Osea 1:7 - Ebaibul

⁷ Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Osea 1:7 Iomraidhean Croise

2 Ŋirw. 19:29

Ani iyoŋ Esekia, eruwor na akitaanyikinet a ŋakiro a ŋun: Ekaru lo imujete iyes ŋinyomen ŋulu ka ariet make. Ani ekaru ŋolo etupakini, kimuja ejojo ŋolo a ŋinyomen a ŋul. Nai ekaru ŋolo a ŋiuni toekisi lomanikorin kus tolema, todupa ŋikito a epiini, ido tonyama ŋaraito kec.

2 Ŋirw. 19:34

Euryari ayoŋ etaun lo ido oiu, aŋuna kaŋ a elope ka aŋuna a Daudi a eketiyan kaŋ.”

2 Ŋirw. 19:35

Akoloŋit ŋin nakwaare, abu emalaika ŋolo ke Ekapolon tolot neni eboiyoto ŋasigarya ka Asiriya, toar ŋasigarya ŋalipyo amiat ka ŋatomonikanikauni ka ŋikan. Ani taparacu iwalari akwap, torukaut ŋituŋa ŋalyelin make.

2 Ŋirw. 6:18

Ani icodunete ŋasigarya ŋuna ka Aram neni ayai Elisa, kilip Elisa Akuj tema, “Ekapolon, kitumudukan ikes.” Kitumudukan nai Ekapolon ikes lopite ŋolo eŋitakinitor Elisa.

Ŋikiru. 33:16

Emam erwosit eiun aŋuna elalaketa ŋasigarya keŋ; emam ekajion elakun aŋuna ka agogoŋu keŋ.

Ŋikiru. 44:7

nai iyoŋ ikiinakini isua akiloun ŋimoe kosi, iyoŋ isurumenene ŋimoe kosi ŋileec.

Awos. 14:13

Abu nai Moses toboŋok ŋituŋa tema, “Nyikuryaketa. Kicata, iŋolikinete iyes alakuno ŋina ikiinakini iyes Ekapolon nakoloŋit na. Ŋijipitian ŋul ŋulu itete iyes tokona, nyiŋolikinete nabo iyes ikes jik.

Awos. 14:30

Abu Ekapolon toiu Ŋisirael akoloŋit ŋin anakan a Ŋijipitian. Kiŋolikis Ŋisirael Ŋijipitian ileeuyete etwakito alokipetot ka Anam.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 49:6

ebe, “Epataka mono ŋakiro ŋuna iraakar iyoŋ eketiyan kaŋ a? anerae ilosi iyoŋ akinyakun ŋikabilae a Yakob neni kaŋ ka ayaun neni kaŋ Ŋisirael ŋulu erae ŋipiya; eketuruwori ayoŋ iyoŋ akica ŋina a ŋulu nyerae Ŋiyudayan, ikotere itodoli iyoŋ aiuno ŋina ebunit aneni kaŋ nakisaleta a akwap.”

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 25:5

apaki ŋina ikilimokiniata ŋikadwarak iyes ebe, “Kilocokisi ŋipitesyo kus ŋulu aronok tokona, iyes ŋituŋa daadaŋ, kimyekisi akitiya ŋuna aronok, ido ipote iyes akiboi jik anakwap a ŋina abu Ekapolon ikiinak iyes ka neni atapapaa kus ŋinapei koloŋ sek tari ŋikaru ka ŋikaru,

Yer. 25:6

Nyiwuapa ŋakujo ŋace anakitiyanakin ka anakilipenen neni kec ka nyikitoŋoa ayoŋ a ŋiboro a ŋulu itiyaununeete iyes a ŋakan kus, kitiyata iyes ŋun nyetiyakini ayoŋ aronis adio neni kus.”

Yer. 33:26

Ikwaŋinapei, nyaŋeri ayoŋ acamunet kaŋ ka ŋiletok a Yakob ka ŋiletok a eketiyan kaŋ a Daudi, ido aseuni ayoŋ epei a ŋiletok a Daudi kipuka ŋiletok ka Aburaam, Isaka ka Yakob, anerae enyakakini ayoŋ ikes ŋarereŋisyo kec ka esyoni ayoŋ ikes.”

Osea 1:8

Ani ejoŋoe Lo-ruama akinak, topoti nabo Gomer, kidou ikoku ŋinisapat.

Osea 11:12

Irworosi ŋituŋa a Epuraim alyokonu neni kaŋ alowaetin a daadaŋ, akamodiyanakinete ŋituŋa a Yudaya ayoŋ alowaetin a daadaŋ. Eriŋa ŋituŋa a Yudaya akaŋerito ayoŋ Akuj ŋina Asegan ŋina ekinyoma.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

1 Sam. 17:47

Eyenunete daŋ ŋituŋa lu ŋulu ecunakina ne atemar meere ekileŋ ka akwara eiununia Ekapolon ŋituŋa; anerae erae ejie lo ŋolo ke Ekapolon, ido ikiinakini iŋes iyes napedor kosi.”