Osea 11:6 - Ebaibul

⁶ Iatakin ejie lotaunio kec daadaŋ, ebwaŋabwaŋaryo ŋasuwa ŋuna a ŋipukei a ŋitaunio kec, emunyaryo ŋituŋa keŋ daadaŋ, anerae itiyaete ikes ŋuna eyeete.

Osea 11:6 Iomraidhean Croise

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Ŋikiru. 106:43

Ŋapakio ŋuna alalak, abu Akuj tolakununu ikes, nai aŋereneneete ikes Akuj alotooma ŋuna etiyaete ikes, ido aponi ikes kituruworoe ŋicaryo aŋuna a ŋasecisya kec.

Isa. 18:5

Eriŋa nyedolo apaki ŋina elemere, apaki ŋina edaunotor ŋatur a ŋikinyom, toruworos ŋatur ŋaraito a epiini ŋuna akoko, etubori Ekapolon a ekileŋ ŋatalijei, ido etubori iŋes ŋaten ya nariet.

Isa. 27:10

Asilu etaun ŋolo sek edukitoe ŋaduketa ŋunajiet, aruwor ere ŋorot ka emyekin, ekwaanikin ka aloŋisat. Aruwor nen neni edakasi ŋitak, neni euryaketa ikes ka igerete a nen ŋaten a ŋikito a ereŋorot.

Isa. 30:1

Irworo Ekapolon ebala, “Okoe iyes ŋidwe ŋulu aŋerok, ŋulu eyeete ŋakiro, nai meere ŋuna kaŋ, iyes ŋulu icamununosi, nai anakimanit ŋuna acamit ayoŋ;

Isa. 9:14

Aŋun, abu Ekapolon tomunya alo Isirael ŋikapolok ka ŋulu nyerae ŋikapolok, abu tomunya ŋulu agogoŋok ka ŋulupalag. Abu Ekapolon kitiya ŋun, akoloŋit apei,

Yer. 5:17

Irikarete ikes ŋikinyom ŋulu ilemunete iyes alomanikorin kus ka akimuj kus daadaŋ, emunyarete ikes ŋidwe kus ŋulusapa ka ŋulupesur, irikarete ikes ŋamesekin ka ŋaatuk kus, irikarete ikes ŋikito kus ŋulu a epiini ka ŋiboboryo; inyasunete ikes ŋitaunio kus ŋulu eyakatar ŋaduketa ŋunajiet, ŋitaunio ŋulu sek ikinyomito iyes.

Yer. 50:35

Alimu Ekapolon ebe, “Earyo a ekileŋ Ŋibabiloniyae ka ŋituŋa ŋulu iboiyete alo Babilon, earyo a ekileŋ ŋikapolok ka ŋikaosok a Babilon.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Esek. 20:47

tolimok amoni ŋina alo Negeb atemar kiira ŋakiro a Ekapolon, alimu Ekapolon, Akuj ebe, ‘Eapi ayoŋ akitenepun akim aneni kon, enyamuwari akim ŋin ŋikito ŋulu alibak daadaŋ ŋulu eya tooma kon ka ŋikito daadaŋ ŋulu eya tooma kon ŋulu aonok. Mam ibore epedori akituduŋere arira ŋina etitae nooi ŋin. Enomi amwanis a arira a ŋin ibore daadaŋ ŋini eyai lowae ŋolo alo Kwap tomyaa lowae ŋolo alo Kuju.

Osea 10:14

ebuni ejie neni a ŋituŋa kus ka emunaaryo ŋaduketa kus ŋunajiet daadaŋ, lopite ŋolo amunaarya Saliman etaun ŋolo enyaritae Bes-Aribel akoloŋit ŋina ke ejie, apaki ŋina amunyarere ŋaberu kaapei ka ŋidwe kec.

Osea 10:6

Eaaryo etorube ŋol Asiriya, ikwapei ocur neni ke erwosit a ŋolo apolon. Isirumio ŋituŋa a Epuraim ŋileec ka irumete ŋituŋa a Isirael ŋileec aŋuna a etorube a ŋolo ka akuj kec.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Osea 4:16

Isyaana Isirael lopite ŋolo isyaania ataok. Epedori tokona Ekapolon akitan ikes lopite ŋolo iyokiyere ikale ŋinimesek a neni elolom, neni eya ŋinya.

Osea 4:17

“Emorikinosi Epuraim ka ŋakujo, kimyekisi iŋes bon.

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.

Amos 6:8

Adau Ekapolon Akuj alope akikoŋ nu ebe, ‘Nyacamit ayoŋ akituro a Ŋisirael, aŋerit daŋ ŋaduketa kec ŋunajiet, ido ainakini ayoŋ etaun a Ŋisirael ŋolo apolon ka ŋinibore daadaŋ eyai tooma keŋ nakan a ŋimoe kec.’

Mika 5:11

Amunaari ayoŋ ŋitaunio ŋulu anakwap kus, oukonok kwap ŋaduketa ŋuna ijioto iyes.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Ŋikis. 28:52

Ikirikaunete ikes iyes alotaunio kus a daadaŋ akitodol ŋina eritakiniata kwap anakwap kus a daadaŋ ŋarwatatain ŋuna aoyak ŋuna ewuatere ŋitaunio kus ka ŋaduketa ŋunajiet ŋuna eya nen ŋuna sek ikinyomito iyes. Ikirikaunete ikes iyes anakwap kus a daadaŋ a ŋina ikiinak Ekapolon Akuj kus iyes.

Ŋikis. 32:25

Emunyari ekileŋ ŋituŋa alorotin a ŋitaunio, eyakaun ekabule lorerya, earyo ŋisorok ka ŋasorok kaapei, earyo ŋiŋwea ka ŋituŋa ŋulu emojoŋito.