Osea 11:8 - Ebaibul

⁸ Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Osea 11:8 Iomraidhean Croise

Akisy. 14:8

Tonyout ŋirwosi lu: Ŋolo a Sodoma, Gomora, Adama ka Seboim ta Bela (iŋes Soar). Kisiiryakis anakadipaalat a ŋina a Sidim

2 Sam. 24:16

Ani edikino emalaika emunyari ŋituŋa ŋulu alo Yerusalem, abu Ekapolon kilocok ŋatameta keŋ, ido abu tema neni a emalaika a ŋolo aari ŋituŋa a ŋol, “Etemokin! Kisieŋu akan kon.” Apaki ŋin, ayai emalaika a Ekapolon ŋol nalos ŋina ka Arauna a Eyebusit.

1 Ŋirw. 3:26

Kidisik etau a aberu a ŋina arae lokoku keŋ ŋini ayari aŋuna alokoku keŋ, tema neni ke erwosit, “Okoe, ekapolon kaŋ inak aberu ŋin isapat ŋin eyari!” Nai tema ŋinace, “Nyayai ayoŋ nyiyai iyoŋ daŋ; kibela iŋes.”

2 Ŋirw. 13:23

Nai, abu Ekapolon tominak ikes kisyonik. Totamu Ekapolon ikes aŋuna ka acamunet keŋ ka Aburaam ka Isaka ta Yakob, toesik amunyar ikes. Akitodol tari tokona, eriŋa Ekapolon nyiritara ikes aneni keŋ.

2 Ŋakiro a ŋirwa 36:15

Abu Ekapolon Akuj atapapaa a ŋituŋa a Yudaya ka Yerusalem torubak iyakiyanari ŋikadwarak akisirworiun ŋituŋa a Yudaya ka Yerusalem, anerae esyonit Akuj ikes kaapei ka Akai keŋ.

Ŋikiru. 106:45

aŋuna kec, abu Akuj totamu acamunet keŋ, ido anamina keŋ a ŋina apolon, a ŋina nyiryaŋiryaŋa, abu Akuj kisyoni ikes.

Isa. 16:11

Aŋun, idoŋae etau kaŋ iyaloloŋi aŋuna a Moab ka iyaloloŋi akiyar kaŋ aŋuna a Kir-Eres.

Isa. 63:15

Ekapolon kiŋoliu alokidiama, ido ikiŋolik, kiŋoliu anakibois kon a ŋina asegan ka a ŋina ka apolou. Ai eyai alelakinit kon isua ka apedor kon ŋina etiron? Ai eyai arimao ŋina a etau kon ka akisyon kon? Ilema iyoŋ ŋun aneni kaŋ.

Yer. 18:8

ani kimyekis ŋituŋa a akwap a ŋin akitiya aronis, ekaku kalimok ayoŋ ikes akimyekin, emyekini ayoŋ akisican ikes nyedolokis ikes ŋican ŋulu sek atubunit ayoŋ atemar toryamut ikes.

Yer. 3:12

Tolot kiserak ŋituŋa ŋulu alowae a ŋolo alo kuju ŋakiro nu atemar; toboŋutu, iyes ŋituŋa a Isirael ŋulu emam anupit, nyarubakini ayoŋ ekete iyes akaŋoikinit, anerae arae ayoŋ ŋolo esyonion, nyarubakini ayoŋ aŋoit ŋikaru ka ŋikaru.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 42:10

‘Ani ca kirubakis iyes iboiyete anakwap a na eketogogoŋi ayoŋ iyes, nyakalemari, akadupakini ayoŋ iyes, nyakamunyari, anerae ekesiyaloloŋ ayoŋ ŋican ŋulu abu ayoŋ oyau neni kus.

Yer. 9:6

Elal nooi akisicanit ŋuluce, elal nooi amodiyo, awout ikes ayenun ayoŋ.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Aum. 1:20

“Kiŋolik mono iyoŋ okoe Ekapolon epite ŋolo ikiryamunitor isua ŋican, ikiryebete isua ŋakiro nooi; emam akinapakina eyai lotai kosi, anerae aponi isua toruworotei ŋikaŋerok. Ani ikilomari isua kiŋa ikiari; ani ikiboi alotooma ŋakais daŋ ikiwuapunit atwanare.

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Aum. 3:33

Nyelakara Ekapolon ikisicani iwon, kori ikiinakini aryeba.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”

Osea 7:1

Apaki daadaŋ ŋina etaŋaleunio ayoŋ ŋituŋa a Isirael, ileereununui aronis a Epuraim ka ileereununete ŋiticisyo ŋulu aronok ŋulu itiyaete ŋituŋa a Samaria, anerae itiyaete ikes ŋuna ka amodiyo, ebwaŋabwaŋaete ŋikokolak ŋakais, edemanarete ŋikademak ŋituŋa ŋiboro alorotin.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Amos 7:3

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun.”

Amos 7:6

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun daŋ.”

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Sepan. 2:9

Aŋun, ayoŋ Ekapolon ŋolo Etiron, Akuj ŋina a Ŋisirael alimu atemar, ‘Ikwapei ayarya ayoŋ, inyasunio Moab ikwa Sodoma, ikwaanikin Ŋiamoni ka ŋituŋa a Gomora, Sodoma ka Gomora ŋakiboisyo ŋuna aliba ŋinya aneni sek adukitoe ikes, ŋakiboisyo ŋuna aruwor ŋapanya ŋuna ebokere acumbi, ŋakiboisyo ŋuna aruwor ŋacaryo ŋikaru ka ŋikaru. Ikurukurorete ŋituŋa kaŋ ŋulupiya ŋakiboisyo ŋun; eruwor ŋakwapin ŋun ŋuna a ŋituŋa a ŋulu apotu tobucun alomoe kec.’

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Ŋikis. 29:22

Iŋolikinete ŋidwe kus ŋulu ka anyamet a ŋina ebuni epite ŋolo kinyasunere akwap ŋin ka ŋican ŋulu kebu Ekapolon kisicania ŋituŋa ŋulu kiboiyete a nen, iŋolikinete ŋigelaanotin ŋulu epote anakwapin a ŋuna alwanak ŋakiro nu:

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.

Akis. 18:18

kikalout eanyuwarete apuru ŋina ka arira a ŋina anomiyari iŋes temasi, “Emam etaun ece ŋolo ekoni etaun ŋolo apolon nooi lo ŋinapei koloŋ!”

Ŋikat. 10:16

Aŋun, apotu Ŋisirael kimasanasi aneni aya ikes ŋitorubei a ŋakujo a ŋunagelae, kilipa neni ke Ekapolon, ido abu Ekapolon tojoŋo akidaŋidaŋ akitere Ŋisirael eryamunito ŋican.