Osea 1:9 - Ebaibul

⁹ Tolimok Ekapolon Osea tema, “Tolimok ikoku kon ŋin ekiro Lo-ami, anerae nyeriŋa iyes iraakasi ŋituŋa kaŋ ka nyeriŋa ayoŋ arae Akuj kus.”

Osea 1:9 Iomraidhean Croise

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 20:3

Ani iwalari akwap, apaki ŋina alacakinia Pasur Yeremia aneni aenitere a ŋiriko, tolimok Yeremia iŋes tema, “Ikilimok iyoŋ Ekapolon ekiro ‘Ekabule ŋiwaetin daadaŋ’ meere Pasur.”

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Osea 1:8

Ani ejoŋoe Lo-ruama akinak, topoti nabo Gomer, kidou ikoku ŋinisapat.

Osea 2:23

Tosodi ewuakini ayoŋ ŋituŋa kaŋ nakwap ka ainakini ayoŋ ikes arereŋu. Etoodikini ayoŋ amina kaŋ neni a ŋini sek anyaritae ebe, ‘Lo-Ruami,’ ido atemari neni a ŋini sek anyaritae ‘Lo-ami’ ebe, ‘Irae iyoŋ ŋini kaŋ’. Etemari iŋes ‘Irae iyoŋ Akuj kaŋ.’”