Osea 12:2 - Ebaibul

² Isitakinit Ekapolon ŋituŋa a Yudaya ka isicani ŋituŋa a Isirael aŋuna a ŋakiro a ŋuna iwuapito ikes, isicani Akuj ikes aŋuna a ŋakiro a ŋuna itiyaete ikes.

Osea 12:2 Iomraidhean Croise

2 Ŋirw. 17:4

Nai abu erwosit ŋolo ka Asiriya toripu atemar etuko Osea aŋuna kebunio kiyakiya ŋituŋa neni a So a ŋolo arae erwosit a Ijipit, ido towou akitac ocur neni ke erwosit ka Asiriya a ŋolo sek aris iŋes ketacanaki ocur a ŋolokaru. Aŋun abu erwosit ka Asiriya kikama iŋes kiwuak mabus.

Yob 15:2

“Yob, emaikina mono ŋituŋa ŋulu aosok ŋulu ikote iyoŋ akirworo ŋakiro ŋuna caryo ka akilelebikin nawat ŋakiro ŋuna amwanak pe ŋuna ikote ekuwuam ŋolo ekutununui alo Kide a?

Ŋikiru. 78:36

Nai erworosi ikes alyokonu neni ka Akuj, amam ŋakiro ŋuna ka akiyookino anakiro kec;

Ekal. 5:15

Elomunete ŋituŋa anakookyes atatoto kec elerete lopite ŋolopei alomuniata ikes anakwap a na. Mam aloboro a ŋulu aryamunito ikes aloticisyo kec ŋulu etijete ikes a ŋakan torukoryata anakwap a na.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:6

Eyakiyari ayoŋ ŋituŋa ka Asiriya akirem ŋituŋa ŋulu nyiwuapito ŋakiro ŋuna ka Akuj. Alimokini ayoŋ ikes toremo ŋituŋa ŋulu anyunyurikina ayoŋ, kiwoko ŋiboro kec ka toŋatasi ŋiboro kec ka kipudata ikes lopite ŋolo ipudaere aoret alorotin a etaun.

Isa. 24:21

Akoloŋit ŋin isicani Ekapolon ŋapedorosyo ŋuna alokidiama ka isicani Ekapolon alokwap ŋirwosi ŋulu ka akwap.

Isa. 3:11

Ekaŋ iyes ŋulu ikiilit aŋuna ka asecit kus! Erokyata nooi ŋakiro aŋuna kus, anerae itiyakinio neni kec ŋuna apotu ikes kitiyata neni a ŋuluce.

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 59:18

Isicani iŋes ŋimoe keŋ lopite ŋolo eyakatar ŋiticisyo ŋulu itiyato ikes; enyunyurikin iŋes ŋimoe keŋ, isicani iŋes ŋimoe keŋ, isicani iŋes ŋulu iboiyete alodiyete anam.

Yer. 25:31

Iiraryo ecelet a Ekapolon alowaetin a daadaŋ a ŋulu ka akwap, anerae eyakar Ekapolon akisitakinet neni a ŋituŋa a ŋakwapin. Ebunit iŋes akitub ŋakiro a ŋituŋa a daadaŋ, ido totubok atwanare neni a ŋulu iilit aŋuna itiyatotor aronis.’ ”

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Osea 4:1

Kiirasi ŋakiro a Ekapolon, okoe Ŋisirael; isitakinit Ekapolon ŋituŋa ŋulu ka akwap a Isirael, anerae emam akikinyomit, kori akitopoloorit, kori ayenut Akuj anakwap kec.

Osea 4:9

Ikwaanikinosi iyes daadaŋ ŋisacaradotin ka ŋituŋa ŋuluce; ekesicani ayoŋ iyes daadaŋ aŋuna a ŋakiro a ŋuna iwuapito iyes, ekesicani ayoŋ iyes aŋuna a ŋiticisyo kus.

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Osea 7:11

Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.

Osea 7:2

Nai nyeyenete ikes atemar atamunit ayoŋ aronis kec daadaŋ. Irikaunito ŋasecisya kec ikes, ido ileerete ikes aneni kaŋ, anerae eyakasi ikes kiŋaren kaŋ.

Osea 8:10

Tari daŋ kelosito ikes akiŋita akiŋarakinet aneni a ŋituŋa a ŋakwapin, acununi ayoŋ ikes iwapei esican, alotooma apaki ŋina euruwuana isicanete ŋirwosi ka ŋikapolok ikes.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 8:9

anerae apotu ikes kitipeiyosi Asiriya, ekwaanikin ikes ka esigirya ŋolo itiaŋaara, ka adaut akitac ŋakwapin ŋunace ikotere iŋarakinete ikes.

Osea 9:15

Ageuni aronis kec daadaŋ alo Giligal, abu ayoŋ ogeu akitidiŋ ikes a nen. Aŋuna ka aronis a ŋiticisyo kec, eritari ayoŋ ikes alo Kai kaŋ, nyeriŋa nabo ayoŋ aminakini ikes, akaŋero ayoŋ ŋikapolok kec daadaŋ.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Amos 2:4

Tema Amos, “Alimu Ekapolon ŋakiro nu ebe, ‘Aŋuna arubakiniata ŋituŋa a Yudaya itiyaete ŋasecisya ŋuna alalak nooi, nyaesikini ayoŋ akisican ikes, anerae aŋero ikes akiwuap ŋikisila kaŋ ka nyiwuapa ikes ŋakiro ŋuna atubunit ayoŋ, nai etooliyo ikes alyokonu ŋinapei apotu atapapaa kec kiwuapa.

Mika 6:2

Kiirasi iyes ŋimoru ŋakiro ŋuna isitar Ekapolon, topupokisi iyes ŋawoeta ŋuna ka akwap ŋuna a ŋikaru ka ŋikaru, eyakar Ekapolon asitan lotuŋa keŋ, isitakinit iŋes Ŋisirael.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Ŋirom. 2:6

Akoloŋit ŋin, eropi Akuj ŋinituŋanan lopite ŋolo itiyator iŋes.

Ŋigal. 6:7

Tocoito nyimodikinosi! Emam ituŋanan epedori akitabaŋaan Akuj. Elemi ituŋanan ibore ŋinipei aris iŋes keeki.