Osea 11:5 - Ebaibul

⁵ Eboŋorete ikes nakwap a Ijipit ka ipukae ikes erwosit ŋolo ka Asiriya, anerae awout ikes aboŋun neni kaŋ.

Osea 11:5 Iomraidhean Croise

2 Ŋirw. 15:19

Bu erwosit Pul ŋolo ka Asiriya torem akwap a Ŋisirael. Inak Menaem ŋolo arae erwosit a Isirael ŋitalantae aliput ŋulu a esilipa neni a Pul, ikotere kiŋarakinia Pul iŋes, torubak ipukat.

2 Ŋirw. 15:29

Alorwa a ŋulu epukator Pekaia Isirael, bu Tigilaspilese ŋolo epukat Asiriya torem akwap a Isirael kikama neni anyaritae Ijon, Abelebesmaaka, Yanoa, Kedec, Asor, Gilead ka Galileya, arae ŋul daadaŋ ŋirerya ŋulu ka akwap a Naputali. Kikama iŋes ŋituŋa daadaŋ ya Asiriya.

Osea 10:6

Eaaryo etorube ŋol Asiriya, ikwapei ocur neni ke erwosit a ŋolo apolon. Isirumio ŋituŋa a Epuraim ŋileec ka irumete ŋituŋa a Isirael ŋileec aŋuna a etorube a ŋolo ka akuj kec.

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Osea 6:1

Apotu ŋituŋa temasi, “Potu, oboŋosi neni ke Ekapolon, anerae iŋes ŋolo abu ikiwan iwon, iŋes pei epedori akitaŋaleun iwon. Ikida iŋes iwon, ido iŋes pei epedori akimad ŋajemei yok.

Osea 7:16

Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Osea 9:3

Nyidoŋete ikes iboiyete anakwap a ŋina ke Ekapolon, nai eboŋorete ŋituŋa a Epuraim Ijipit, imujete ikes anakwap ka Asiriya ŋamuja ŋuna italeo ikes akinyam.

Osea 9:6

Tari kebucarosi ikes anamunyaro, ecunarete Ŋijipitian ikes ka enukio ikes Mempis. Erupunete ŋinya aneni sek ayai abaru kec ŋina a esilipa, erupunete ŋikukwa alorerya kec.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Amos 4:6

Torubak Amos irworo tema, “Ebala Ekapolon, ‘Abu ayoŋ ekesican iyes a akoro alotaunio kus a daadaŋ, abu akimuj tomamuun anakiboisyo kus a daadaŋ; nai ipotu iyes nyikiwa.

Amos 5:27

ekaku a ŋun, eketirikori ayoŋ iyes ŋituŋa, ikiya iyes nakwap ŋina eyai yaye Damasko.” Alimu Ekapolon ŋolo erae ekiro keŋ Akuj ŋina a ŋajoresyo ŋakiro ŋun.

Ŋikis. 17:16

Kikote neni daŋ, nyemaikina iŋes toryamu aŋuna keŋ ŋaŋolei ŋuna alalak, kori kinyaka ŋituŋa Ijipit aŋuna ka aryamun ŋaŋolei ŋace, anerae ikilimok iyes Ekapolon ebe, “Nyiboyosi nabo inaa.”