Osea 10:1 - Ebaibul

¹ Ikwaan ŋituŋa a Isirael ka ekitoe a epiini ŋolo elyaarito ŋaten neni alwanan, ŋolo eraunene ŋaraito ŋuna alalak nooi, ani elalakunete ŋiletok kec, tolalata ŋamuroeta ŋuna edukete ikes. Ani elalauni abaru anakwap kec, kitalalata ikes ŋipirin ŋulu erae ŋakujo kec.

Osea 10:1 Iomraidhean Croise

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

Yer. 11:13

okoe ŋituŋa a Yudaya ariyanikin ekimar a ŋakujo kus ka ekimar a ŋitaunio kus ka ariyanikin ekimar a ŋamuroeta a ŋuna iduko iyes ka ŋirotin a Yerusalem. Erae ŋamuroeta ŋun ŋuna iinanakiniata iyes ŋainakineta neni a Baal.

Yer. 11:17

Atubu Ekapolon ŋolo a ŋajoresyo akisicanio kus aŋuna a ŋakiro a ŋuna aronok aŋuna etiyata ŋituŋa a Isirael ka ŋituŋa a Yudaya, apotu ikes eketoŋoa ayoŋ aŋuna ainanakiniata ŋainanakineta neni a Baal.”

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Osea 12:11

Eyai asecit lotuŋa a Gilead, kire jik, emunyaryo ikes. Eareneneo ŋimoŋin erae ŋamuronisya alo Gilgal, aŋun, ikwaanikinosi ŋamuroeta kec ka ŋatukon a ŋamoru ŋuna etukitoe lomanikorin.

Osea 12:8

Alimu Epuraim ebe, “Aa! Abar ayoŋ, aryamu ayoŋ abaru aŋuna kaŋ a elope, aloboro a daadaŋ a ŋulu aryamu ayoŋ, mam aronis adio erukaun aneni kaŋ ŋina asecitor ayoŋ.”

Osea 13:15

Tari kelalata ŋituŋa a Isirael aneni a ŋikaitotoi kec, eyakuuni ayoŋ ekuwuam bu alo Kide, ebuni ekuwuam ŋolo ke Ekapolon analoŋisat itooni ekuwuam ŋol ŋiitan kec ka ŋakare kec, epyaari ekuwuam ŋol ibore ŋini ajokan daadaŋ anakwap kec.

Osea 13:2

Arubakis tokona ikes eseceneneete, itiyaununeete ŋiboorei a ŋasuwa, ido kilipa neni kec, itiyaununeete ŋitorubei a ŋakujo a esilipa lopite ŋolo eyeniata ikes, erae ŋituŋa ŋulu eyenete akitiya ŋiboro ejok ikes itiyaununeete ŋakujo ŋun, ido ebasi ŋituŋa a Epuraim, “Oinakisi ŋamuronisya neni a ŋakujo a ŋun!” Enuyete ŋituŋa ŋul ŋitorubei a ŋitak.

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Osea 2:10

Tokona, esileereuni ayoŋ aleeco keŋ alokiŋaren ŋikilyok ŋulu emina iŋes, mam ituŋanan epedori aiun iŋes anapedor kaŋ.

Osea 2:8

Abu aberu ŋin nyeyenu atemar ayoŋ abu oinak iŋes ŋikinyom, epiini ka akimyet ka arae ayoŋ abu etepetu esilipa ka egolid ŋolo ayaanarete ikes neni a Baal.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Osea 4:7

Ani ilalakunete iyes ŋisacaradotin, tolalata ŋasecisya daŋ ŋuna eseceseceneneo neni kaŋ, eturuwori ayoŋ apolou kus acaryoonut.

Osea 8:11

Aŋuna abunio Epuraim kitalala ŋamuroeta aŋuna ka akitiyaa ŋamuronisya ŋuna emookunor anasecit, aruwor ŋamuroeta ŋun ŋuna eseceneneere.

Osea 8:4

Apotu Ŋisirael toseununut ŋirwosi, nai pa acamakinit ayoŋ, apotu ikes kiwuanakis ŋikepukak, nai pa ayeni ayoŋ. Apotu ikes kitiyaununut ŋitorubei a ŋakujo a esilipa ka egolid, ŋakujo ŋuna apotu yaut amunyaro neni kec.

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Naum 2:2

(Inyakakini Ekapolon apolou ŋina ailiilon neni a Isirael kikok nenipei sek ekoni ekiŋaren eriŋa ŋimoe keŋ nyinyasuna iŋes.)

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Ŋipil. 2:21

Anerae emitakinit ŋinituŋanan ŋakiro keŋ a ilope, nyemitakinit ŋuna a Yesu Kristo.