Osea 11:10 - Ebaibul

¹⁰ Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

Osea 11:10 Iomraidhean Croise

Yob 37:1

“Einanakinete ŋakiro ŋun daŋ etau kaŋ amaranikin ka edoununui aneni eyai.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 2:11

Kitiyanakisi Ekapolon itopoloorito, kitiditeunos make alokiŋaren keŋ.

Isa. 11:11

Akoloŋit ŋin, isitiyae nabo Ekapolon apedor keŋ kinyaku ŋipiya a ŋituŋa keŋ alo Asiriya, alo Ijipit, alo Pasiros, alo Esiopia, alo Elam, alo Sinar, alo Amas ka anakwapin a ŋuna idunyito anam.

Isa. 2:5

Okoe ŋituŋa a Yakob. potu ewuapa ŋuna ikilimokinit Ekapolon!

Isa. 31:4

Abu Ekapolon okolimok ayoŋ tema, “Ikwaŋina ipopolaa eŋatuny, kori eŋatuny ŋolosorokit alokidiama ityaŋ ŋini adau akikamun, ŋolo ani tari kenyaraun ŋikeyokok ŋulu alalak akiar iŋes, nyeryaŋakin aŋuna ke ecelet a ŋikeyokok, kori nyesuro aŋuna a ecelet kec, aŋun ebuni Ekapolon ŋolo a ŋajoresyo ajiore alo Sion, ajiore anaitae a ekamukumukut Sion.

Isa. 42:13

Elosi Ekapolon ajiore iŋarenit ikwa ekajion, isimukekini iŋes alelakinit keŋ ejie ikwa ekajion; eceluni iŋes, eceluni iŋes nooi, itoodiun iŋes erae ŋolo etiron eremokino ŋimoe keŋ.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 64:2

Totiyaun lopite ŋolo itiriraunia akim amoni ka lopite ŋolo itukulaunia akim ŋakipi; bua kitoodik apedor kon neni a ŋimoe kon, ikotere emaranikinete ŋituŋa a ŋakwapin ikiŋolikinete iyoŋ.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 25:30

“Aŋun, idwari iyoŋ neni kec ŋakiro nu daadaŋ, ido tolimok ikes ebe, ‘Egirokini Ekapolon alokidiama ka irworikini anakibois keŋ a ŋina asegan, egirokini iŋes nooi imanit ŋituŋa keŋ, eceluni lopite ŋolo ecelatar ŋituŋa ŋulu ecuyete epiini, eceluni imanit ŋituŋa ŋulu iboiyete anakwap.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Yer. 50:4

“Alorwa a ŋul ka anapaki a ŋin, epote ŋituŋa a Isirael ka ŋulu a Yudaya kaapei igworosi iwarito Ekapolon Akuj kec.

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Amos 1:2

Tema Amos, “Ipopolae Ekapolon alo Sion, egiro etoil keŋ alo Yerusalem; aoko ŋinya aneni edakasi ŋibaren. aoko alomoru Karimel.”

Amos 3:4

Epedori mono eŋatuny akiruruma anamoni kemam etyaŋ ŋolo ikamunit a? Epedori mono itaok a eŋatuny arwore anadui keŋ pa enyamit ediotyaŋ a?

Amos 3:8

Erurumak eŋatuny, ŋae nyebuli? Erworik Ekapolon Akuj, ŋae nyepedori akidwar?

Mika 4:5

Elosete ŋakwapin daadaŋ iwuapit ŋinakwap akuj keŋ ka ilipi ŋinakwap neni ka akuj keŋ, nai iwon ikiwuapi ŋuna a Ekapolon ka ikilipi neni a Ekapolon Akuj yok ŋikaru ka ŋikaru.

Abak. 3:16

Apupi ayoŋ ŋakiro ŋun daadaŋ, ido amarani; emaranete ŋipon kaŋ aŋuna a ekabule a ŋakiro a ŋun. alilimiyosi ŋakoyo anakuwan kaŋ, amarani ayoŋ aneni awuar, edaruni ayoŋ ekililiŋat apaki bu, apaki ŋina isicania Akuj ŋituŋa ŋul ŋulu eketijiete ayoŋ.

Sakar 10:10

Enyakuni ayoŋ ikes nakwap kec, enyakuni ayoŋ ikes alo Ijipit ka Asiriya, esiboik ikes nakwap kec. Esiboikini ayoŋ ikes Gilead ka Lebanon daŋ ilelebunosi ŋituŋa kaŋ nakwap kec daadaŋ.

Sakar 10:12

Etogogoŋi ayoŋ ŋituŋa kaŋ; ilipete neni kaŋ ka iwuapete ŋakiro kaŋ.” Adau Ekapolon alimun ŋakiro ŋun.

Sakar 8:7

Aiuni ayoŋ ŋituŋa kaŋ anakwapin a ŋuna alo Kide ka ŋuna alo To.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Ŋitic. 24:25

Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

2 Pet. 2:10

Erae ŋun kire nooi, ikotere ŋulu iwuapito ekibure kec ŋolo aronon ŋolo a ŋawat ka toŋerito akipukao. Erae ŋiketatamak ŋulu alyokonok ŋul, ŋulu nyeleecoko ka isupaka, nyekerito ikes ŋisubuna ŋulu itopolooritae, ŋulu eyakasi kidiama; nai iyanyete ikes.

Akis. 10:3

kiworou a etoil a ŋolo apolon ikwa ŋolo ke eŋatuny irurumae; ani kiworou, torukis ŋagirokineta ŋunakanikaarei.