Osea 11:7 - Ebaibul

⁷ Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 11:7 Iomraidhean Croise

Ŋikiru. 81:11

“Nai apotu ŋituŋa kaŋ nyiirasi ŋuna erworo ayoŋ; apotu Ŋisirael nyekewuapa ayoŋ.

Ŋakit. 14:14

Eryamunete ŋituŋa ŋulu nyejokak ŋuna itemokinitoe aŋuna kec, eryamunete ŋituŋa ŋulu ajokak ŋuna itemokinitoe aŋuna a ŋiticisyo kec a ŋulu ajokak.

Isa. 26:10

Ani kitoodikin ajokis neni a ŋituŋa a ŋulu itiyaete aronis, nyeyenunete ŋituŋa ŋul ŋuna ka akiyookino; itiyaete ikes ŋuna aronok tari eyakasi nakwap a ŋulu iyookino, nyemitakinito ailiil ŋina ke Ekapolon.

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 3:11

“Abu nai Ekapolon kirwor neni kaŋ tema, ‘Etoodiut ŋituŋa a Isirael ŋulu emam anupit kec atemar nyiilit ikes nooi aŋuna ka asecit lopite ŋolo iilitor ŋikalyokonok, ŋituŋa ŋulu a Yudaya.

Yer. 7:25

Ameun anakoloŋit a ŋina aponiata atapapaa kus anakwap a Ijipit akitodol nakoloŋit na, abu ayoŋ eyakiyanak ikes jik ŋiketiyak kaŋ ŋikadwarak daadaŋ, abu ayoŋ eyakiyanak ikes ŋikadwarak aŋinakoloŋit,

Yer. 7:26

nai nyepupokina ikes ŋakiro kaŋ, kori nyemitakina, nai apotu kitogogoŋo ŋakyes kec. Apotu ikes kitiyata ŋuna aronok nooi akilo ŋuna apotu atapapaa kec kitiyata.

Yer. 8:5

Kaanukiro nai aoliyoreta ŋituŋa lu tomam aboŋun? Emiidikin ikes nalyokonu, awout jik aboŋun.

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 14:4

Enyakuni ayoŋ ŋituŋa neni kaŋ, aminakini ayoŋ ikes a etau kaŋ a daadaŋ, anerae nyeriŋa ayoŋ aŋoikinit ikes.

Osea 4:16

Isyaana Isirael lopite ŋolo isyaania ataok. Epedori tokona Ekapolon akitan ikes lopite ŋolo iyokiyere ikale ŋinimesek a neni elolom, neni eya ŋinya.

Osea 7:16

Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.