo ipukat nakuj ka akwap, erae ekiro keŋ Ekapolon Akuj ŋina a ŋajoresyo.’”

Amos 5:24

Nai, torubakisi itiyaete ŋuna ajokak jwi jwi ka ŋuna iyookino jwi jwi.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mika 7:7

Nai ani eruwor ayoŋ edarit ayoŋ anakigeno Ekapolon, edarit ayoŋ Akuj akaiunan kaŋ; ekeirari ayoŋ Akuj kaŋ.

Abak. 2:3

Kigir ikes, anerae eriŋa apaki ŋina iyookinotor, nai ebunit apaki ŋin atipei ka iyookinosi ŋun, etakanuni esibit nyitiyakin atipei, nai kidaru ikes, itiyakin kire jik, nyedidiyete.

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Sakar 1:3

Aŋun, tolimok ŋituŋa atemar ebala Ekapolon ŋolo Etiron ebe, ‘Toboŋutu neni kaŋ, ido aboŋuni ayoŋ daŋ neni kus.’

Sakar 7:9

“Ŋakiro ŋuna irworo Ekapolon ŋolo Etiron ikes nu ebe, ‘Emaikina iyes totubo ŋakiro anakiyookino ka kitoodiut arimao ka akisyon neni a ŋinice.

Sakar 8:16

Ŋakiro nu ikes emaikina iyes kitiyata: Itemokino ŋinituŋanan kirwor ŋuna a kire neni a ŋinice ka totubonokisi anakiyookino alo ikiikoe kus.

Ŋitic. 2:38

Tolimok Petero ikes tema, “Tokiwa ŋasecisya kus, kibatisae ŋinituŋanan alokidiŋ kus alokiro a Yesu Kristo, ikotere isyoniyo ŋasecisya; ido toryamut ainakinet ŋina ka Akuj--Etau ŋolo Asegan.

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.