Osea 10:14 - Ebaibul

¹⁴ ebuni ejie neni a ŋituŋa kus ka emunaaryo ŋaduketa kus ŋunajiet daadaŋ, lopite ŋolo amunaarya Saliman etaun ŋolo enyaritae Bes-Aribel akoloŋit ŋina ke ejie, apaki ŋina amunyarere ŋaberu kaapei ka ŋidwe kec.

Osea 10:14 Iomraidhean Croise

Akisy. 32:11

Ekelipit, toiunae ayoŋ anakan a ŋuna alokaato kaŋ ke Esau, anerae akerit ayoŋ iŋes, acepaki ebuni akiar isua daadaŋ ŋaberu ka ŋidwe.

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

2 Ŋirw. 17:3

Abu erwosit ka Asiriya ŋolo anyaritae Salimaneser bu akitijiore iŋes. Tocamu Osea ŋolo sek arae ekawoikiniton keŋ, atacanakin ocur neni keŋ a ŋolokaru.

2 Ŋirw. 18:33

Eyai anakujo aŋuna a ŋakwapin adio ŋina abu tolaku akwap keŋ aneni ke erwosit a ŋolo ka Asiriya a?

Isa. 17:3

Elemaryo aduketait ŋinajiet alo Epuraim ka elemaryo apukan alo Damasko, ido ikwaanikinosi apolou ŋina a ŋipiya ka Aram ka ŋina a Ŋisirael.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 48:41

Ikamaryo ŋitaunio, ikamaryo tari ŋaduketa ŋunajiet. Akoloŋit ŋin ikokinete ŋitai a ŋikajiok a Moab ŋulu ka aberu a ŋina eryeba aŋuna ka akidoun.

Osea 10:15

Okoe Besel, itiyakinio ŋun neni kon daŋ, anerae epol nooi aronis kon. Elemaryo erwosit a Isirael akoloŋit ŋin iwalari akwap.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Amos 3:14

“Akoloŋit ŋina esicania ayoŋ ŋituŋa a Isirael aŋuna a ŋasecisya kec, amunaari ayoŋ ŋamuroeta ŋuna eya lotaun Besel, atubori ayoŋ ŋamomwar ŋuna eya lokoonae a Ŋamuroeta tocakakin kwap.

Amos 3:8

Erurumak eŋatuny, ŋae nyebuli? Erworik Ekapolon Akuj, ŋae nyepedori akidwar?

Amos 9:5

“Ekapolon Akuj ŋina a ŋajoresyo, ŋina ani ketap akwap, emaranikini akwap, ikalounete ŋituŋa daadaŋ ŋulu iboiyete anakwap, iyatanakini ka itiditeununui ebari lopite ŋolo a ŋakipi a Nile.

Mika 5:11

Amunaari ayoŋ ŋitaunio ŋulu anakwap kus, oukonok kwap ŋaduketa ŋuna ijioto iyes.

Naum 3:10

Kikote neni daŋ, aponi torikoroe ŋituŋa a Tebes nakwapin, kituruworoe ikes ŋipi. toaranakinae ŋidwe kec nakiryamiryamet a ŋirotin, torikonoroe ŋikapolok a ŋituŋa keŋ eenitae a ŋiriko, kilamilama ŋikarikorok kec totedoreta ŋini eai edyo a ŋikapolok a ŋul.

Naum 3:12

Ikote ŋaduketa kon ŋunajiet ŋiboboryo ŋulu isyakinete akira, ŋulu iloilookinio torarakin ŋaraito nakituk a ŋinibore enyami.

Abak. 1:10

Ejamuwarito ikes ŋirwosi, ido ekyenatar ŋikepukak. Ejamuwarito ikes ŋaduketa ŋunajiet daadaŋ, anerae epedorito ikes akituk ŋalup tari kidiama akitodol neni ikamaryata akibois.