Osea 12:3 - Ebaibul

³ Ani eriŋa Yakob eyai nakook a toto keŋ, abu kikamu atotinyo alokaato keŋ ka ani eruwor iŋes ekile, abu kisilek Akuj.

Osea 12:3 Iomraidhean Croise

Akisy. 25:26

Ekaku tolomu lokaato keŋ ikamunit atotinyo a Esau; ŋun alimokinere ekiro keŋ Yakob. Arae ŋikaru a Isaka ŋatomonikanikapei apaki ŋina edounere Esau ka Yakob.

2 Ŋirw. 17:18

Abu Ekapolon toŋoik Ŋisirael nooi, tosodi kisiyoto ikes aneni keŋ. Ekabila a Yuda bon abu Ekapolon kimyek.

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋirw. 17:23

akitodol ŋina eritaria Ekapolon ikes aneni keŋ ikwaŋina sek aris kelimonokinia ikes anakitatam a ŋikadwarak a daadaŋ a ŋulu arae ŋiketiyak keŋ. Aŋun aponi Yarae Ŋisirael anakwap kec nakwap ŋina ka Asiriya aruwor ŋirikon, neni eriŋa ikes eya tari tokona.

Yer. 2:9

Aŋun, ekesitakini nabo ayoŋ iyes, esitakini ayoŋ ŋipapae kus.

Esek. 7:3

Imunyarosi tokona iyes, emyekini tokona ayoŋ aŋoit kaŋ bu neni kus; akatubokini ayoŋ iyes alopite a ŋolo itiyatotor iyes, ekesicani ayoŋ iyes aŋuna ka asiilyo a daadaŋ a ŋina itiyata iyes.

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Osea 4:9

Ikwaanikinosi iyes daadaŋ ŋisacaradotin ka ŋituŋa ŋuluce; ekesicani ayoŋ iyes daadaŋ aŋuna a ŋakiro a ŋuna iwuapito iyes, ekesicani ayoŋ iyes aŋuna a ŋiticisyo kus.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Mika 6:2

Kiirasi iyes ŋimoru ŋakiro ŋuna isitar Ekapolon, topupokisi iyes ŋawoeta ŋuna ka akwap ŋuna a ŋikaru ka ŋikaru, eyakar Ekapolon asitan lotuŋa keŋ, isitakinit iŋes Ŋisirael.

Ŋirom. 9:11

Tari eriŋa ikes nyidouno ka eriŋa ikes nyitiya ŋuna ajokak kori ŋuna aronok, aponi tolimokinae Rebeka ebe, “Eruwor edya ŋolo apolon eketiyan a ŋolo cici.” Aŋun, erae aseunet ŋina ka Akuj ŋina iwuapit epite ŋolo ikinyaraa iŋes alope; meere aŋuna a idiobore a ŋini itiyae ituŋanan.