Osea 10:12 - Ebaibul

¹² Kitiyata aŋuna kus ŋiticisyo ŋulu ka akiyookino, toyakaunotor amina ŋina nyiryaŋiryaŋa. Kikukorikisi ŋimanikorin kus ŋulu idaut iyes akitare, anerae adol apaki ŋina emaikina iyes kiwaryata Ekapolon, ikotere iŋes ebuni ainakin iyes ŋarereŋisyo ŋuna ka akiyookino.

Osea 10:12 Iomraidhean Croise

Ŋikiru. 105:4

Kiwara Ekapolon ka kiwara agogoŋu keŋ, kiwara ayakau neni keŋ jwi jwi.

Ŋikiru. 72:6

Elipi inak erwosit ajokis anapukan keŋ, ŋina ikoni ŋina einakini akiru ŋikinyom ŋulu elomete elipi kikok iŋes akiru ŋina itojoki akwap.

Ŋakit. 11:18

Emam eropit eryamununeete ŋituŋa ŋulu aronok. nai ŋituŋa ŋulu itiyaete ŋuna iyookino, eryamunete eropit ŋolo a kire.

Ŋakit. 18:21

Epedorete ŋakiro ŋuna irworo ituŋanan aiun akiyar keŋ kori amunaar akiyar keŋ, aŋun, emaikina ituŋanan tocamu ŋatyokisyo ŋuna epote neni keŋ aŋuna a erwor keŋ.

Ekal. 11:6

Kita ŋikinyom kon taparacu, ido nyijamak akitare ŋikinyom kon tari ŋisaae ŋulu ka ataboŋo, anerae nyiyeni iyoŋ atemar a lu elomunete ejok tokoko ejok, kerae ŋulu ka taparacu, kori ŋulu ka ataboŋo, kori elomunete daadaŋ ejok tokoko ejok ikwaan.

Isa. 30:23

Iyakuuni iŋes akiru a ŋuna a ŋikinyom a ŋulu iekinete iyes nalup, ido akimuj ŋina elomuni analup, eruwor ŋina etuman ka ŋina alalan nooi. Akoloŋit ŋin, epote ŋaatuk kus adak neni ca daadaŋ eya ŋinya;

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 32:20

Irereŋioto iyes ŋulu itaete diyete ŋayona daadaŋ, iyes ŋulu imyekinete ŋisigirya ka ŋimoŋin kus edakasi emam ŋace.

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 45:8

“Okoe nakuj, tobuku akiyookino, emaikina kidiama tobuku akiyookino kwap, emaikina akwap toŋaar aŋuna ka akiyookino, ikotere aiuno eyakaun emam ŋace, emaikina aiuno yau tari akiyookino; ayoŋ Ekapolon etiyau ŋun toyakaun.

Isa. 48:18

Okoe, kerae ca kiwuapito iyes ŋakiciketa kaŋ, keropiunito ŋarereŋisyo neni kus ikwa ŋakipi ŋuna eleleete anaŋolol a ŋina nyeonene, kikiropikinito iyes akilounun ŋimoe kus lopite ŋolo eropiyoto ŋikaguragurae a ŋakipi ananam.

Isa. 5:6

Emyekini ayoŋ iŋes toruwor ŋalup ŋunacaryo, nyinyiporyo ŋikito keŋ, kori nyitao iŋes jik, erupunete ŋinya ka ŋamon a ŋikukwa aneni keŋ, alimokini ayoŋ ŋidouwon nyitodoto akiru lomanikor ŋol.

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Isa. 55:6

Kiwara Ekapolon eriŋa epatana aryamun iŋes, tonyarata iŋes eriŋa eapi,

Yer. 50:4

“Alorwa a ŋul ka anapaki a ŋin, epote ŋituŋa a Isirael ka ŋulu a Yudaya kaapei igworosi iwarito Ekapolon Akuj kec.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Osea 8:7

Eeyanakinete ŋituŋa a Isirael ekuwuam ŋolo ekusi iwadio lomanikorin kec, aŋun, elemunete ekuwuam ŋolo ekusi nooi kipiripiri, nyesuronorete ŋikinyom alomanikorin kec, emam akimuj eryamunio alomanikorin kec, ani kerae toraunito, keponito ŋituŋa ŋuluce alemar.

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 5:4

Alimu daŋ Ekapolon ebe, ‘Toboŋutu neni kaŋ ikotere toyara,

Amos 5:6

Toboŋutu neni ke Ekapolon ikotere toyara, ani pa kiboŋut iyes neni keŋ, ebuni iŋes neni a ŋiletok a Yosepu erirae aŋoit ikwa akim, emunaari iŋes Besel, mam ituŋanan ŋini iretakini aŋoit keŋ.

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Luk. 13:24

“Toŋirikisi ka agogoŋu alomar alokek a ŋolo adidiŋan. Anerae akalimokini ayoŋ iyes atemar, eŋirikinete ŋikalalak alomar tooma, nai nyepedorete.

Ŋitic. 2:18

Kire tari ŋiketiyak kaŋ, ŋikilyok ka ŋaberu, eyakikini Etau kaŋ ŋirwa ŋul, ido todwara.

2 Ŋikor. 9:10

Akuj ŋina ekori ŋikinyom neni ke eketan ka atap ŋina kimuja, ikikorakini daŋ iŋes iyes ŋikinyom ŋulu iitanito iyes, kitopolou ikes toraa nooi ŋaraito ŋuna ka arimao kus.

Yak. 3:18

Ŋina itiyaata ŋulu esisilak aŋuna ke ekisil, eekinete ikes ŋikinyom ŋulu erayete akiyookino.